Published:Updated:

‘கிராம மக்களுக்குப் புத்துணர்ச்சி கிடைக்கணும்!’

திருச்சி பயிற்சி முகாமில் வாசகியின் விருப்பம்வி.ராம்ஜி

‘கிராம மக்களுக்குப் புத்துணர்ச்சி கிடைக்கணும்!’

திருச்சி பயிற்சி முகாமில் வாசகியின் விருப்பம்வி.ராம்ஜி

Published:Updated:

'இதைக் கத்துக்கணும், அதைக் கத்துக்கணும்னு ஆசைப்படுறோம். ஆனா, கத்துக்கிட்டதன்படி நடக்கறோமான்னா இல்லைன்னு தான் சொல்லணும். ஈஷா யோகாவைக் கத்துக்கணும்னு பல வருஷமா ஆர்வத்தோட இருந்தேன். ஆனா எங்கே, எப்போ, எப்படின்னு முடிவாகாம இருந்தது. சக்திவிகடன் மூலமா என் எண்ணம் இப்ப நிறைவேறியிருக்கு. இதைத் தொடர்ந்து கத்துக்கிட்டு, முழுமையா இந்த யோகாவை செய்யறதுன்னு முடிவு பண்ணிட்டேன்!''  தஞ்சாவூரில் இருந்து வந்திருந்த மகாதேவன் எனும் வாசகர் சொல்ல, சக வாசகர்கள் உற்சாகம் பொங்கக் கைதட்டினார்கள். 

சக்திவிகடனும் ஈஷாவும் இணைந்து ஒவ்வொரு ஊரிலும் ஈஷா இலவச யோகா பயிற்சி முகாமை நடத்தி வருகின்றன. கடந்த 1.2.15 அன்று, திருச்சி தில்லைநகரில் உள்ள ஈஷா யோகா சென்டரில், இலவச ஈஷா யோகா பயிற்சி முகாம் நடந்தது.

‘கிராம மக்களுக்குப் புத்துணர்ச்சி கிடைக்கணும்!’

ஒட்டுமொத்த விகடனுக்கும் ஒரே ஷார்ட்கட்!

திரையில் சத்குருவின் உரையை மிகுந்த ஈடுபாட்டுடன் கண்டு கேட்டு உள்வாங்கிக் கொண்டார்கள் வாசகர்கள். பிறகு, யோக நமஸ்காரத்தை விரிவாகச் சொல்ல, அதையடுத்து திருச்சி ஈஷா யோகா மையத்தின் பயிற்சியாளர்களின் வழிகாட்டுதலுடன் யோக நமஸ்காரம் செய்தனர்.

''இந்தப் பயிற்சியை தினமும் செய்தால் கால்வலி இருக்காது; வாய்வுத் தொந்தரவும் வராதுன்னு என் தோழி சொல்லிக்கிட்டே இருப் பாங்க. இப்ப, இந்தப் பயிற்சியைச் செய்யும்போது, அதை என்னால உணர முடிஞ்சுது'' என்று தெரிவித்தார் வாசகி நளினி.

''ஒரு நாளைக்கு 80, 90 கி.மீட்டர் வரை டூவீலர்ல சுத்தவேண்டிய வேலை எனக்கு. அதனாலேயே எனக்கு அடிக்கடி முதுகுவலி வரும். 'ஈஷா யோகாவைக் கத்துக்கோ. அப்புறம் உனக்கு முதுகு வலியே வராது’ன்னு என் சித்தப்பா அடிக்கடி சொல்வார். சக்திவிகடனும் ஈஷாவும் சேர்ந்து நடத்தற யோகா பயிற்சி பற்றிக் கேள்விப்பட்டதும், 'போயிட்டு வாடா’ன்னு வற்புறுத்தினாங்க என் அம்மா. இப்ப இங்கே சொல்லிக் கொடுத்த மூணு பயிற்சிகளையும் முறையா கத்துக்கிட்டு, தினமும் செய்யறதுன்னு முடிவு பண்ணிட்டேன்'' என்று சொன்னார், அரியலூர் வாசகர் முத்துமாணிக்கம்.

‘கிராம மக்களுக்குப் புத்துணர்ச்சி கிடைக்கணும்!’

''சமயபுரம் தாண்டி கரியமாணிக்கம்தான் என் சொந்த ஊரு. கார் டிரைவிங் விஷயமா இந்தப் பக்கம் வந்தபோது, யதேச்சையா இங்கே இப்படியொரு பயிற்சி நடக்கறது தெரிஞ்சு, வந்து கலந்துக்கிட்டேன். இந்தப் பயிற்சியை ஒவ்வொரு கிராமத்துக்கும் வந்து கத்துக் கொடுங்க; குறிப்பா, எங்க ஊருக்கு வந்து கத்துக் கொடுங்கன்னு கேட்டுக்கறேன். ஆசிரியர்கள், மாணவர்கள், பொதுமக்கள்னு எல்லாரும் பயிற்சி எடுத்துக்கும்போது, அவங்களுக்கு ஒரு புத்துணர்ச்சி கிடைக்கும்கிறது உறுதி!'' என்று நெகிழ்ச்சியும் மகிழ்ச்சியுமாகப் பேசினார் வாசகி இந்திரா.

முகாமின் இறுதியில், சத்குருவின் உரையாடல் கொண்ட சிடி வழங்கப்பட்டதில், வாசகர்கள் அனைவருக்கும் மகிழ்ச்சி!

படங்கள்: என்.ஜி.மணிகண்டன்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism