Published:Updated:

முயலுக்கு எத்தனை கால்?

பாலு சத்யா, ஓவியம்: ரவி

பிரீமியம் ஸ்டோரி

வர் நகரத்திலேயே மிகவும் புகழ்பெற்ற டாக்டர். அன்று ஞாயிற்றுக்கிழமை. முதல் கேஸே டாக்டரை கிறுகிறுக்க வைத்தது.

``என்னப்பா பிரச்னை?’’

``ஒண்ணும் இல்ல டாக்டர்.  நான் செத்துப் போயிட்டேன் அவ்வளவுதான்’’ என்றான் வந்தவன். 

டாக்டர் அசந்துபோனார். அவனை உற்றுப் பார்த்தார். மன நோயாளி மாதிரியும் தெரியவில்லை. நேர்த்தியாக ஆடை அணிந்திருந்தான். பளிச் சென்றிருந்தது முகம். `சரி... இவனை இவன் ரூட்டிலேயே அணுகவேண்டும்’ என்று முடிவு செய்துகொண்டார்.

``இங்கே பாருப்பா. நான் உனக்கு எதிர்ல உட்கார்ந்திருக்கேன். அது தெரியுதா?’’

``தெரியுது டாக்டர்.’’

``நானும் நீயும் பேசிக்கிட்டிருக்கோம். அப்பிடித்தானே?’’

``ஆமா.’’

``என் முன்னாடி உட்கார்ந்திருக்கிற நீ எப்படி செத்துப் போயிருக்க முடியும்? நீ சாகலை. உயிரோடதான் இருக்கே. புரிஞ்சுதா?’’

முயலுக்கு எத்தனை கால்?

``நீங்க சொல்றது சரிதான். ஆனா, நீங்க பேசிக்கிட்டு இருக்கறது என்கூட இல்லை; என் ஆவிகூட.’’ டாக்டருக்கு அழுவதா சிரிப்பதா என்று தெரியவில்லை. டாக்டரைப் பார்ப்பதற்காக, அறைக்கு வெளியே நிறைய நோயாளிகள் காத்திருந்தார்கள். ‘இவனை எப்படி வெளியே அனுப்புவது?’ என்ற பயம் வந்துவிட்டது.

``பாருப்பா...  உயிரோட இருக்கறவங்களுக்கும் செத்துப் போனவங்களுக்கும் வித்தியாசம் இருக்கு. உண்டா, இல்லியா?’’

``நிச்சயமா இருக்கு சார்.’’

``உயிரோட இருக்கறவங்க உடம்புல ரத்தம் ஓடும். செத்துப்போனவங்க உடம்புல ரத்தம் ஓடாது. சரிதானே?’’

``ஆமா சார்.’’

``இப்போ உன் உடம்புல ரத்தம் ஓடுதா இல்லையானு டெஸ்ட் பண்ணிப் பாத்துடலாமா?’’

``சரி சார். உங்க இஷ்டம்.’’ டாக்டருக்கு, உண்மையை அவனுக்கு உணர்த்திவிடலாம் என்ற நம்பிக்கை வந்தது. அவனுடைய விரல்களில் ஒன்றைப் பிடித்து, ஸ்பிரிட்டால் விரல் நுனியைத் துடைத்தார். ஊசியால் லேசாகக் குத்தினார். ரத்தம் வந்தது. டாக்டர் அவனிடம் சொன்னார்... ``பாரு. ரத்தம் வருது. நீ சாகலை. இப்பவாவது அதை ஏத்துக்கோ.’’

அவன் சிரித்தபடி சொன்னான்... ‘டாக்டர் நீங்க ரொம்ப திறமைசாலினு எத்தனையோ பேர் சொன்னாங்க. நான் நம்பலை. இப்போ சொல்றேன்...  உண்மையிலேயே நீங்க திறமைசாலிதான். செத்துப் போன உடம்புல இருந்தே ரத்தத்தை எடுத்துட்டீங்களே! இப்பவும் சொல்றேன்...  நான் செத்துப்போயிட்டேன். அதுதான் உண்மை. என்னை யாரும் ஏமாத்த முடியாது.’’

ஒரு பிடிவாதக்காரரை, தான் நினைப்பதுதான் உண்மை என கண்மூடித்தனமாக நம்புகிற ஒருவரை எவ்வளவு முயன்றாலும் மாற்றவே முடியாது. ஒருவேளை அதற்கு முயன்றால், தோல்வி நமக்கே!

ஒரு துளி சிந்தனை !

`பிடிவாதக்காரனாக இருப்பதைவிட மனநோயாளியாக இருப்பது எவ்வளவோ மேல்!’ - அமெரிக்க மருத்துவர், தத்துவவியலாளர் டேபாசிஷ் ம்ரிதா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு