Published:Updated:

கும்பராசிப்பெண்களுக்கான சனிப்பெயர்ச்சி சிறப்புப் பலன்கள்!

சனிப்பெயர்ச்சி
சனிப்பெயர்ச்சி

திறமை இருந்தும் சரியான சந்தர்ப்ப சூழ்நிலை அமையாதலால் முடங்கிக் கிடந்தீர்கள். எவ்வளவு பணம் வந்தாலும் எடுத்து வைக்க முடியாமல் திண்டாடினீர்கள். இனி கொஞ்சம் சேமிப்பீர்கள்.

எடுத்த காரியங்களில் ஆர்ப்பாட்டமில்லாமல் சாதித்துக் காட்டும் கும்பராசிப் பெண்களே... இதுவரை உங்கள் ராசிக்கு லாப வீட்டில் நின்று ஓரளவு நல்ல பலன்களை தந்த சனிபகவான் 27.12.2020 முதல் 19.12.2023 வரை விரையச் சனியாகவும், ஏழரைச் சனியின் தொடக்கமாகவும் சஞ்சரிக்க இருக்கிறார். 12 - ம் வீடான விரைய வீட்டில் இப்போது நுழைந்தாலும் அங்கு ஆட்சிப் பெற்றிருப்பதால் உங்களுக்கு நல்லதையே செய்வார் சனிபகவான். ஏழரைச் சனி தொடங்குகிறதே... என்று கலங்கவேண்டாம். இதுவரை லாப வீட்டில் நின்று கொண்டு உங்கள் ராசியைப் பார்த்த சனி, உங்களிடமிருந்த தைரியத்தையும், தன்னம்பிக்கையையும் எடுத்த எடுப்பிலேயே பிடுங்கிக் கொண்டார். சோர்ந்து, துவண்டு போனீர்கள். திறமை இருந்தும் சரியான சந்தர்ப்ப சூழ்நிலை அமையாதலால் முடங்கிக் கிடந்தீர்கள். எவ்வளவு பணம் வந்தாலும் எடுத்து வைக்க முடியாமல் திண்டாடினீர்கள். இனி கொஞ்சம் சேமிப்பீர்கள்.

சனி பகவான்
சனி பகவான்

எலியும், பூனையுமாக இருந்த கணவன் மனைவிக்குள் இணக்கமான சூழ்நிலை உண்டாகும். ஒரே வேலையைத் திரும்பத் திரும்பச் செய்தும் வெற்றி பெற முடியாமல் தோல்வி அடைந்தீர்களே... இனி முதல் முயற்சியிலேயே வெல்வீர்கள். பிள்ளைகள் ஆசைப்பட்டுக் கேட்டதை நம்மால் வாங்கிக் கொடுக்க முடியவில்லையே என்ற வருத்தம் நீங்கும். தற்சமயம் விரைய வீட்டில் வந்தமரும் சனி நிச்சயம் உங்களுக்கு யோக பலனையே தருவார். கணவர் உங்கள் பணிகளுக்கு ஒத்தாசையாக இருப்பார். குடும்ப வருமானம் உயரும். சனிபகவான் உங்களின் 2 - ம் வீட்டைப் பார்ப்பதால் பணப்புழக்கம் திருப்திகரமாக இருக்கும். ஆனால் செலவுகளும் இருக்கும். சனிபகவான் உங்களின் 6 - ம் வீட்டைப் பார்ப்பதால் வழக்கு சாதகமாகும். நோய் விலகும். பழைய கடனில் ஒரு பகுதியை பைசல் செய்ய வழி வகைப் பிறக்கும். சனிபகவான் உங்களின் 9 - ம் வீட்டைப் பார்ப்பதால் வெளிவட்டாரத்தில் செல்வாக்கு உயரும். திடீர் பயணங்கள் குறையும்.

வியாபாரம் செய்யும் பெண்கள் இதற்கு முன், நமக்குப் பின் கடையை தொடங்கியவர்களெல்லாம் அதிகம் சம்பாதித்தார்களே என்று வருத்தப்பட்டீர்கள். இனி தொழிலில் உங்களின் அணுகுமுறை மாறும். பழைய வாடிக்கையாளர்கள் மீண்டும் தேடி வருவார்கள். பற்றுவரவு உயரும். அரசுக்குச் செலுத்த வேண்டிய வரிகளை முறையே செலுத்திவிடுவது நல்லது. கொடுக்கல் - வாங்கலில் இருந்து வந்த சிக்கல்கள் நீங்கும்.

சனிப்பெயர்ச்சி
சனிப்பெயர்ச்சி

அதேபோன்று வேலைக்குச் செல்லும் பெண்கள், பகல் இரவு பார்க்காமல், குடும்பத்தையும் சரிவர கவனிக்க முடியாமல் நிறுவனத்திற்காக உழைத்து ஓடாய் தேய்ந்தார்கள். அவர்களுக்கெல்லாம் இனி பதவி உயர்வு கிடைக்கும். வேலைபளு அதிகரிக்கத்தான் செய்யும். மற்றவர்களின் வேலையையும் சேர்த்துப் பார்க்க வேண்டிவரும். உங்களுக்கு எதிராகச் சிலர் சதித் திட்டம் தீட்டுவார்கள். அதை முறியடிப்பீர்கள். கலைத்துறைப் பெண்களுக்கு ஏற்பட்ட வீண் வதந்திகளும், அவப்பெயர்களுமே நீங்கும். உங்களின் படைப்புகளுக்குப் பட்டிதொட்டியெங்கும் பாராட்டு கிடைக்கும். அரசு உதவும். சம்பள விஷயத்தில் விட்டுக் கொடுத்து போங்கள். இந்த சனிப்பெயர்ச்சி பழைய பிரச்சனைகளிலிருந்து விடுபட வைப்பதாகவும், அலைச்சலுடன் ஆதாயத்தை தருவதாக அமையும்.

அடுத்த கட்டுரைக்கு