Published:Updated:

என் கடன் இறைப்பணி செய்து கிடப்பதே!

‘கிராமங்களில் வைஷ்ணவம்..!’இ.லோகேஸ்வரி ,படங்கள்: ம.நிவேதன்

என் கடன் இறைப்பணி செய்து கிடப்பதே!

‘கிராமங்களில் வைஷ்ணவம்..!’இ.லோகேஸ்வரி ,படங்கள்: ம.நிவேதன்

Published:Updated:

திருவல்லிக்கேணி டி.எஸ்.ராமஸ்வாமி என்றால், வைணவ அன்பர்கள் எல்லோருக்கும் நன்கு தெரிந்திருக்கிறது. வைணவ நெறிகளை விளக்க கிராமங்கள்தோறும் பயணம், 'அருளிச்செயல் அரங்கம்’

 அமைப்பின் மூலமாக உபன்யாசம், மேடை நாடகம் போன்றவற்றில் தன்னை நிரூபிக்கத் துடிக்கும் இளைஞர்களை ஊக்குவிப்பது, ஆர்வம் கொண்ட அன்பர்களுக்கு இலவசமாக திருவாய்மொழி வகுப்பு, எண்ணற்ற வைணவ நூல்கள்... என நீள்கிறது, இந்த 84 வயது இளைஞரின் ஆன்மிகப் பணிகள்.

பதினான்கு ஜீயர்கள் பங்கேற்க, சுமார் 10,000 பேர் கலந்து கொண்ட 'வைஷ்ணவ யதி சம்மேளனம்’ மாநாடு, இவரது ஆன்மிகப் பணிகளில், சிகரம்!

ஒட்டுமொத்த விகடனுக்கும் ஒரே ஷார்ட்கட்!

ஒரு ஞாயிறன்று காலைப் பொழுதில் அவரை நேரில் சந்தித் தோம். முகம் நிறைய சிரிப்பும், உள்ளம் நிறைந்த சிலிர்ப்புமாக தனது அனுபவங்களை, பணிகளைப் பற்றிப் பகிர்ந்துகொண்டார்.

''எங்களுக்குப் பூர்வீகம் திண்டிவனம். என் தந்தையார் சடகோபாச்சார்யர், திண்டி வனத்தில் சொற்பொழிவாளர்களை அழைத்து, நிறைய நிகழ்ச்சிகளை நடத்தியிருக்கிறார். அப்பாவைப் பார்த்து வளர்ந்தவன் நான். இப்போது அப்பாவைப் போலவே வைணவப் பணிகளில் ஈடுபட்டு வருகிறேன்.

என் கடன் இறைப்பணி செய்து கிடப்பதே!

தற்போது எம்பார் ஜீயர் சுவாமிகளாக இருக்கும் குமாரவாடி ராமானுஜாச்சார்யர் தான் எனக்கு வைஷ்ணவத்தில் அதிக ஈடுபாடு வரக் காரணமாக இருந்தவர். வக்கீல் தொழில் பார்த்து வந்தாலும், வைஷ்ணவத்தில் பட்டம் பெற வேண்டும் எனும் லட்சியம் எனக்குள் இருந்துவந்தது. அது, என் 66வது வயதில் நிறைவேறியது. பின்னர் அதில் முனைவர் பட்டமும் பெற்றேன்.  

2001ம் வருடம், 'ஸ்ரீவைஷ்ணவ யதி சம்மேளனம்’ என்ற மாநாடு நடத்தத் திட்டமிட்டோம். கிட்டத்தட்ட எட்டு மாதங்கள் கஷ்டப் பட்டு, வடகலை, தென் கலையைச் சேர்ந்த 14 ஜீயர்களை ஒரே இடத்தில் ஒருங்கிணைக்க முயற்சி செய்தேன். 2000 பேர் அமரக்கூடிய அரங்கத்தில் இதை நடத்தினோம். ஆனால், பத்தாயிரம் பேர் வரை கலந்துகொண்டார்கள். தென்கலை மற்றும் வடகலை ஒற்றுமைக்காக அனைத்து ஜீயர்களின் சம்மதத்தோடு ஒற்றுமைத் தீர்மானம் நிறைவேற்றப் பட்டது. 14 ஜீயர்களும் ஒரே மேடையில் வீற்றிருக்க, அனைவரும் அவர்களிடம் ஆசி பெற்றது சிலிர்க்கச் செய்யும் ஆனந்த அனுபவம்' என்று நெகிழ்ச்சியுடன் சொல்கிறார் ராமஸ்வாமி.

இவரின் தாத்தா திருவேங்கடாச்சாரியும் ஆன்மிகத் தொண்டுகள் பல புரிந்திருக்கிறார். மதுராந்தகம் அருகில் உள்ள தின்னலூர் தான் இவருக்குச் சொந்த ஊர். பிறகு, வேலை நிமித்தமாக திண்டிவனம் வந்துவிட்டாராம் இவரின் அப்பா.  

என் கடன் இறைப்பணி செய்து கிடப்பதே!

''தின்னலூரில், பூமியில் இருந்து கண்டெடுக்கப்பட்ட பெருமாளின் மூல விக்கிரகத் திருமேனிக்குக் கோயில் கட்ட முனைந்தார் தாத்தா. ஆனால், உத்ஸவர் இல்லாமல், கோயில் கட்டும் பணிகள்தாமதமானதாம். ஒருநாள், தாத்தாவின் கனவில் வந்த பெருமாள், ஸ்ரீவைகுண்டத்தில் விக்கிரகங்கள் இருக்கின்றன’ என அருளினார். உடனே, மதுராந்தகத்தில் இருந்து திருநெல்வேலி ஸ்ரீவைகுண்டத்துக்கு நடந்தே சென்றார் தாத்தா. அங்கே சிலைகளைப் பெற்றுக் கொண்டு, அவற்றைத் தன் தோளில் சுமந்தபடி, மீண்டும் நடந்தே ஊருக்குத் திரும்பினாராம்..!''  பெருமிதம் பொங்கச் சொல்கிறார் டி.எஸ்.ராமஸ்வாமி.

அவரிடம் திருவாய்மொழி வகுப்பு குறித்துக் கேட்டோம்.

என் கடன் இறைப்பணி செய்து கிடப்பதே!

''உபன்யாசம், சொற்பொழிவு செய்றதுக்கு நிறைய பேர் வரணும். குறிப்பா, இளைஞர்கள் அதிக அளவுல வரணும். இதுக்காகவே 'அருளிச்செயல் அரங்கம்’னு ஓர் அமைப்பை, 14 வருஷங்களுக்கு முன்னால ஆரம்பிச்சோம். இதுவரை நூற்றுக்கணக்கான இளைஞர்களை இதன்மூலமா அறிமுகப்படுத்தி வைச்சிருக்கோம். தவிர, மாதந்தோறும் சென்னை திருவல்லிக்கேணில, உபன்யாசக் கூட்டம் நடத்திட்டு வரோம்'' என்று சொல்லும் ராமஸ்வாமி, உபன்யாசங்களும் செய்து வருகிறார். குறிப்பாக, திருப்பாவை பற்றிச் சொல்லி வருபவர், சமீபகாலமாக திருவாய்மொழி குறித்தும் உபன்யாசம் செய்து வருகிறார்.  

''மார்கழி மாதம் தவிர, மற்ற மாதங்களில் திருவாய்மொழியை மற்றவர்களுக்குச் சொல்லிக்

என் கடன் இறைப்பணி செய்து கிடப்பதே!

கொடுத்து வருகிறேன். வாரம் இரண்டு முறை இலவச வகுப்புகள் நடக்கின்றன'' என்று சொல்லும் ராமஸ்வாமி, தமது அனுபவங்களையும் புராணத் தகவல்களையும் கொண்டு, பல புத்தகங்களும் எழுதியிருக்கிறார். மும்மதங்களையும் பற்றிச் சொல்கிற ’your god my god'’ என்ற இவரின் புத்தகம், மிகுந்த பாராட்டுகளைப் பெற்றது.

'என் எல்லா வேலைகளுக்கும் பக்கபலமாக இருப்பவர் என் மனைவி லட்சுமி. இவர் கர்னாடக இசைக் கலைஞர். மிக அருமையாகப் பாடுவார். 108 திவ்விய தேசங்களைப் பற்றி இவரே பாடல்கள் எழுதி, இசை அமைத்துப் பாடியிருக்கிறார்.  

கடவுளால் கிடைத்த இந்தப் பிறவியில், கடவுளுக்குக் கைங்கர்யம்செய்வது என்பது மகா பாக்கியம்! கிராமங்களிலும் வைஷ்ணவ நெறிகளைகொண்டு சேர்க்கும் முயற்சியாக, இதுவரை 42க்கும் மேலான கிராமங்களுக் குச் சென்று உரையாற்றியிருக்கிறேன். இன்னும் மிச்சம் இருக்கிற காலங்களிலும், பெருமாளையும் வைஷ்ணவத்தையும் இன்னும் இன்னுமாகச் சொல்லிக்கொண்டே இருக்கவேண்டும் என்பதுதான் என் ஆசை, லட்சியம் எல்லாமே!'' என்று நெக்குருகிச் சொல்கிறார் ராமஸ்வாமி. அவரின் தொண்டு சிறக்க, திருமாலின் ஆசீர்வாதமும் அருளும் நிச்சயம் உண்டு!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism