Published:Updated:

அன்புக்கும் உண்டோ அடைக்கும் தாழ்?

அன்புக்கும் உண்டோ அடைக்கும் தாழ்?
பிரீமியம் ஸ்டோரி
அன்புக்கும் உண்டோ அடைக்கும் தாழ்?

விவேகானந்தர் இறைவனின் திருவடியை அடைந்த சில நாள்களிலேயே பாகாவும் இறந்தது.

அன்புக்கும் உண்டோ அடைக்கும் தாழ்?

விவேகானந்தர் இறைவனின் திருவடியை அடைந்த சில நாள்களிலேயே பாகாவும் இறந்தது.

Published:Updated:
அன்புக்கும் உண்டோ அடைக்கும் தாழ்?
பிரீமியம் ஸ்டோரி
அன்புக்கும் உண்டோ அடைக்கும் தாழ்?
சிறு வயது முதல், அனைத்து உயிர்களிலும் தான் வழிபடும் இறைவனின் திருவுருவைக் கண்டவர் சுவாமி விவேகானந்தர்.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அது 1901-ஆம் ஆண்டு. வங்க தேசத்தில் சுற்றுப் பயணம் செய்துவிட்டு, பேலூருக்குத் திரும்பினார் விவேகானந்தர். இந்தக் காலகட்டத்தில், எப்போதும் போல பிராணிகளிடம் மிகுந்த பாசத்துடன் பழகி வந்தார் விவேகானந்தர். அந்தப் பிராணிகளில் பாகா எனும் நாய்க்குட்டியும் ஒன்று!

நீண்ட நாள்களாக மடத்திலேயே இருந்த பாகா நாய்க்குட்டி, விவேகானந்தரைப் பார்க்காமல் ஒருபோதும் இருக்காது. கிட்டத்தட்ட விவேகானந்தரைத் தாயாகவே கருதியது அந்த பாகா நாய்க்குட்டி!

ஒருநாள்... பாகா ஏதோ தொந்தரவு செய்துவிட்டது போலும். மடத்தின் ஊழியர்கள் வெறுத்துப் போய், நாய்க்குட்டியைக் கங்கைக் கரைக்குத் தூக்கிச் சென்றனர். அங்கே, மறுகரைக்குச் சென்று கொண்டிருந்த படகில் ஏற்றி அனுப்பிவிட்டனர். அங்கு பாகா, நிலை கொள்ளாமல் தவித்தது; விவேகானந்தரைப் பார்க்க முடியாமல் கண்ணீர் விட்டது. எப்படியேனும் சென்று விவேகானந்தரிடம் சேர்ந்துவிட வேண்டும் என அல்லாடியது.

இந்த நிலையில், சிறிய படகு ஒன்று எதிர் கரைக்குக் கிளம்பியது. இதைக் கண்ட பாகா ஓடி வந்து, படகில் தாவி ஏறியது. படகில் பயணித்தவர்கள் பாகாவை விரட்ட முயற்சி செய்தனர். ஆனால், எதுவும் பலிக்கவில்லை. படகு கரையைத் தொட்டதும் விருட்டென்று தாவி கரைக்கு வந்த பாகா, நாலு கால் பாய்ச்சலில் எவர் கண்ணிலும் படாமல் மடத்துக்குள் சென்று பதுங்கிக்கொண்டது.

மறுநாள், அதிகாலையில் எழுந்த விவேகானந்தர், நீராடுவதற்காகக் குளியல் அறைக்குச் சென்றார். அப்போது வழியில்... அவருடைய காலில் ஏதோ ஒன்று இடறவே, உற்றுப் பார்த்தார். அங்கே வாலை ஆட்டியபடி, உடலை வளைத்தும் நெளித்தும் நின்றபடி ஏக்கமும் துக்கமுமாக விவேகானந்தரையே பார்த்துக் கொண்டிருந்தது பாகா.

பாகாவை வாரி எடுத்து தடவிக் கொடுத்த விவேகானந்தர், ‘`பயப்படாதே உன்னை என்றென்றும் காப்பாற்றுவேன்’’ என்று சைகை மூலம் பாகாவுக்கு உணர்த்தினார். பாகா நெகிழ்ந்து போனது.

அன்புக்கும் உண்டோ அடைக்கும் தாழ்?

விவேகானந்தர் இறை வனின் திருவடியை அடைந்த சில நாள்களிலேயே பாகாவும் இறந்தது. பிறகு மடத்துக்கு அருகில் ஓடிய கங்கா நதியில் பாகாவின் உடலை விட்டனர். அப்போது பேரலை ஒன்று எழும்பி, பாகாவின் உடலை நடுப்பகுதியில் இருந்து மடத்துக்கு அருகிலேயே கொண்டு வந்து சேர்த்தது.

இதைக் கண்ட மடத்தின் துறவிகளுக்கு வியப்பு. பாகா எனும் நாயின் அன்பை உணர்ந்து சிலிர்த்தனர். ‘உயிருடன் இருந்தபோது மடத்தை விட்டுப் பிரியாமல் இருந்தது. இறந்த பிறகுகூட மடத்தின் மீது பற்றுடன் இருக்கிறதே?’ என்று நெகிழ்ந்தவர்கள், பாகாவின் உடலை எடுத்துச் சென்று புதைத்ததுடன் சமாதி ஒன்றும் எழுப்பினர். கொல்கத்தாவை அடுத்த பேலூரில் உள்ள ஸ்ரீராமகிருஷ்ண மடத்துக்குச் செல்லும் அன்பர்கள், அன்பின் வடிவமான பாகாவின் சமாதியை இப்போதும் காணலாம்!

- பி.சந்த்ரமெளலி, சென்னை-81