Election bannerElection banner
Published:Updated:

மகரத்தில் ஆட்சிபலம் பெறும் சனி... கடக ராசிக்காரர்களுக்கான சனிப்பெயர்ச்சி பலன்கள்!

சனிப்பெயர்ச்சி... கடகம்
சனிப்பெயர்ச்சி... கடகம்

சனிபகவான் இப்போது 27.12.2020 முதல் 19.12.2023 வரை உள்ள காலக்கட்டங்களில் 7 ம் வீட்டில் அமர்வதால் நீங்கள் கொஞ்சம் எச்சரிக்கையாகத்தான் இருக்க வேண்டும்.

கடின உழைப்பிற்கு எடுத்துக்காட்டாக விளங்கூடிய கடக ராசி அன்பர்களுக்கு இந்த சனிப்பெயர்ச்சி மிகவும் முக்கியமான பல மாற்றங்களைக் கொண்டுவர இருக்கிறது. இதுவரை உங்கள் ராசிக்கு 6 - ம் வீட்டில் அமர்ந்து எல்லா வகையில் முன்னேற்றத்தையும், அடிப்படை வசதி, வாய்ப்புகளையும் அதிகரிக்க வைத்த சனிபகவான், நாடாளுபவர்களின் நட்பையும், வேற்று மதத்தினர்களின் அறிமுகங்களையும் கிடைக்கச்செய்தார்.

பணப்புழக்கம் சரளமாக இருந்தது. சொத்துகள் வாங்கினீர்கள். நல்லது கெட்டது நான்கையையும் அறிந்து செயல்பட்டீர்கள். நாலு பேர் மதிக்கத்தக்க வகையில் உங்களின் தராதரத்தை உயர்த்திக் காட்டிய சனிபகவான் இப்போது 27.12.2020 முதல் 19.12.2023 வரை உள்ள காலக்கட்டங்களில் 7 ம் வீட்டில் அமர்வதால் நீங்கள் கொஞ்சம் எச்சரிக்கையாகத்தான் இருக்க வேண்டும்.

சனிப் பெயர்ச்சி
சனிப் பெயர்ச்சி

என்றாலும் மகர ராசியில் சனிபகவான் ஆட்சிப் பெற்று அமர்கிறார். இதனால் வீண் விவாதங்கள் வந்தாலும் பெரிதாக பாதிக்காது. கணவன் - மனைவிக்குள் விட்டுக்கொடுக்கும் மனப்பான்மை குறைந்து போகாமல் பார்த்துக் கொள்ளுங்கள். தொட்டதுக்கெல்லாம் குற்றம் குறை கண்டுபிடித்துச் சண்டையிடாதீர்கள். உறவினர்கள், நண்பர்கள் சிலர் உங்களுக்குள் சண்டை, சச்சரவை ஏற்படுத்தவும் தயங்கமாட்டார்கள். குடும்ப அந்தரங்க விஷயங்களை அவர்களிடம் சொல்லிக் கொண்டிருக்காதீர்கள்.

விலை உயர்ந்த பொருள்கள், நகைகளைக் கவனமாகக் கையாளுங்கள். அரசுக்குச் செலுத்த வேண்டிய சொத்து வரி, வருமான வரி எதுவாக இருந்தாலும் தாமதிக்காமல் உடனே செலுத்திவிடுவது நல்லது. வங்கிக் காசோலைகளில் முன்னதாக கையெழுத்துப் போட்டு வைக்காதீர்கள். முக்கிய ஆவணங்களில் கையெழுத்திடுவதற்கு முன்பாக ஒருமுறைக்கு இருமுறை கவனமாகப் படித்துப் பார்ப்பது நல்லது. சட்டத்திற்கு புறம்பான வகையில் எந்த காரியமும் செய்ய வேண்டாம். மனைவிக்கு மாதவிடாய்க் கோளாறு, கர்ப்பச் சிதைவால் ஆரோக்கியம் பாதிக்கும். மருத்துவரின் ஆலோசனையின்றி எந்த மருந்தையும் உட்கொள்ள வேண்டாம்.

சனி பகவான்
சனி பகவான்

பிள்ளைகள் பொறுப்பாக நடந்து கொள்வார்கள். மகனின் உயர்கல்விக்காகச் சிலரின் சிபாரியை நாடவேண்டியிருக்கும். உத்தியோகம், வியாபாரத்தின் பொருட்டு குடும்பத்தைப் பிரிய வேண்டி வரும். சொந்த வாகனத்தில் இரவு நேரப் பயணங்களை தவிர்ப்பது நல்லது. குறிப்பிட்ட நேரத்திற்குள் செல்ல வேண்டுமென்று வாகனத்தில் அடித்துப் பிடித்துப் போகாமல் முன்னதாகவே செல்லப்பாருங்கள். வெளிவட்டாரம் நன்றாக இருக்கும். பிரபலங்கள், வேற்றுமொழிக்காரர்கள் உதவுவார்கள். 29.03.2023 முதல் 24.08.2023 வரை சனிபகவான் அதிசாரத்தில் 8 ம் வீடான கும்ப ராசியில் சென்று அமர்வதால் இக்காலக்கட்டத்தில் இனம் தெரியாத கவலை, ஏமாற்றம், பொருள் இழப்பு, சின்னச் சின்ன விபத்துகள் ஆகியன ஏற்படலாம்.

Election bannerElection banner
அடுத்த கட்டுரைக்கு