Published:Updated:

அமாவாசையில் அனுமன் தரிசனம் !

கு.திலீப்குமார்

அமாவாசையில் அனுமன் தரிசனம் !

கு.திலீப்குமார்

Published:Updated:

ருமபுரியில் இருந்து பெங்களூரு செல்லும் சாலையில்,  சுமார் 12 கி.மீ. தூரத்தில் அமைந்துள்ளது முத்தம்பட்டி அருள்மிகு வீர ஆஞ்சநேயர் திருக்கோயில். 

சுமார் 65 வருடங்களுக்கு முன், இந்தப் பகுதியில் ரயில்வே பாதை அமைக்கும் பணி நடந்தது. அப்போது அடிக்கடி பெய்தமழையால், வெள்ளம் தேங்கியதால் பாதை அமைக்கும் பணி தடைப்பட்டதாம். காரணம் புரியாது தவித்த ஒப்பந்த தாரர், ஓரிடத்தில் மலையில் இருந்து சரிந்து விழுந்த பாறைகள் குவியலாகக்கிடந்ததைக் கண்டார். அவற்றை அகற்றிய போது மலைப்பாறையில் புடைப்புச் சிற்பமாகத் திகழும் இந்த அனுமனைக் கண்டு சிலிர்த்துப் போனார். மேலும், பணிகள் நல்லபடியாக நிறைவடைந்தால், அனுமனுக்கு கோயில் கட்டுவதாக வேண்டிக்கொண்டார்.

அமாவாசையில் அனுமன் தரிசனம் !

அதன்பிறகு மலையில் சரிவுகள் எதுவும் நிகழாமல், பணிகள் தொய்வின்றி நிறைவேறின. பக்தரும் அனுமனுக்கு சிறு கோயில் போன்று சந்நிதி அமைத்தார். அப்படி, இந்த அனுமனுக்கு வழிபாடு துவங்கியது, ஒரு அமாவாசை திருநாளில்.

அமாவாசையில் அனுமன் தரிசனம் !
அமாவாசையில் அனுமன் தரிசனம் !

இன்றைக்கும், அமாவாசை தினங்களில் இந்த அனுமனை வழிபட பெருந்திரளாக பக்தர்கள் இங்கே கூடுகிறார்கள். மட்டுமின்றி சனிக்கிழமைகள், அனுமன் ஜயந்தி, ஆங்கில மற்றும் தமிழ் வருட பிறப்பு ஆகிய தினங்களில் விசேஷ வழிபாடுகள் நடைபெறுகின்றன. இந்த ஆஞ்சநேயருக்கு வெற்றிலை மாலை, வடைமாலை சாற்றி மனமுருகப் பிரார்த்தித்தால், நினைத்தது நடக்கும், வேண்டிய வரங்கள் கிடைக்கும்!

படங்கள்: வி.சதீஷ்குமார்