Published:Updated:

கலகல கடைசிப் பக்கம்

நடை பழகும்போது கொஞ்சம் ஞானம்வீயெஸ்வி, ஓவியம்: வேலன்

கலகல கடைசிப் பக்கம்

நடை பழகும்போது கொஞ்சம் ஞானம்வீயெஸ்வி, ஓவியம்: வேலன்

Published:Updated:

''தெருவில் நடப்பவர்களெல்லாம் பூங்காவுக்குப் போவதில்லை; பூங்காவுக்குச் செல்பவர்களெல்லாம் நடப்பதுமில்லை'' என்றார் நண்பர்.

''யாரோட பொன்மொழி இது?'' என்றேன்.

கலகல கடைசிப் பக்கம்

ஒட்டுமொத்த விகடனுக்கும் ஒரே ஷார்ட்கட்!

''அட, நீங்க வேற... இது அடியேனுடைய சொந்தச் சரக்கு. ஏதோ, உங்ககிட்ட சொல்லணும்னு தோணிச்சு. சொல்லிட்டேன்!''

டாக்டர் கொடுத்த அறிவுரையை சிரமேற்கொண்டு அனுதினமும் 48 நிமிடங்கள் நடப்பதற்கு நடேசன் பூங்கா சென்று கொண்டிருக்கிறேன் நான்.

''தினமும் நடக்கறீங்கதானே?'' என்று, சென்ற முறை என்னுடைய சர்க்கரை பரிசோதனை அறிக்கையைப் பார்த்துவிட்டு, டாக்டர் சந்தேகத்துடன் கேட்டார்.

''ஆமா, டாக்டர்! இப்போ உங்க கிளினிக்குக்கு வர்றப்பகூட வீட்டிலேர்ந்து நடந்துதான் வந்தேன்...'' என்றேன்.

''வெரிகுட்! உங்க வீடு எங்கே இருக்கு?''

''பக்கத்து பில்டிங்ல டாக்டர்!'' என்றதும் முறைத்தார்.

நண்பரின் பொன்மொழிக்கு வருவோம். அவர் சொன்னது உண்மைதான். நடேசன் பார்க்குக்கு வருபவர்கள் அத்தனை பேரும் வாக்கிங் போக வருபவர்கள் மாதிரி தெரியவில்லை. குறிப்பிட்ட பெஞ்ச் ஒன்றில் இரண்டு வழுக்கைத் தலையர்கள் தினமும் உட்கார்ந்து அரட்டை அடித்துக்கொண்டிருப்பதைப் பார்த்திருக்கிறேன். ஒரு ரவுண்டு்கூடச் சுற்றாமல் அப்படி என்னதான் பேசுவார்கள்? ஆர்வம் மேலிட, ஒரு நாள் அவர்கள் பக்கமாக உட்கார்ந்து காது கொடுத்தேன்.

''ஒரு விஷயம் கவனிச்சீங்களா? பக்தனுக்கே எல்லா கஷ்டங்களும், எல்லா சோதனைகளும் வருது. கடைசியில் ஆண்டவன் அருளால் எல்லாம் நல்லபடியாகவே முடியுதுன்னாலும், பக்தனைக் கஷ்டப்படுத்தாமல் ஆண்டவனால் காப்பாற்றவே முடியாதா?'' என்றார் ஒருவர்.

''வியாதி இருந்தால்தானே வைத்தியம்? சுவர் இருந்தால்தானே ஆணி? சிலேட்டு இருந்தால்தானே பலப்பம்?'' என்றார் மற்றவர்.

''அதான், ஏன்னு கேக்கறேன்? வியாதியே இல்லேன்னா வைத்தியம் எதுக்கு?'

''படிச்சவனுக்குத்தானே சார் பரீட்சை வைக்க முடியும்? பாஸாக்க முடியும்? இவன் எப்போ பகவானை நினைக்க ஆரம்பிக்கிறானோ, அப்பவே கடவுளும் இவனை நினைக்க முற்படுகிறார். தன்னையன்றி வேறு எதையும் பக்தன் நினைக்காமல் இருக்க, அவனுக்குக் கடினமான தேர்வுகள் வைத்து, இறுதியில் தன் அருளால் நீங்காத இன்பமளிக்கிறார்'' என்றவர், திடீரென்று பாடத் தொடங்கினார்.

அவர் பாடியது, தியாகராஜரின், 'சலமேலரா ஸாகேதராம...’ என்கிற மார்க இந்தோள ராகப் பாடல்.

'உன் மீது காதல் கொண்டு, பக்தி மார்க்கத்தைப் பின்பற்றி உன்னைப் புகழ்ந்துகொண்டிருக்கும் என்மீது ஏன் இந்தக் கோபம்?’ என்று கேட்கிறார் தியாகராஜர், சாகேதபட்டணம் என்கிற அயோத்தியில் அவதரித்த ராமனிடம்.

பரவாயில்லை; நடையால் உடம்புக்கு ஆரோக்கியம் என்றால், இப்படி உட்கார்ந்து உருப்படியாகப் பேசுபவர்களால் உள்ளத்துக்கும் கொஞ்சம் தெம்பு கிடைக்கத்தான் செய்கிறது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism