Published:Updated:

ஸ்ரீசாரதையின் அருள் வானில் இளம் ஞாயிறு..!

குருவே சரணம்!

ஸ்ரீசாரதையின் அருள் வானில் இளம் ஞாயிறு..!

குருவே சரணம்!

Published:Updated:

இந்து தர்மத்தில் மிகவும் உயர்ந்த ஸ்தானம் ஒருவருக்கு வழங்கப்பட்டு இருக்கின்றதென்றால், அவர் குருவே ஆவார். குரு இல்லையென்றால், வாழ்க்கையின் நிறைவான மோட்ச நிலையை ஒருவரால் அடையவே முடியாது.  

''நாம் உங்களைச் சரியானபடி வழிநடத்திச் செல்வதற்காக, மிகவும் தகுதி வாய்ந்த சிறந்த ஒரு குருவை தேர்வு செய்திருக்கிறோம்.''

''ஸ்வாமிகள் மிகவும் மகிமை பொருந்தியவர். சந்நியாச ஆச்ரமம் மேற்கொள்ளுவதற்கு முன்பே வேதங்களிலும் சாஸ்திரங்களிலும் பரிபூரண பாண்டித்யம் பெற்றிருப்பவர்.''

'சக்தி விகட’னில் வெளிவந்துகொண்டிருக்கும் 'துங்கா நதி தீரத்தில்’ தொடரில்,ஸ்ரீசாரதா பீடத்தின் 36வது பீடாதிபதியான பாரதி தீர்த்த ஸ்வாமிகளைப் பற்றி, அவரைத் தேர்வு செய்த அபிநவ வித்யாதீர்த்த மஹாஸ்வாமிகள் பக்தர்களிடையே உரையாற்றியபோது சொன்ன அருள்மொழிகள்தான், தொடக்கத்தில் நீங்கள் படித்தது.

மஹாஸ்வாமிகளும் ஸ்வாமிகளும் ஒருமுறை சென்னைக்கு விஜயம் செய்திருந்தபோது, பத்திரிகையாளர்கள் முதலில் பாரதி தீர்த்த ஸ்வாமிகளை தரிசித்து, அவரிடம் சில கேள்விகளைக் கேட்டனர். அவற்றுக்குச் சந்நிதானமும் மிகவும் பொருத்தமான பதில்களைக் கூறினார். தொடர்ந்து, மஹா சந்நிதானத்தை தரிசித்த பத்திரிகையாளர்கள், அதே கேள்விகளையே மஹாஸ்வாமிகளிடமும் கேட்டனர். ஸ்வாமிகள் என்ன பதில்களைக் கூறினாரோ, அதே பதில்களைத்தான் மஹாஸ்வாமிகளும் கூறினார்.

பத்திரிகையாளர்களுக்கு ஆச்சர்யம் தாங்கமுடியவில்லை. 'நாம் ஒருவரை மட்டும் பார்த்திருந்தாலே போதுமானதாக இருந்திருக்குமே! நாம் கேட்ட கேள்விகளுக்கு இரண்டு ஸ்வாமிகளுமே ஒரே விதமான பதில்களைத்தானே சொல்லியிருக்கின்றனர். இத்தனைக்கும் இருவரும் சந்தித்துக்கொள்ளவும் இல்லையே!’ என்று பேசியபடி திரும்பிச் சென்றனர்.

ஸ்ரீசாரதையின் அருள் வானில் இளம் ஞாயிறு..!

இதுதான் குருவுக்கும் சீடருக்கும் இடையிலான உறவின் தாத்பர்யம்! குரு என்ன நினைப்பாரோ அதையே சீடரும், சீடர் என்ன சொல்கிறாரோ அதையே குருவும் சொல்கிறார்கள் என்றால், குருவுக்கும் சீடருக்கும் இடையில் எந்த அளவுக்குப் புரிதல் இருந்திருக்கவேண்டும்?!

1974ம் வருடம் நவம்பர் மாதம் 11ம் நாள், சிருங்கேரி விழாக் கோலம் பூண்டிருந்தது.

அன்றுதான் சிருங்கேரியின் 35வது பீடாதிபதியாக இருந்த ஸ்ரீஅபிநவ வித்யாதீர்த்த மஹாஸ்வாமிகள், தம்முடைய வாரிசாகவும் பீடத்தின் அதிபதியாகவும் தற்போது வீற்றிருக்கும் பாரதி தீர்த்த ஸ்வாமிகளுக்கு சந்நியாச தீட்சை கொடுத்து, அவரை பீடாதிபதியாக ஸ்வீகரித்துக் கொண்டார்.

''நம்முடைய இந்து தர்மத்தில் மிகவும் உயர்ந்த ஸ்தானம் ஒருவருக்கு வழங்கப்பட்டு இருக்கின்றதென்றால், அவர் குருவே ஆவார். குரு இல்லையென்றால், வாழ்க்கையின் நிறைவான மோட்ச நிலையை ஒருவரால் அடையவே முடியாது. அந்த வகையில், நம்மை உரிய வழியில் வழிநடத்தி, மோட்ச நிலையை அடை வதற்கு வழிகாட்டுபவரே மிகச் சிறந்த குரு.

ஸ்ரீசாரதையின் அருள் வானில் இளம் ஞாயிறு..!

சிறந்த குரு என்பவருக்கு இரண்டு தகுதிகள் இருக்கவேண்டும் என்று ஸ்ரீஆதிசங்கர பகவத்பாதர் சொல்லி இருக்கிறார். ஒன்று, அவர் சகல வேதங்களிலும் சாஸ்திரங்களிலும் பாண்டித்யம் பெற்றிருக்க வேண்டும். இரண்டு, தம்மை நாடிவரும் பக்தர்களுக்கு வாழ்க்கையின் நிறைவான மோட்ச நிலையை அடைவதற்கு வழிகாட்டக்கூடியவராக இருக்கவேண்டும்'' என்று குருவின் அவசியம் பற்றித் தம்முடைய அருளுரையில் எடுத்துக் கூறியுள்ளார் ஸ்ரீபாரதி தீர்த்த மஹாஸ்வாமிகள்.

ஆதிசங்கரர் கூறிய தகுதிகளைக் குறைவறப் பெற்று, ஸ்ரீசாரதா பீடத்தின் 36வது பீடாதி பதியாக அருள்புரிந்துகொண்டிருக்கும் ஸ்ரீபாரதி தீர்த்த மஹாஸ்வாமிகள், பீடாதிபதியாகப் பொறுப்பேற்று 40 ஆண்டுகள் நிறைவடைந்த நிலையில், தமக்கு அடுத்து ஸ்ரீசாரதா பீடத்துக்குத் தக்கதொரு வாரிசை ஸ்ரீசாரதையின் அருளால் தேர்வு செய்திருக்கிறார்.

மஹாஸ்வாமிகளால் பீடாதிபதியாகத் தேர்வு செய்யப்பட்டு இருக்கும் குப்பா வேங்கடேச்வர ப்ரஸாத சர்மா என்னும் பிரம்மசாரி, ஸ்ரீசாரதா பீடத்தின் 37வது பீடாதிபதியாகப் பொறுப்பேற் றுக் கொள்ளும் வைபவம், இந்த மாதம் 22 மற்றும் 23 தேதிகளில் சிருங்கேரியில் கோலாகலமாக நடைபெற உள்ளது. மஹா ஸ்வாமிகளின் ஆசியுடன்,ஸ்ரீ சாரதையின் அருள் வானில் இளம் ஞாயிறென... புதிய பீடாதிபதியாக பொறுப்பு ஏற்கும் ஸ்வாமிகளின் ஆசியையும் பெறுவோம்.

- எஸ்.கண்ணன் கோபாலன்