Published:Updated:

சனிப்பெயர்ச்சி 2020 -23... சனிபகவானின் பார்வைப் பலன்கள் - மேஷம்

சனிபகவான்
சனிபகவான்

சனி பகவான் இருக்கும் வீட்டைக் கொண்டு பலன் சொல்வதுபோல் அவரின் பார்வைபடும் வீடுகளின் அடிப்படையில் சிறப்புப் பலன்கள் உங்களுக்காக...

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

சனி பகவான் 27.12.2020 முதல் உங்கள் ராசிக்கு 10-ம் வீட்டில் அமர்கிறார். அடுத்த இரண்டரை வருடங்களுக்கு அவரின் பார்வை உங்கள் ராசிக்கு என்னென்ன பலன்களைத் தரப்போகிறது என்று அறிவதும் அதற்கே செயல்படுவதும் அவசியம்.

இந்தப் பெயர்ச்சி காலத்தில் சனி பகவானின் பார்வை உங்கள் ராசிக்கு 4, 7 மற்றும் 12-ம் வீடுகளில் அமைகிறது.

சனி பகவான்
சனி பகவான்

4-ம் வீட்டைப் பார்ப்பதால்...

சனிபகவான் உங்களின் 4-ம் வீட்டை பார்ப்பதால் தாயாரின் உடல் நலத்தில் அதிக அக்கறை தேவை.

புது வாகனம் வாங்குவீர்கள்.

தாய்வழியில் சொத்துப் பிரச்னை தலைத்தூக்கும்.

யாருக்கும் பொறுப்பேற்று சாட்சி கையெழுத்திட வேண்டாம். முன்பின் அறியாதவர்களிடம் சொந்த விஷயங்களை பகிர்ந்துக் கொள்ள வேண்டாம்.

7-ம் வீட்டைப் பார்ப்பதால்

சனிபகவான் உங்களின் 7-ம் வீட்டை பார்ப்பதால் மனைவிக்கு கர்ப்பப்பைக் கோளாறு, அவருடன் வீண் வாக்குவாதங்கள் வந்து நீங்கும். பரஸ்பரம் விட்டுக்கொடுத்துப் போவது நல்லது.

வாழ்க்கைத் துணைவருடன் விட்டுக்கொடுத்துப் போகவும். மூன்றாம் மனிதர்களிடம் குடும்ப விஷயங்களைச் சொல்லிக் கொண்டிருக்க வேண்டாம்.

வி.ஐ.பிகளின் அறிமுகமும் அதன் மூலம் புதிய வாய்ப்புகளும் கிடைக்கும்.

சனிப்பெயர்ச்சி
சனிப்பெயர்ச்சி

12-ம் வீட்டைப் பார்ப்பதால்...

சனி பகவான் இந்தப் பெயர்ச்சி காலத்தில் 12-ம் வீட்டை பார்ப்பதால், தூக்கமின்மை ஏற்பட வாய்ப்பு உண்டு. யோகா, தியானம் போன்ற விஷயங்களில் ஆர்வம் காட்டவும்.

சுப விரயங்கள் ஏற்படலாம். அதற்காக மனச் சலனம் வேண்டாம்.

புண்ணிய திருத்தலங்களுக்கு ஆன்மிகப் பயணம் சென்று வருவீர்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு