Published:Updated:

மிதுன ராசிப் பெண்களுக்குரிய சனிப்பெயர்ச்சி சிறப்புப் பலன்கள்

அஷ்டமத்துச் சனி ஆரம்பமாகிறதே... இனி தினந்தோறும் அவஸ்தை தானோ... அகப்பட்டவனுக்கு அட்டமத்துச் சனி என்பார்களே... இனி வீண் பழி எல்லாம் வருமே என்றெல்லாம் கலங்காதீர்கள். ஏனென்றால் சனிபகவான் ஆட்சி பலம் பெற்று அமர்வதால் நல்லதே நடக்கும்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

எங்கிருந்தாலும் அங்கு முன் உதாரணமாக வாழும் மிதுன ராசிப்பெண்களே... இதுவரை உங்களின் ராசிக்கு 7 ம் வீட்டில் இருந்து கொண்டு அடுக்கடுக்காக தோல்விகளையும், நட்டங்களையும், தனிமையையும் தந்த சனிபகவான் 27.12.2020 முதல் 19.12.2023 வரை உள்ள காலகட்டங்களில் அஷ்டமத்துச் சனியாக இருந்து செயல்படப் போகிறார்.

சனி பகவான்
சனி பகவான்

அஷ்டமத்துச் சனி ஆரம்பமாகிறதே... இனி தினந்தோறும் அவஸ்தை தானோ... அகப்பட்டவனுக்கு அட்டமத்துச் சனி என்பார்களே... இனி வீண் பழி எல்லாம் வருமே என்றெல்லாம் கலங்காதீர்கள். ஏனென்றால் சனிபகவான் ஆட்சி பலம் பெற்று அமர்வதால் நல்லதே நடக்கும். இதுவரை 7 - ல் நின்ற சனி எந்தச் செயலையும் முழுமையாக முடிக்க முடியாமல் தடுத்தார். திறமையிருந்தும் தாழ்வுமனப்பான்மைக்குள் தள்ளப்பட்டீர்களே... குடும்பத்திற்குள் எவ்வளவோ சிக்கனமாக இருந்தும் எதுவும் சேமிக்க முடியவில்லையே... மாதவிடாய்க்கோளாறு, கர்ப்பப்பைப் பிரச்சனை என அடிக்கடி தொந்தரவுகள் இருந்ததே... இனி ஆரோக்கியம் கூடும். கணவர் எதற்கெடுத்தாலும் குற்றம் குறை சொல்லிக் கொண்டே இருந்தாரே! இனிப் புரிந்து நடந்து கொள்வார்கள். குடும்ப வருமானம் உயரும். கைமாற்றாக வாங்கி இருந்ததைத் தந்து முடிப்பீர்கள்.

அநாவசிய, ஆடம்பரச் செலவுகளைக் குறைக்கப் பாருங்கள். முன்பிருந்ததை விட கணவரின் ஆரோக்கியம் கூடும். உங்கள் வேலையையும் இழுத்துப் போட்டு செய்வார். பெற்றோரின் உடல்நலமும் சற்று முன்னேற்றம் தரும். என்றாலும் எல்லா விஷயத்தையும் கவனமாகக் கையாளுங்கள். இரவு நேரப் பயணங்களை தவிர்த்து விடுங்கள். குடும்பத்தில் உள்ளவர்களிடம் விட்டுக் கொடுத்து செல்லுங்கள். சனிபகவான் உங்கள் ராசிக்கு 2 - ம் வீட்டை பார்ப்பதால் சாதுர்யமாகப் பேசுவீர்கள். ஆனால் சில நேரங்களில் உணர்ச்சிவப்படாமல் இருப்பது நல்லது. எதிர்பார்த்த பணம் வரும். சனிபகவான் உங்களின் 5 ம் வீட்டையும் 10 வீட்டையும் பார்ப்பதால் பார்ப்பதால் மனதில் அச்சவுணர்வு அதிகரித்தாலும் அதுவே முன்னெச்சரிக்கையுடன் செயல்படத் தூண்டும்.

சனி பகவான்
சனி பகவான்

பிள்ளைகளை அளவுடன் கண்டியுங்கள். பூர்வீக சொத்தில் பிரச்னைகள் வந்து சரியாகும். சனிபகவான் 10 - ம் வீட்டை பார்ப்பதால் வேற்றுமொழி, மதத்தினரால் ஆதாயமடைவீர்கள்.

வியாபாரம் செய்யும் மிதுன ராசிப் பெண்களே! பணவசதி இல்லாததால் விரிவுபடுத்த முடியாமல் தடுமாறிய நிலை மாறும். இனி இந்த நிலைமாறும். பண உதவியும் கிடைக்கும். கடையை விரிவுபடுத்துவீர்கள். புது ஒப்பந்தங்கள் கையெழுத்தாகும். வேலையாள்களால் இருந்து வந்த உபத்திரவங்கள் நீங்கும். கூட்டுத்தொழிலில் பங்குதாரர்களிடம் சின்ன சின்ன மனஸ்தாபங்கள் வந்துபோகும். பிரச்னைகளை வந்தாலும் சாதகமாக எடுத்துச் சொல்லுங்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வேலைக்குச் செல்லும் மீனராசிப் பெண்களே! மற்றவர்களின் வேலையைச் சேர்த்து பார்த்தும் கெட்ட பெயர்தானே கிடைத்தது! உங்களை விட வயதில், தகுதியில் குறைவானவர்களுக்கெல்லாம் பதவி உயர்வு கிடைத்ததே! இனி அந்த நிலை மாறும். பதவி உயர்வு, சம்பள உயர்வு உடனே கிட்டும். கலைத்துறைப் பெண்களே... சோகத்திலிருந்து விடுபடுவீர்கள். அலுவலகத்தில் பேச்சில் மட்டும் கவனம் தேவை. ஆர்வக்கோளாறாகப் பேசி வம்பில் மாட்டிக்கொள்ள வேண்டாம்.

சனிப்பெயர்ச்சி
சனிப்பெயர்ச்சி

இந்தச் சனிப் பெயர்ச்சி உங்களைத் தனித்து நின்றே வெற்றி பெற வைக்கும் சக்தியையும், சகிப்புத் தன்மையையும், பணப் புழக்கத்தையும் தருவதாக அமையும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு