Published:Updated:

171-வது திருவிளக்கு பூஜை

‘தீபச் சுடரில் அம்பிகை அருள்வாள் !’ரா.வளன்

171-வது திருவிளக்கு பூஜை

‘தீபச் சுடரில் அம்பிகை அருள்வாள் !’ரா.வளன்

Published:Updated:

''இறைவன் ஒளி வடிவமாக இருப்பவன். எந்த ஒரு பொருளை மேலே போட்டாலும் அது கீழ்நோக்கித்தான் வருகிறது. ஆனால், தீபச் சுடர் மட்டும் நாம் தலைகீழாகப் பிடித்தாலும் மேல்நோக்கியே பிரகாசிக்கிறது. அதைப்போல் தீபச் சுடர் ஏற்றி திருவிளக்கு பூஜை செய்யும்போது, நம்முடைய வாழ்க்கை பிரகாசமாக அமையும் என்ற மகத்துவம் மிக்க தத்துவத்தை இந்த விளக்கு பூஜை வழிபாடு உணர்த்துகிறது.

 நாம் விளக்கேற்றும்போது, விளக்கின் ஐந்து முகத்திலும் அம்பிகை வந்து குடியேறுகிறாள். அதனால், விளக்கு பூஜையின்போது தீப வடிவத்தில் அம்பிகை இருந்து நமக்கு அருள் புரிகிறாள்.'' என பேராசிரியர் முத்து லெட்சுமி  பேசி முடித்ததும் வாசகியர் அனைவரும் நெஞ்சம் நெகிழ்ந்து  கை தட்டி வரவேற்றனர்.

சக்தி விகடன் நடத்திய 171வது திருவிளக்கு பூஜை, கடந்த 11.8.15 அன்று  திருக்கடவூர் ஸ்ரீ அமிர்தகடேஸ்வர சுவாமி கோயிலில் அபிராமி சந்நிதியின் முன் ஆத்மார்த்த மாக நடைபெற்றது. சென்னை, திண்டிவனம், விழுப்புரம், பாண்டிச்சேரி, மயிலாடுதுறை எனப் பல்வேறு ஊர்களில் இருந்தும் வாசகர்கள் பெரும் திரளாக வந்து திருவிளக்கு பூஜையில் கலந்துகொண்டனர்.

171-வது திருவிளக்கு பூஜை

''என்னுடைய கவலைகள் எல்லாம் நீங்கி, ரொம்பவே சௌக்கியமா இருக்கேன். காரணம் சக்தி விகடன் நடத்தற விளக்கு பூஜைதான். இது வரை நான் 27 முறை சக்தி விகடன் நடத்தற விளக்கு பூஜையில் கலந்துண்டிருக்கேன்.'' என்று மகழ்ச்சி பொங்க பேசினார் திண்டிவனத்தில் இருந்து வந்திருந்த வாசகி நவநீதம்.

'உங்கள் எல்லாருக்காகவும் நான் வேண்டிக் கிறேன். என் மகனுக்கு சீக்கிரமே கல்யாணம்

171-வது திருவிளக்கு பூஜை

ஆகணும்னு நீங்கள் எல்லோரும் வேண்டிக்கங்க, உங்களுக்குப் புண்ணியமா போகும்' என ராஜேஸ்வரி என்ற வாசகி மற்ற வாசகியரிடம் வேண்டுகோள் வைக்க, அனைவரும் அதை ஏற்று, அந்த வாசகியின் விருப்பம் விரைவில் நிறைவேற பிரார்த்தித்துக் கொண்டனர்.

நிறைவாக விளக்கு பூஜையில் கலந்துகொண்ட வாசகியர்களுக்கு மஞ்சள் குங்குமம் உள்ளிட்ட மங்கலப் பொருட்களுடன், 10 ரூபாயும் சேர்த்து வழங்கி ஆசி கூறினார் கோயிலின் தலைமை குருக்களான டி.ஆர்.விஸ்வநாத குருக்கள்.

திருவிளக்கு பூஜை செய்து வேண்டிக் கொண்ட வாசகியர்களின் பிரார்த்தனை களை, கருணையே வடிவான அபிராமி அன்னை நிறைவேற்றுவாள் என்பது சாத்தியமே!

படங்கள்: க.சதிஷ்குமார்