Published:Updated:

வலி தீர்க்கும் மாவிளக்கு!

வலி தீர்க்கும் மாவிளக்கு!

பிரீமியம் ஸ்டோரி

ராமநாதபுரம் மாவட்டம், பரமக்குடியில் இருந்து சுமார் 22 கி.மீ. தொலைவில் உள்ளது மேலக் கொடுமலூர். பரமக்குடியில் இருந்து அபிராமம் எனும் ஊருக்குச் செல்ல இரண்டு வழிகள் உண்டு. அவற்றில் மேலக்கொடுமலூர் வழியாகச் செல்லும் பேருந்துகளில் ஏறினால், ஆலயத்துக்கு அருகிலேயே இறங்கிக் கொள்ளலாம்.

முருகப்பெருமான் சக்திதேவியிடம் வேலாயுதம் பெற்றது போன்று, மழு ஆயுதமும் கேட்டுப் பெற்றாராம். எனவே, கொடுமழூர் என்றும், அவர் மேற்கு திசை நோக்கி அருள்வதால் மேலக்கொடுமழூர் என்றும் இவ்வூருக்குப் பெயர் வந்ததாம். அதுவே  பின்னர், மேலக்கொடுமலூர் என்று மருவியதாகச் சொல்கிறார்கள்.

வலி தீர்க்கும் மாவிளக்கு!

போர்க்கோலத்தில் பானு கோபனின் தலைமீது பாதம் பதித்தபடி முருகப்பெருமான் காட்சி தரும் இந்தத் திருக்கோயிலில், தேனும் நெய்யும் கலந்த தினை மாவு நைவேத்தியம் செய்கிறார்கள். அதுபோன்று, கைக்குத்தல் அரிசி, வெல்லம், பாசிப்பருப்பு கலந்து செய்யப்படும் நைவேத்தியத் தியமும் இங்கு பிரசித்தம்.

வலி தீர்க்கும் மாவிளக்கு!

கை, கால் வலியால் அவதிப் படுவோர், மஞ்சள் பூசப்பட்ட உடல் உறுப்பு காணிக்கை செலுத்தி வேண்டிக்கொள்ள, விரைவில் குணம் பெறுவர். வயிற்றுவலி, நெஞ்சுவலி என வேதனையில் இருப்பவர்கள், இங்கே மாவிளக்கு எடுத்து குணமாகின்றனர். குழந்தை பாக்கியம் இல்லாதவர்கள் 48 நாள் விரதமிருந்து, உடைமரத்து இலையை (கோயிலின் ஸ்தல விருட்சம்) தினமும் சாப்பிட்டு வந்தால், பிள்ளை பாக்கியம் கிடைக்கப் பெறுவர் என்பது நம்பிக்கை.

தொகுப்பு: சு.சூர்யா கோமதி, படங்கள்: உ.பாண்டி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு