Published:Updated:

உடலுக்கு சக்தி தரும் யோகா !

இளந்தமிழருவி

உடலுக்கு சக்தி தரும் யோகா !

இளந்தமிழருவி

Published:Updated:

''உடல் நல்ல முறையில் இயங்குவதற்குத் தேவையான அடிப்படை சக்தியைத் தருவதுதான் யோகா. நாம் எப்போது நம்முடைய உடலையும் மனதையும் பிரித்துப் பார்க்கிறோமோ, அப்போதுதான் நாம் பிறந்ததற்கான உண்மையான பயனைப் பெறமுடியும். நாம் என்பது மனம்தானே தவிர, உடல் அல்ல. 

நாம் என்கிற மனதை நம்முடைய கட்டுப்பாட்டுக்குள் வைத்துக் கொள்ள உதவுவதுதான் யோகா'’ என, யோகாவின் மகிமைகள் பற்றி, திரையில் தோன்றிய சத்குரு சொல்லச் சொல்ல, வந்திருந்த வாசகர்கள் அதை கவனமாக உள்வாங்கிக்கொண்டு, பயிற்சிக்குத் தங்களைத் தயார்படுத்திக் கொண்டனர்.

சக்தி விகடனும் ஈஷாவும் இணைந்து நடத்தும் இலவச யோகா பயிற்சி முகாம், கடந்த 10.5.15 ஞாயிற்றுக்கிழமை அன்று, தேனி பெரியகுளம் ரோட்டில் உள்ள, குருஸ் மஹால் ஈஷா யோகா மையத்தில் நடைபெற்றது.

ஒட்டுமொத்த விகடனுக்கும் ஒரே ஷார்ட்கட்!

உடலுக்கு சக்தி தரும் யோகா !

சத்குருவின் வழிகாட்டுதலின்படி, தேனி ஈஷா யோகா மையத்தின் பயிற்சியாளர் குமார் பயிற்சிகளைச் செய்து காண்பிக்க, வாசகர்களும் அதை அப்படியே பின்பற்றிச் செய்தனர்.

''சில வருஷத்துக்கு முன்னாடி எனக்கு பெரியதொரு இழப்பு ஏற்பட்டது. அதிலிருந்து வாழ்க்கையில் ஒரு பிடிப்பு இல்லாமதான் இருந்தது. இந்த யோகா பயிற்சி பற்றிக் கேள்விப்பட்டு, 'சரி, போய்த்தான் பார்க்கலாமே’ன்னு வந்தேன். இந்தப் பயிற்சியை செஞ்சதுக்குப் பிறகுதான், வாழ்க்கையோட அர்த்தம் முழுசா தெரிஞ்சுது. எனக்குள் இருந்த இருட்டு விலகி, வெளிச்சம் வந்த மாதிரி இருக்கு. இப்படி ஒரு மாற்றத்தை எனக்குள் ஏற்படுத்திய சக்தி விகடனுக்கும், ஈஷாவுக்கும் நான் நன்றிக்கடன் பட்டிருக்கிறேன்'' என்று வாசகி ஹேமா நெஞ்சம் நெகிழ்ந்து சொன்னதும், அனைவரும் அவரைப் பாராட்டினர்.

பயிற்சியின் நிறைவில் வந்திருந்தவர் களுக்கு ஈஷாகிரியா குறித்து சத்குரு உரையாடல் கொண்ட சி.டி.யுடன், சுண்டல் மற்றும் சத்துமாவுக் கஞ்சி வழங்கப்பட்டது. வாசகர்கள் நன்றி சொல்லி விடைபெற்றார்கள்.

படங்கள்: வீ.சக்தி அருணகிரி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism