Published:Updated:

பழநி: ஜன. 27-ம் தேதி ​கும்பாபிஷேகம்​; 6 ஆயிரம் பக்தர்களுக்கு அனுமதி​

பழநி
News
பழநி

கும்பாபிஷேக​ம் முடிந்தவுடன் பக்தர்கள் வழக்கம் போல தரிசனம் செய்ய அனுமதிக்கப்படுவார்கள். இதையொட்டி ஜனவரி 23 -ம் தேதி முதல் மலை அடிவாரம் குடமுழுக்கு மண்டபத்தில் அன்னதானத் திட்டம் நடைபெறும்.

பழநி: ஜன. 27-ம் தேதி ​கும்பாபிஷேகம்​; 6 ஆயிரம் பக்தர்களுக்கு அனுமதி​

கும்பாபிஷேக​ம் முடிந்தவுடன் பக்தர்கள் வழக்கம் போல தரிசனம் செய்ய அனுமதிக்கப்படுவார்கள். இதையொட்டி ஜனவரி 23 -ம் தேதி முதல் மலை அடிவாரம் குடமுழுக்கு மண்டபத்தில் அன்னதானத் திட்டம் நடைபெறும்.

Published:Updated:
பழநி
News
பழநி
திண்டுக்கல் மாவட்டம் பழ​நி முருகன் கோயில் ​​கும்பாபிஷேகம் வருகிற ஜனவரி 27​ -​ம் தேதி அன்று நடைபெற உள்ளது. இது தொடர்பான அனைத்துத் துறை அலுவலர்கள் ஒருங்கிணைப்புக் கூட்டம் ​கலெக்டர் விசாக​ன் தலைமையில் நடைபெற்ற​து.

​​இதையடுத்து ஜனவரி 27​ ​-ம் தேதி காலை 8 மணி முதல் ​9.30 மணி வரை கும்பாபிஷேகம் நடைபெறும் என்றும், கும்பாபிஷேகத்தை காண மலைக்கோயிலுக்கு அனுமதிக்கப்படும் பக்தர்கள் காலை 4​ ​மணி முதல் ​7.15​ மணிக்குள் மலைக் கோயிலுக்குச் சென்றுவிட வேண்டும்​.

பழநி
பழநி

​ரோப் கார் மற்றும் வின்ச் ஆகியவற்றில் 2​ ஆயிரம் பக்தர்கள் ​யானை​​ ​வழிப்பாதை வழியாக 4​ ​ஆயிரம் ​பக்தர்கள் என மொத்தம் 6​ ​ஆயிரம் பக்தர்கள் மட்டுமே அனுமதிக்கப்பட​வுள்ளனர். இதில் ​​​​கும்பாபிஷேகத்தைக் காண விரும்பும் பக்தர்கள் இணையதளத்தில் பதிவு செய்ய வேண்டும் என்றும் பதிவு செய்யும் பக்தர்களில் குலுக்கல் முறையில் தேர்ந்தெடுக்கப்பட்டு 3​ ஆயிரம் பேர் மட்டுமே அனுமதிக்கப்ப​டவுள்ளனர். ​

கும்பாபிஷேக​ம் முடிந்தவுடன் பக்தர்கள் வழக்கம் போல தரிசனம் செய்ய அனுமதிக்கப்படுவார்கள். இதையொட்டி ஜனவரி 23 -ம் தேதி முதல் மலை அடிவாரம் குடமுழுக்கு மண்டபத்தில் அன்னதானத் திட்டம் நடைபெறும். ​மேலும் நவபாஷாண சிலைக்கு மருந்து சாத்தும் நிகழ்வு ​ஜனவரி ​23​ -​ம்​ ​தேதி நடைபெறவுள்ளதை அடுத்து ​அன்று ​முதல் 27​ -​ம்​ ​தேதி கும்பாபிஷேகம் நிறைவு அடையும்வரை மூலவர் தரிசனம் கிடையாது​. அன்று​ ​முதல் ஆவாஹனம் செய்யப்பட்டு யாகசாலையில் எழுந்தருளியிருக்கும் சுவாமியை மட்டுமே பக்த்ரகள் தரிசனம் செய்ய முடியும்​. 

​மேலும் கும்பாபிஷேகத்தை முன்னிட்டு​, மலை அடிவாரப் பகுதிகளில் ஜனவரி 23 முதல் பிப்ரவரி 5 -ம் தேதிவரை கடைகள் நடத்த அனுமதியில்லை.​ பக்தர்கள் அதிகளவில் வருகை தருவார்கள் என்பதால் பேருந்துகள் பழ​நி - தாராபுரம் சாலையில் உள்ள மால்குடி மருத்துவமனை அருகே தற்காலிகப் பேருந்து நிலையம் அமைக்கப்படும். பேருந்துகள் அனைத்தும் தற்காலிகப் பேருந்து நிலையத்திலேயே நிறுத்தப்படும்​. அங்கிருந்து சிறப்புப் பேருந்துகள் மூலம் பழநி நகருக்குள் வந்து மலைக்கோயிலுக்குச் செல்ல பக்தர்கள் அனுமதிக்கப்படுவார்கள்​. பழ​நி நகருக்குள் வரும் வாகனங்களை நிறுத்த நான்கு இடங்களில் தற்காலிக வாகன நிறுத்தம் அமைக்கப்பட்டு 1,500 வாகனங்கள்வரை நிறுத்தும் வகையில் ஏற்பாடு செய்யப்ப​டும். 

பழநி அடிவாரம்
பழநி அடிவாரம்

திருட்டு உள்ளிட்ட ​குற்றங்களைத் ​தடுக்க நகர் முழுவதும் 266 கண்காணிப்பு ​கேமராக்கள்,​ பலூன்கள்,​ வைஃபை வசதியுடன் கண்காணிப்பு கேமராக்கள் அமைக்கப்பட்டுக் கண்காணிக்கப்படும்​. 

மின்சார வசதி, கழிப்பறை, குடிநீர் ஆகிய வசதிகள் தடையின்றி ஏற்பாடுகள்‌ செய்யவும், பக்தர்கள் வரும் பாதையில் நடைபெறும் சாலைப் பணிகள், சாக்கடை அமைக்கும் பணிகள் ஆகியவற்றை முன்கூட்டியே விரைந்து முடிக்கவும் அதிகாரிகளுக்கு அறிவுறுத்தப்பட்டது​ எனத் தெரிவிக்கப்பட்டுள்ளது.​