புத்தக விமரிசனம்

சிறப்பு கட்டுரை . புத்தக விமரிசனம் . குமார ஸம்பவம் . உரையாசிரியர் ஸ்ரீஉ.வே.வே.ஸ்ரீ.வேங்கட ராகவாச்சார்யர் வெளியீடு லிப்கோ பப்ளிஷர்ஸ் (பி) லிமிடெட் 36, வடக்கு சாலை, மேற்கு சி.ஐ.டி. நகர், சென்னை - 35, போன் 044 - 2434 1538 பக்கங்கள் 548 விலை ரூ.100/-

ம காகவி காளிதாஸர் இயற்றிய 'குமார ஸம்பவம்' நூலை, தெள்ளு தமிழில் இனிதே தந்துள்ளார் ஆசிரியர். சர்வேஸ்வரன் இவளின் அன்புக்கு வசப்பட்டு, தனது உடலின் பாதியைத் தருகிறார்; ஆண் வண்டு, பெண் வண்டு குடித்து எஞ்சிய தேனை, அதே மலரிலிருந்து குடித்தது; நதி, சூரியனால் தண்ணீரை இழப்பது போல், சிவபெருமானால் நீ கணவனை இழந்தாய்; மழைக்காலத்தில் நதி, மீண்டும் நீரைப் பெறுவது போல், சிவனருளால் நீயும் கணவனைப் பெறுவாய்; நீரானது வற்றுவதற்கும் மழை பெய்வதற்கும் சூரியனே காரணம்... போன்ற ஸ்லோகங் களையும் உவமானங்களையும் அழகுத் தமிழில் விவரித்துள்ளது இந்த நூல்!

தரிசனம்

.

ஆசிரியர் வே.பா. பலராமன் வெளியீடு அருளமுதம் பப்ளிகேஷன்ஸ் 31, ஜவஹர்லால் நேரு சாலை, ஈக்காட்டுத்தாங்கல், சென்னை - 32 போன் 044 - 3291 4548 பக்கங்கள் 112 விலை ரூ.30/-

பி ள்ளையார்பட்டி, ராமேஸ்வரம், பள்ளிகொண்டா, தென்பொன்பரப்பி, திருக்கடையூர், விஜயவாடா (ஸ்ரீகனக துர்கா), திருவக்கரை, சென்னை (ஸ்ரீவரதராஜ பெருமாள்), காவேரிப்பாக்கம்... என பல தலங்களில் உள்ள இறைவனின் பெருமைகளை விவரிக்கிறது இந்த நூல். வயது முதிர்ந்தவர்களும் படிக்கும் வகையில், பெரிய எழுத்துக்களில்அச்சிட்டிருப்பதற்குச் சொல்லலாம்... சபாஷ்!

இந்துமத சடங்குகளும் சம்பிரதாயங்களும்

.

ஆசிரியர் விஸ்வநாத சுப்பிரமணிய குருக்கள் வெளியீடு மணிமேகலைப் பிரசுரம், 7, தணிகாசலம் சாலை, தி. நகர், சென்னை - 17, போன் 044-2434 2926 பக்கங்கள் 80 விலை ரூ.35/-

கு ம்பாபிஷேக சடங்குகள் எதற்காக? திருமண வைபவ சடங்குகளுக்கு என்ன பொருள்? பிள்ளையார் பிடிக்க மஞ்சளையும் பசுஞ்சாணத்தையும் பயன்படுத்துவது எதனால்? தோப்புக்கரணம் போடுவதன் தாத்பரியம் என்ன? - என்பன போன்ற சடங்கு- சம்பிரதாயங்களுக்கு விளக்கங்களைத் தாங்கி வந்துள்ளது, நூல்!

விஷ்ணு பாதம் ; ஸ்ரீரங்கநாதன் திருவடி (சி.டி.)

.

வெளியீடு ஹாட்ஸ், 26, டி.கே.எம். கார்டன் தெரு, 38, குமாரசாமி வீதி, தொரப்பாடி, வேலூர் - 2, போன் 0416-2212312 விலை ரூ. 75/- மற்றும் ரூ.85/-

இ ரண்டு சி.டி.க்களும் ஸ்ரீமந் நாராயணனைப் போற்றும் பாடல்கள் கொண்டவை! ஒவ்வொரு சி.டி.களிலும் சுமார் 4 பாடல்கள் முதல் 6 பாடல்கள் வரை உள்ளன. இரைச்சல் இல்லாத இசையும் எளிமையான வரிகளும் பாடல்களைக் கேட்கத் தூண்டுகின்றன.

புத்தக விமரிசனம்

Vikatan Correspondent