Published:Updated:

கடகராசிப் பெண்களுக்கான சனிப்பெயர்ச்சி சிறப்புப் பலன்கள்!

சனிபகவான் உங்கள் ராசியைப் பார்ப்பதால் விளம்பர மோகத்தில் மயங்கிப் புது நிறுவங்களின் பொருள்களை வாங்க வேண்டாம். சனிபகவான் 4 ம் வீட்டை பார்ப்பதால் வீடு, வாகனப் பராமரிப்புச் செலவுகள் அதிகரிக்கும்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

உங்கள் ராசிக்கு ஏழாம் வீட்டில் அமரும் சனிபகவானால் அடிக்கடிக் குடும்பத்தில் சண்டைகள் வரலாம்.

கணவரின் சின்ன சின்னக் கோபங்களையெல்லாம் பெரிதாக்க வேண்டாம். இனி எதையும் திட்டமிட்டு செய்யப்பாருங்கள். வெளுத்ததெல்லாம் பாலாக நினைக்க வேண்டாம். ஐந்து ரூபாயில் முடிக்க வேண்டியதை ஐநூறு ரூபாய் செலவு செய்து முடிக்க வேண்டி வரும். பிள்ளைகளால் செலவுகளும், அலைச்சலும் வரும். மகனுக்கு வெளிநாட்டில் வேலை கிடைக்கும். நீங்களும் அயல்நாடு சென்று வருவீர்கள். மகளின் கல்யாணத்தைப் போராடி முடிப்பீர்கள். சகோதர வகையில் அதிக உரிமையெடுத்துக் கொள்ளவேண்டாம். பூர்விகச் சொத்துப் பிரச்சனைகள் தலை தூக்கும். மாமியார், நாத்தனாரின் ஆதரவைப் பெறுவீர்கள். என்றாலும் சின்னச் சின்ன மனக்கசப்புகள் வரத்தான் செய்யும். வரும் பணத்தை தாராளமாகச் செலவு செய்யாமல் உங்களுக்காகவும் சேமித்து வைத்துக் கொள்ளுங்கள். கணவன் - மனைவிக்குள் விட்டுக் கொடுத்து செல்வது நல்லது.

சனி கிரகம்
சனி கிரகம்

சனிபகவான் உங்கள் ராசியைப் பார்ப்பதால் விளம்பர மோகத்தில் மயங்கிப் புது நிறுவங்களின் பொருள்களை வாங்க வேண்டாம். சனிபகவான் 4 ம் வீட்டை பார்ப்பதால் வீடு, வாகனப் பராமரிப்புச் செலவுகள் அதிகரிக்கும். அவ்வப்போது குடிநீர், கழிவுநீர் பிரச்சனைகள் வந்துபோகும். சனிபகவான் உங்களின் 9 - ம் வீட்டைப் பார்ப்பதால் சிக்கனமாகச் செலவு செய்யுங்கள். தந்தை வழி உறவினர்களுடன் மோதல்கள் வந்துபோகும்.

வியாபாரம் செய்யும் பெண்கள் மற்றவர்களை நம்பிப் புது முதலீடுகள் செய்ய வேண்டாம். இருப்பதை வைத்துத் தொழிலைப் பெருக்கப் பாருங்கள். அயல்நாட்டுத் தொடர்புடைய நிறுவனங்கள் மூலம் லாபம் உண்டாகும். வாடிக்கையாளர்களின் அன்பைப் பெறுவீர்கள். வேலையாள்கள் முரண்டு பிடிப்பார்கள். பங்குதாரர்கள் உங்களைக் கோபப்படுத்தும்படி பேசினாலும், அவசரப்பட்டு வார்த்தைகளை விட வேண்டாம்.

சனிபகவான்
சனிபகவான்

உத்தியோகம் பார்க்கும் பெண்கள் தடைப்பட்ட பணிகளை விரைந்து முடிப்பீர்கள். மேலதிகாரிகள் வற்புறுத்தினாலும், நீங்கள் நேர் பாதையில் செல்வது நல்லது. உயர்அதிகாரிகளை விமர்சிக்க வேண்டாம். சக ஊழியர்களின் ஆதரவு கிடைக்கும். அலுவலகக் கோப்புகளை, ரகசியங்களைப் பாதுகாப்பது நல்லது. வெளி நிறுவனங்களில் நல்ல வாய்ப்புகள் தேடி வரும். கலைத்துறைப் பெண்களுக்குத் தள்ளிப் போன வாய்ப்புகள் தேடி வரும். தனி நபர் விமர்சனத்தைத் தவிர்க்கவும். மூத்த கலைஞர்களின் பாராட்டுதலைப் பெறுவீர்கள். என்றாலும் கொஞ்சம் இடைவெளி விட்டு பழகுங்கள். இந்தச் சனிப்பெயர்ச்சி அடங்கியிருந்த உங்களை அயராத உழைப்பால் அதிரடியாக வளர்ச்சியடையச் செய்வதுடன் அனைத்திலும் முதலிடம் பிடிக்க வைப்பதாக அமையும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு