Published:Updated:

165 - வது திருவிளக்கு பூஜை

கும்பாபிஷேகத்துக்காக ஒரு விளக்கு பூஜை !இளந்தமிழருவி

165 - வது திருவிளக்கு பூஜை

கும்பாபிஷேகத்துக்காக ஒரு விளக்கு பூஜை !இளந்தமிழருவி

Published:Updated:

க்தி விகடனும் தீபம் விளக்கேற்றும் எண்ணெய் நிறுவனமும்  இணைந்து நடத்தும் திருவிளக்கு பூஜை, கடந்த 19.5.15 செவ்வாய்க்கிழமை அன்று கடலூர் மாவட்டம் நெல்லிக்குப்பத்தில் உள்ள ஸ்ரீ அகிலாண்டேஸ்வரி உடனுறை ஸ்ரீ கயிலாசநாதர் திருக்கோயிலில் நடைபெற்றது. இது, சக்தி விகடனின் 165வது திருவிளக்கு பூஜையாகும். 

'விளக்கு பூஜையில கலந்துக்கிட்டா, இனி நடப்பதெல்லாம் நல்லதாவே நடக்கும், நினைச்சது பலிக்கும்னு சொல்லுவாங்க. அப்பேர்ப்பட்ட மகிமை பொருந்திய விளக்கு பூஜையை, இந்தக் கோயில்ல நடத்துறதுக்கு ஒரு முக்கியக் காரணம் இருக்கு.

1400 ஆண்டுகள் பழைமையானதும், ராஜராஜ சோழனின் சகோதரி குந்தவை நாச்சியார் வழிபட்டதுமான பெருமை வாய்ந்த இந்தத் திருக்கோயில், பல வருடங்களாக சிதிலம் அடைந்து கிடந்தது. ஊரில் உள்ள முக்கியஸ்தர்கள் ஒன்றுகூடி, 'கயிலாசநாதர் இறைப்பணி மன்றம்’  என்ற அமைப்பை ஏற்படுத்தி, கடந்த 7 வருடங்களாகத் திருப் பணிகள் மேற் கொண்டு வருகிறார்கள். நமது சொந்த பிரார்த்தனைகளுடன், இந்தக் கோயிலின் திருப்பணிகள் பூர்த்தியாகி, விரைவில் கும்பாபிஷேகம் நடைபெறவேண்டியும் இந்த திருவிளக்கு பூஜையில் நாம் மனதார வேண்டிக் கொள்வோம்.' என்று சிறப்பு விருந்தினர் கவிஞர் பல்லவிகுமார் உணர்ச்சி ததும்பப் பேசியபோது, வாசகிகள் மட்டுமல்ல, கோயில் நிர்வாகத்தினரும் மெய்சிலிர்த்துப் போனார்கள்.

ஒட்டுமொத்த விகடனுக்கும் ஒரே ஷார்ட்கட்!

165 - வது திருவிளக்கு பூஜை

அத்துடன், சக்திவிகடன் (6.9.11 தேதியிட்ட) இதழில், ஆலயம் தேடுவோம் பகுதியில் இந்த ஆலயம் குறித்த கட்டுரை வெளிவந்ததையும்,  அதைத் தொடர்ந்து எண்ணற்ற வாசகர்கள் நிதியுதவி அளித்ததையும் நெகிழ்ச்சியுடன் குறிப்பிட்டு, தங்களின் நன்றியைத் தெரிவித்துக்கொண்டார்கள் கோயில் நிர்வாகத்தினர்.

'சாதாரணமாக சாமியை வழிபடுவதற்கும், விளக்கேற்றி வழிபடுவதற்கும் நிறைய வித்தியாசங்கள் உண்டு. தீபம் ஏற்றி வழிபடுவதால், நமக்கு மட்டும் இல்லாமல், நம்மைச் சுற்றி இருப்பவர்களுக்கும் நன்மை உண்டாகும். ' என்று பல்லவிகுமார் பேசி முடிக்கும் வரையிலும் மெய்ம்மறந்து, ஆர்வத்துடன் கேட்டுக் கொண்டிருந் தார்கள் வாசகிகள்.

165 - வது திருவிளக்கு பூஜை

தொடர்ந்து விளக்கு பூஜை இனிதே நடந்தேறியது. பூஜையின்  நிறைவில், வாசகர்களுக்கு சர்க்கரைப் பொங்கலும், புளியோதரையும் கோயில் நிர்வாகத் தின் சார்பில் வழங்கப்பட்டன. குடும்ப ஒற்றுமை, பிள்ளைகளின் நன்மை என நின்றுவிடாமல், கோயில் கும்பாபிஷேகத்துக்காகவும், சக்திவிகடனின் சேவை

மனப்பான்மைக்காகவும் வாசகர்கள் செய்த பிரார்த்தனைகள் அனைத்தையும் ஸ்ரீ கயிலாசநாதர் நிச்சயம் நிறைவேற்றுவார்.

படங்கள்: எஸ்.தேவராஜன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism