Published:Updated:

மறதி நல்லதா?

மறதி நல்லதா?
பிரீமியம் ஸ்டோரி
மறதி நல்லதா?

பாலு சத்யா

மறதி நல்லதா?

பாலு சத்யா

Published:Updated:
மறதி நல்லதா?
பிரீமியம் ஸ்டோரி
மறதி நல்லதா?

நினைவாற்றலையும் மறதியையும் குறித்து அறிவியல் அடுக்கும் உண்மைகள் மலைக்க வைப்பவை.

 இவ்வளவு தகவல்களைத்தான் நினைவில் வைத்துக்கொள்ள முடியும் என்கிற எந்த வரைமுறையும் நம் மூளைக்குக் கிடையாது. ஆனால், கொஞ்சமே கொஞ்ச விஷயங்களைத்தான் நாம் நினைவில் சேமித்துவைக்கிறோம்.

 நடக்கவே நடக்காத விஷயங்களைக்கூட சில நேரங்களில் நாம் நினைவில் சேர்த்துவைத்திருப்போம்.

 கருவிலிருக்கும் நான்காவது மாதத்திலேயே குழந்தைக்கு நினைவுத்திறன் வந்துவிடுகிறது. 

 மூளையின் ஒரே ஓர் இடத்தில் நினைவுகள் சேமித்துவைக்கப்படுவதில்லை; பல இடங்களில் பரவலாக சேமிக்கப்படுகிறது...

மறதி நல்லதா?

இப்படி நீள்கிற நினைவு, மறதி சார்ந்த விஷயங்கள் எக்கச்சக்கம். சில நேரங்களில் மறதி நல்லது...  வாழ்வின் கசப்பான அனுபவங்கள், துயரச் சம்பவங்கள், பிரிவுகள்... போன்றவற்றை மறப்பது நல்லதுதானே!  ஆனால், சில நேரங்களில் மறதி அவஸ்தையானது.

அமெரிக்காவிலிருக்கும் ப்ரின்ஸ்டனிலிருந்து (Princeton) ஒரு ரயிலில் பயணம் செய்துகொண்டிருந்தார் ஐன்ஸ்டீன். டிக்கெட் பரிசோதகர் வந்தார். பயணி களிடம் டிக்கெட்டை வாங்கி, பரிசோதித்து, பஞ்ச் செய்து கொடுத்துக் கொண்டிருந்வர், ஐன்ஸ்டீனின் அருகே வந்தார். ஐன்ஸ்டீன் தன் கோட் பாக்கெட்டில் கையைவிட்டுப் பார்த்தார்; டிக்கெட் இல்லை. உள் சட்டையில் தேடிப் பார்த்தார் டிக்கெட் இல்லை. எழுந்து நின்று பேன்ட் பாக்கெட்டில் தேடிப் பார்த்தார்; அங்கேயும் இல்லை. உட்கார்திருந்த சீட்டில் எங்கேயா வது விழுந்திருக்கிறதா என்று பார்த்தார்; இல்லை.

அவருடைய பதற்றத்தைப் பார்த்த டிக்கெட் பரிசோத கர் சொன்னார்... ``டாக்டர் ஐன்ஸ்டீன், நீங்கள் யார் என்று எனக்குத் தெரியும். இங்கிருக்கும் எல்லோருக்குமே தெரியும். நீங்கள் நிச்சயம் டிக்கெட் வாங்கியிருப்பீர்கள். அதைப் பற்றிக் கவலைப்படாதீர்கள்!’’

ஐன்ஸ்டீன் அவர் சொன்னதை ஏற்றுக்கொள்ளும் விதமாகத் தலையை அசைத்தார். டிக்கெட் பரிசோதகர், அடுத்த வரிசைக்குப் போனார். அங்கிருந்து திரும்பிப் பார்த்தார். அப்போது ஐன்ஸ்டீன் டிக்கெட்டைத் தேடிக் கொண்டிருந்ததைப் பார்த்தார். உடனே அவரிடம் வந்து, ``டாக்டர் ஐன்ஸ்டீன்... நீங்கள் யாரென்று எனக்குத் தெரியும். நீங்கள் டிக்கெட் எடுத்துவிட்டுத் தான் ட்ரெயினில் ஏறியிருப்பீர்கள். அதைப் பற்றிக் கவலைப்படாதீர்கள்!’’ என்றார். ஐன்ஸ்டீன், டிக்கெட் பரிசோதகரை நேருக்கு நேராகப் பார்த்துச் சொன்னார்... ``இளைஞனே! எனக்கும் நான் யார் என்பது தெரியும். நான் எங்கே போய்க்கொண்டிருக்கிறேன் என்பதுதான் தெரியவில்லை.’’

ஒட்டுமொத்த விகடனுக்கும் ஒரே ஷார்ட்கட்!

ஒரு துளி சிந்தனை!

ஒரு காகம், எந்த வேலையும் செய்யாமல் மரமொன்றில் நாள் முழுக்க அமர்ந்திருக்கும். இதை வெகுநாள்களாகக் கவனித்து வந்தது ஒரு முயல். ஒருநாள் முயல், காகத்திடம் கேட்டது... ``நானும் உன்னை மாதிரியே சும்மா உட்கார்ந்திருக்கட்டுமா?’’

``அது உன் இஷ்டம்.’’

முயல் காகம் அமர்ந்திருந்த மரத்துக்குக் கீழே தரையில் அமர்ந்து ஓய்வெடுக்க ஆரம்பித்தது. கொஞ்ச நேரம்தான். எங்கிருந்தோ வந்த நரியொன்று, பாய்ந்து முயலைக் கவ்விக்கொண்டு போனது.

ஒரு வேலையும் செய்யாமல் சும்மா உட்கார்ந்திருக்கலாம்; அதற்கு நீங்கள் உயரத்திலிருக்க வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism