Election bannerElection banner
Published:Updated:

அர்த்தாஷ்டமம் முடிகிறது... அடுத்து என்ன? - கன்னி ராசிக்காரர்களுக்கான சனிப்பெயர்ச்சி பலன்கள்!

கன்னி ராசி
கன்னி ராசி

சனிபகவான் ஆட்சிப் ச்பெற்றிருப்பதால் கெடு பலன்கள் குறைந்து யோக பலன்கள் அதிகரிக்கும். இதுவரை சுக ஸ்தானத்தில் அமர்ந்து சின்னச் சின்ன சந்தோஷங்களைக் கூட அனுபவிக்க விடாமல், ஏமாற்றங்களையும், அலைக்கழிப்புகளையும் சந்தித்தீர்களே அதெல்லாம் இனி மாறும்

இருப்பதை வைத்து கொண்டு சந்தோஷமாக வாழ நினைக்கும் கன்னிராசி அன்பர்களே இதுவரை உங்கள் ராசிக்கு 4 - ம் வீட்டில் அமர்ந்து நாலாவிதத்திலும் உங்களை சின்னாபின்னமாக்கிய சனிபகவான் இப்போது 27.12.2020 முதல் 19.12.2023 வரை உள்ள காலகட்டங்களில் உங்கள் ராசிக்கு 5 ம் வீடான பூர்வபுண்ணியஸ்தானத்தில் ஆட்சி பெற்று அமர்வதால் நல்லதே நடக்கும்.

சனிப்பெயர்ச்சி
சனிப்பெயர்ச்சி

சனிபகவான் ஆட்சிப் ச்பெற்றிருப்பதால் கெடு பலன்கள் குறைந்து யோக பலன்கள் அதிகரிக்கும். இதுவரை சுக ஸ்தானத்தில் அமர்ந்து சின்னச் சின்ன சந்தோஷங்களைக் கூட அனுபவிக்க விடாமல், ஏமாற்றங்களையும், அலைக்கழிப்புகளையும் சந்தித்தீர்களே, நிலையான ஓர் இடமில்லாமல் அடிக்கடி வீடு மாறிக் கொண்டிருந்தீர்களே... தாயாருக்கு மருத்துவச் செலவுகள் அதிகரித்துக் கொண்டே போனதே, அதுமட்டுமில்லாமல் அவருடன் கருத்து மோதல்களும் வெடித்ததே, உத்தியோகத்திலும் அவமானத்தை சந்தித்தீர்களே... இனி அந்த அவல நிலை மாறும்.

உங்களை உருகுலைய வைத்த சனி பகவான் இப்போது உங்களின் ராசிக்கு 5 - ம் வீட்டில் அமர்வதால் குடும்பத்தினருடன் அமர்ந்து சிரித்துப் பேசி மகிழக் கூடிய இனிய நிலை உருவாகும். பூர்விகச் சொத்துப் பிரச்னை தீரும். தாயாருடன் பாசமாக நடந்து கொள்வீர்கள். பணப்பற்றாக்குறையால் வீடு கட்டும் பாதியிலேயே நின்ற பணி இனித் தொடரும். பணவரவு அதிகரிக்கும். வீட்டைக் கட்டி முடித்து கிரகப் பிரவேசம் கோலாகலமகச் செய்வீர்கள். உங்களைக் கண்டும் காணாமல் சென்ற உறவினர்கள், நண்பர்கள் இனி வலிய வந்து பேசுவார்கள்.

சனி  பகவான்
சனி பகவான்

கணவன் - மனைவிக்குள் சாதாரணமாகப் பேசினாலே உண்டான சண்டை சச்சரவுகள் இனி இல்லை. நீண்ட நாள்களாகக் குழந்தை வரம் வேண்டிக் கோயில் குளமென்று சுற்றிச் சுற்றி ஒரு பலனுமில்லாமல் போனநிலை மாறும். இனி கவலை வேண்டாம். 5 - ம் இடத்தில் சனி அமர்வதால் குழந்தை பாக்கியம் கிடைக்கும். என்றாலும் கர்ப்பிணிகள் தொலை தூரப் பயணங்களைத் தவிர்ப்பது நல்லது. சாலைகளைக் கடக்கும் போது நிதானம் தேவை. அலைபேசியை அதிக நேரம் பயன்படுத்த வேண்டாம். பிள்ளைகளிடம் கண்டிப்புக் காட்டாமல் தோழமையாகப் பழகுங்கள். பிள்ளைகளின் ஆசைகளை நிறைவேற்றுவீர்கள். 29.3.2023 முதல் 24.8.2023 வரை சனிபகவான் அதிசாரத்தில் 6 ம் வீடான கும்ப ராசியில் சென்று அமர்வதால் எதிர்பாராத பணவரவு, திடீர் யோகம், சமூகத்தில் பெரிய அந்தஸ்தில் இருப்பவர்களுடன் நட்பு, வாகன அமைப்பு போன்ற சுபபலன்கள் உண்டாகும்.

Election bannerElection banner
அடுத்த கட்டுரைக்கு