Published:Updated:

அம்பிகை தந்த அயோத்தி!

அம்பிகை தந்த அயோத்தி!
பிரீமியம் ஸ்டோரி
அம்பிகை தந்த அயோத்தி!

தந்தை இறந்ததை அறிந்து மனோரமை தப்பித்துச் சென்று பரத்வாஜ முனிவரது ஆசிரமத்தில் அடைக்கலம் அடைந்தாள்.

அம்பிகை தந்த அயோத்தி!

தந்தை இறந்ததை அறிந்து மனோரமை தப்பித்துச் சென்று பரத்வாஜ முனிவரது ஆசிரமத்தில் அடைக்கலம் அடைந்தாள்.

Published:Updated:
அம்பிகை தந்த அயோத்தி!
பிரீமியம் ஸ்டோரி
அம்பிகை தந்த அயோத்தி!
அயோத்தியின் மன்னர் துருவசிந்துவுக்கு இரண்டு மனைவிகள். பட்டத்து ராணி மனோரமை குணவதி; இரண்டாமவளான லீலாவதியோ சாமர்த்தியக்காரி. இவர்களில் லீலாவதிக்கு பிறந்தவன் சத்ருஜித். இவன் பிறந்து அடுத்த முப்பதாவது நாளில், மனோரமைக்கு குழந்தை பிறந்தது. இந்தக் குழந்தைக்கு சுதர்சனன் என்று பெயரிட்டனர்.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஒருநாள்... வேட்டைக்குச் சென்ற மன்னரை, சிங்கம் ஒன்று தாக்கிக் கொன்றது. அயோத்தியே சோகத்தில் மூழ்கியது. ‘அடுத்த அரசர் யார்?’ என்பதை தீர்மானிக்க அரசவை கூடியது.

‘`சத்ருஜித்தே அரசனாக வேண்டும்’’ என்றார் லீலாவதியின் தந்தையான யுதாஜித். அமைச்சர்களோ, ‘`பட்டத்து ராணி மனோரமைக்குப் பிறந்த சுதர்சனனே ஆட்சிப் பொறுப்பேற்க வேண்டும்!’’ என்று வாதிட்டனர். மனோரமையின் தந்தையான வீரசேனனும் இதையே வலியுறுத் தினார். யுதாஜித் கோபம் கொண்டார். இதையடுத்து யுத்தம் மூண்டது. வீரசேனனைக் கொன்றார் யுதாஜித். ‘`இனி என் பேரனே அரசன்’’ என்று கூவினார்.

தந்தை இறந்ததை அறிந்து மனோரமை தப்பித்துச் சென்று பரத்வாஜ முனிவரது ஆசிரமத்தில் அடைக்கலம் அடைந்தாள். இதன் பிறகு எந்த பயமும் இன்றி, மகனை வளர்த்து வந்தாள் மனோரமை. அவனுக்கு ஐந்து வயதானது.

ஒருநாள், முனிகுமாரர்களுடன் விளையாடிக் கொண்டிருந்தான் சுதர்சனன். அப்போது முனிகுமாரன் ஒருவன், அங்கிருந்த ஒருவனைப் பார்த்து, ‘`க்லீபனே (பேடியே...) இங்கே வா!’’ என்று அழைத்தான். இதைக் கேட்ட சுதர்சனன், க்லீபன் எனும் வார்த்தையை ‘க்லீம்’ என்று புரிந்து கொண்டு, அப்படியே உச்சரித்தும் வந்தான்.

‘க்லீம்’ என்பது காமராஜ பீஜாட்சரம். தனது ஐந்தாவது வயதில் விளையாட்டாகச் சொல்லத் தொடங்கிய இந்த பீஜாட்சரத்தை, 11-வது வயது வரையிலும் அடிக்கடி ஜபித்து வந்தான் சுதர்சனன்.

இதனால் மனம் மகிழ்ந்த அம்பிகை தர்சனனுக்கு அருட்காட்சி தந்தாள். வில்- அம்புகள் நிறைந்த கூடு, வஜ்ஜிரக் கவசம் ஆகியவற்றையும் சுதர்சனனுக்குக் கொடுத்து மறைந்தாள்.

அத்துடன், காசி மன்னரின் மகளான சசிகலையின் கனவில் தோன்றிய அம்பிகை, ‘`சுதர்சனன் என் பக்தன்; அவனை மணம் புரிந்து கொள்’’ என்று சொல்லி மறைந்தாள்.

அம்பிகை தந்த அயோத்தி!

இதனால், சுதர்சனனை தன் கணவனாகவே வரித்துக் கொண்டாள் சசிகலை. மகளின் மனதை அறிந்த மன்னர், சுயம்வரத்துக்கு ஏற்பாடு செய்தார். அங்கு, சுதர்சனனைக் கண்ட யுதாஜித் கடும் கோபம் கொண்டார். அங்கே போர் மூண்டது. அவனுக்கு ஆதரவாக சிங்க வாகனத்தில் வந்து அம்பிகையும் போர் புரிந்தாள்; யுதாஜித் கும்பலை துவம்சம் செய்தாள்.

பிறகு, அம்பிகையின் அருளாசியுடன் அயோத் திக்கு திரும்பினான் சுதர்சனன். மன்னனாக முடிசூடினான். அவனது வெற்றிக்குக் காரணம்.. க்லீம் எனும் மந்திரமே!

விளையாட்டாகச் சொல்லி வந்த மந்திரத்துக்கே இத்தனை வலிமை எனில், அம்பிகையின் மந்திரங் களைக் கர்ம சிரத்தையுடன் உச்சரித்து வந்தால் எவ்வளவு மகத்துவம் கிடைக்கும்?!

- பி.சந்த்ரமெளலி