Election bannerElection banner
Published:Updated:

மேஷ ராசி வியாபாரிகள், உத்தியோகஸ்தர்களுக்கான சனிப்பெயர்ச்சி சிறப்பு பலன்கள்!

மேஷ ராசி
மேஷ ராசி

எதைத் தொட்டாலும் எதிர்பார்த்த வெற்றி இல்லையே எனச் சோர்ந்து கிடந்த நீங்கள், இனி சுறுசுறுப்பு அடைவீர்கள். தொழில் போட்டியாளர்களை லாகவமாகச் சமாளிப்பீர்கள்.

இதுவரையிலும் 9-ம் இடத்தில் அமர்ந்திருந்து கடன் பிரச்னை, வீண் மனக்கவலைகள் என உங்களைத் திணறவைத்திருப்பார் சனி பகவான். தற்போது 27.12.2020 முதல் உங்கள் ராசிக்குப் பத்தாம் இடத்தில் அமர்ந்து அடுத்த இரண்டரை வருடங்களுக்குப் பலன் தரப் போகிறார்.

உங்கள் ராசிக்கு லாபாதிபதியும் ஜீவனாதிபதியுமான சனிபகவான் இந்தப் பெயர்ச்சியில் மகர ராசிக்குப் பெயர்கிறார். அது சனி பகவானின் சொந்தவீடு. ஆக, சொந்த வீட்டில் சனிபகவான் ஆட்சி பெற்று அமர்வதால், உங்களுக்கு லாப பலன்களையே அருள்வார்.

இதுவரையிலும் எதைத் தொட்டாலும் எதிர்பார்த்த வெற்றி இல்லையே எனச் சோர்ந்து கிடந்த நீங்கள், இனி சுறுசுறுப்பு அடைவீர்கள். தொழில் போட்டியாளர்களை லாகவமாகச் சமாளிப்பீர்கள். உங்களின் அணுகுமுறைகளால் அவர்கள் திணறு வார்கள்.

சனிப்பெயர்ச்சி
சனிப்பெயர்ச்சி

உங்களில் சிலர் பழைய கடையை புதுப்பித்து விரிவுப்படுத்துவீர்கள். புதிய அனுபவங்கள் மூலம் வியாபாரத்தில் நெளிவு, சுளிவுகளைக் கற்றுக்கொள்வீர்கள். தொழிலில் நீங்கள் ஆவலுடன் எதிர்பார்த்துத் தள்ளிப்போன ஒப்பந்தங்கள் மீண்டும் கைக்கு வரும்.

வாடிக்கையாளர்களை அதிகப்படுத்தும் விதம் புதிய யுக்திகளோடு விளம்பரங்கள் செய்து வெற்றி பெறுவீர்கள். அதேநேரம், உங்களிடம் பணிபுரியும் வேலையாட்களிடம் அதிகம் கெடுபிடி வேண்டாம். அவர்களிடம் விட்டுக்கொடுத்துப் போகவும். அவர்களின் தவறுகளைப் பொறுமையாகச் சொல்லி புரியவைக்கவும்.

கண்ணாடி, துணி, பெட்ரோல், டீசல் மற்றும் கட்டுமானப் பொருள்களால் நீங்கள் லாபம் அடைவீர்கள். இவை சார்ந்த தொழிலைக் கையில் எடுங்கள். கூட்டுத் தொழிலில் விலகிச் சென்ற பங்குதாரர்கள் மீண்டும் வருவார்கள்.

மேஷ ராசியைச் சேர்ந்த உத்தியோகஸ்தர்களுக்கு, இந்தப் பெயர்ச்சி காலம் பெரும்பாலும் ஏற்றங்களைத் தரும் காலம்தான்.

ஜீவனாதிபதியும் லாபாதிபதியுமான சனி பகவான் மகரத்தில் அமர்வதால் உயர்வு உண்டு. சனி பகவான் சொந்த வீட்டில் ஆட்சி பெற்று அமர்வது உங்களுக்குச் சாதகமே. எதிர்பாராத உயர்வுகளை அளித்து உங்களைச் சந்தோஷப் படுத்துவார்.

அதேநேரம், வீண் அலட்சியம் கவனக்குறைவு ஆகியவற்றை நீங்கள் தவிர்க்கவேண்டும். சில பணிகளை நீங்களே முன்னின்று முடிப்பது நல்லது. அடுத்தவரை நம்பி ஒப்படைக்கவேண்டாம். அதேபோல் அநாவசியமாக விடுப்பு எடுப்பதையும் தவிருங்கள். இதுபோன்ற செயல்கள், மேல் அதிகாரிகளுக்கு உங்கள் மீது வெறுப்பை ஏற்படுத்த வாய்ப்பு உண்டு.

சனி பகவான்
சனி பகவான்

வேலை பார்க்கும் இடத்தில் பணிகள் அதிகரிக்க வாய்ப்பு உண்டு. சில பணிகளைப் போராடி முடிக்கவேண்டியது இருக்கும். ஆனாலும் அதன் பொருட்டு சலித்துக்கொள்ள வேண்டாம். மற்றவர்களிடம் புலம்புவதும் வேண்டாம். விரைவில் புதிய - முக்கியமான பொறுப்புகளில் நீங்கள் அமரத்தபட வாய்ப்பு உண்டு. ஆகவே, பொறுமை மிக அவசியம்.

மேலதிகாரி உங்களுக்கு மிகவும் உதவிகரமாக இருப்பார். முக்கியமான விஷயங்களில் அற்புதமான வழிகாட்டலையும் வழங்குவார். பயன்படுத்திக்கொள்ளுங்கள்.

சக ஊழியர்களின் சொந்த விஷயங்களில் மூக்கை நுழைக்காதீர்கள். முக்கிய பதிவேடுகளைக் கவனமாகக் கையாளுங்கள்.

சிலருக்கு திடீர் இடமாற்றங்கள் நிகழ வாய்ப்பு உண்டு. அது உங்களுக்குச் சாதகமாகவே அமையும். அதேபோல் பணியிடத்தில் புதிய சலுகைகளும் சம்பள உயர்வும் வந்துசேரும்.

வாட்ஸ்அப், முகநுல் போன்ற சமூக வளைதலங்களில் அதிகாரிகள் மற்றும் அலுவலக விஷயங்களைப் பகிர்ந்துகொள்ள வேண்டாம்.

மொத்தத்தில் இந்தச் சனிப்பெயர்ச்சி, யதார்த்தமான முடிவு களாலும் விட்டுக்கொடுத்துப் போகும் அணுகுமுறையாலும் உங்களை வெற்றி பெற வைப்பதாக அமையும்.

Election bannerElection banner
அடுத்த கட்டுரைக்கு