கலகல கடைசிப் பக்கம்

'அ மைச்சரே...''

. 'மன்னா..?''

. 'முற்றும் துறந்த துறவி ஒருவரை நான் சந்திக்க வேண்டும். உடனே ஏற்பாடு செய்யுங்கள்!''

. 'ஆகட்டும், மன்னா..!''

. 'உ னக்கு இது அருமையான வாய்ப்பு! நாளை ஒருநாள் மட்டும் துறவி வேடமிட்டு, நான் சொல்லும் மரத்தடியில் போய் உட்கார்.காவி உடையும், பொய் தாடியும் நான் ஏற்பாடு செய்கிறேன். மன்னர் உன்னைக் காண வருவார். அவரிடம் நான் சொல்கிறபடி பேசு; நடந்துகொள்..!''

. 'இதனால் எனக்கு என்ன லாபம்?''

. 'மன்னரிடமிருந்து ஏராளமான பொன்னும் பொருளும் கிடைக்கும். அதன்பின், நீ தெருத் தெருவாகச் சென்று யாசிக்க வேண்டியதில்லை.''

. 'சரி, உங்களுக்கு இதனால் என்ன பலன்?''

. 'அரண்மனையில் தலைமை அமைச்சர் என்கிற பதவி உயர்வு!''

. 'ம ன்னா, தாங்கள் சொன்னது போலவே முற்றும் துறந்த துறவி ஒருவரைக் கண்டுபிடித்துவிட்டேன். புறப்படலாமா?''

. 'ஆகட்டும்! யாரங்கே... ஒரு தங்கத் தட்டில் பழ வகைகளும், கஜானாவிலிருந்து பொற்காசுகளும், ரகசிய அறையிலிருந்து தங்கக் கட்டிகளும் எடுத்துக்கொண்டு என்னைப் பின்தொடர்ந்து வாருங்கள். அமைச்சரே, உமது மேற்பார்வையில் இதெல்லாம் நடக்கட்டும்..!''

. 'உத்தரவு, மன்னா!''

. 'சு வாமி, சமீபகாலமாக அரண்மனையில் ஏகத்துக்கும் சிக்கல். மன நிம்மதி இழந்து தவிக்கிறேன். என்ன பரிகாரம் வேண்டுமானாலும் செய்வதற்குக் காத்திருக்கிறேன்...''

. 'நாடாளும் மன்னருக்கே மனநிம்மதி இல்லையா? ஆச்சரியம்தான்! போகட்டும்... இப்போது என்னை நீங்கள் சந்திக்க வந்ததே ஒரு பரிகாரம்தான். சென்று வாருங்கள். இனி உங்களுக்கு எந்தப் பிரச்னையும் இருக்காது!''

. 'தங்கள் ஆசி சுவாமி..!''

. 'இ ல்லை, அமைச்சரே! இந்தப் பொய் தாடியையும், காவி உடையையும் திருப்பிக் கொடுப்பதாக இல்லை. இனி, நான் இந்தத் துறவுக் கோலத்தில்தான் தேசாந்திரியாகச் செல்லப் போகிறேன்!'

. 'அடப்பாவி! மன்னர் காணிக்கையாக அளித்த பொன்னையும் பொருளையும் நீயே அபகரிக்கத் திட்டமிட்டுவிட்டாயா? அதில் எனக்குரிய பங்கு வந்தாக வேண்டும்!'

. 'பங்கு என்னய்யா பங்கு? அனைத்தையும் நீங்களே எடுத்துக் கொண்டு புறப்படுங்கள். மக்கள் நலமே மன்னர் நலம்! நல்லாட்சி நடத்திட மன்னருக்கு உறுதுணையாக இருங்கள். எனக்கு அது போதும்!'

. 'வேடிக்கை! துறவி வேடம் போட்டதாலேயே உன்னை நிஜத் துறவி என்று எண்ணிக்கொண்டு விட்டாயா?'

. 'ஒருநாள் துறவி வேடம் புனைந்ததற்கே மன்னரும், மந்திரிப்பிரதானிகளும் என் காலில் விழுந்து ஆசி பெற்றுச் செல்கிறீர்கள். உண்மையாகவே எல்லாவற்றையும் துறந்தால்..? துறவின் மகத்துவத்தை எனக்குப் புரிய வைத்தமைக்கு நன்றி அமைச்சரே! நீங்கள் புறப்படுங்கள்!''

. 'த லைப்பட்டார் தீரத் துறந்தார் மயங்கி| வலைப்பட்டார் மற்றையவர்’ என்பது குறள்.

கலகல கடைசிப் பக்கம்

Vikatan Correspondent