Published:Updated:

விழாக்கள் விசேஷங்கள்...

விழாக்கள் விசேஷங்கள்...
பிரீமியம் ஸ்டோரி
விழாக்கள் விசேஷங்கள்...

விழாக்கள் விசேஷங்கள்...

விழாக்கள் விசேஷங்கள்...

விழாக்கள் விசேஷங்கள்...

Published:Updated:
விழாக்கள் விசேஷங்கள்...
பிரீமியம் ஸ்டோரி
விழாக்கள் விசேஷங்கள்...

மஹா சிவராத்திரி விழா!

சிவத்தொண்டும் இறைப்பணியும் நிறைந்த தேசமாகத் திகழ்ந்தது, பண்டைய தொண்டை மண்டலம். இந்தப் பகுதியை அரசாண்ட மன்னர்கள் சிவநேசச் செல்வர்களாகத் திகழ்ந்ததுடன், தங்களின் தேசம் செழிக்கவும் மக்கள் மனதில் தெய்விகம் தழைத்தோங்கவும் 108 சிவாலயங்களை அமைத்ததாகச் சொல்கின்றன புராணங்கள். அவற்றுள் 51-வது சிவத்தலமாக திகழ்கிறது, சென்னை அம்பத்தூர் காமராஜர் பகுதியில் உள்ள அருள்மிகு சிவகாமி அம்மையுடன் கோயில் கொண்டிருக்கும் அம்பலவாணர் திருக்கோயில்.

சர்வரோக பரிகார ஸ்தலமாகத் திகழும் இந்தத் திருக்கோயிலில், வரும் 7.3.16 (மாசி-24) அன்று, மஹா சிவராத்திரி திருவிழா கோலாகலமாகக் கொண்டாடப்படவுள்ளது. சிவனருள் வேண்டும் பக்தர்கள் அனைவரும் இவ்விழாவில் கலந்துகொண்டு இறைவனின் திருவருளைப் பெற்றுச் சிறக்கலாம்.

கல்பூண்டியில் சிவராத்திரி!

கடந்த 500 ஆண்டுகளுக்கு முன்னர் காசிக்கு சென்ற பெரியோர்களால், அங்கிருந்து பெறப்பட்ட அற்புத சிவலிங்கம் திருவண்ணாமலை மாவட்டம், ஆரணி வட்டத்தில் உள்ள கல்பூண்டி கிராமத்தில் பிரதிஷ்டை செய்யப்பட்டு பூஜைகள் செய்யப்பட்டு வருகின்றன.

விழாக்கள் விசேஷங்கள்...

காஞ்சி மஹான் பூஜ்யஸ்ரீ சந்திரசேகரேந்திர சரஸ்வதி பரமாச்சார்ய ஸ்வாமிகளால் பூஜிக்கப்பட்ட இவ்வாலயத்துக்கு, சிவராத்திரி புண்ணிய தினத்தில் சென்று பூஜித்து வழிபட்டால், காசிக்குச் சென்று ஸ்ரீகாசிவிஸ்வநாதரை வழிபட்ட புண்ணிய பலன் கிடைக்கும் என்பது நம்பிக்கை. ஆலய தெய்வ ப்ரச்னத்தில் இவ்வாலயம் சர்வரோக நிவாரண ஸ்தலமாக அறியப்பட்டுள்ளது.  எனவே, இந்த திருத்தலத்துக்குச் சென்று சிவனாரைத் தரிசித்து வழிபட்டு வந்தால், உடல் நோய், மன நோய் முதலான அனைத்து விதமான பிணிகளும் நீங்கும்; பிரச்னைகள் யாவற்றிலும் இருந்து விடுபட்டு வளமான வாழ்வு பெறலாம்.

மஹா கும்பாபிஷேகப் பெருவிழா!

தெய்வீகம் கமழும் தொன்மை சார்ந்த செந்தமிழ் நாட்டின் நீர் வளம், நில வளங்களோடு, காவிரி சூழ்ந்து வளம் கொழிக்கும் கிராமமாகத் திகழ்கிறது தச்சன்வயல். திருவாரூர் மாவட்டம், மன்னார்குடி வட்டத்தில் உள்ள இந்த கிராமத்தில், தம்மை நாடி வரும் பக்தர்களுக்கு எல்லாம் சகலவிதமான வளங்களையும், நலன்களையும் வாரி வழங்கும் தெய்வமாகக் கோயில் கொண்டிருக்கிறார் அருள்மிகு பத்ரகாளியம்மன்.

இந்த அம்பிகைக்கும், ஸ்ரீசக்தி விநாயகர், ஸ்ரீசந்தன மாரியம்மன், ஸ்ரீநவமணியம்மன், ஸ்ரீதுர்கையம்மன், வள்ளி - தெய்வானை சமேத ஸ்ரீசுப்ரமணியர் ஆகிய தெய்வங்களுக்கு, வரும் 6.3.16 (மாசி-23) அன்று, காலை 7.30 மணி முதல் 9.00 மணிக்குள் மஹா கும்பாபிஷேக பெருஞ்சாந்தி பெருவிழா சிறப்பாக நடைபெற உள்ளது. இவ்விழாவில், பக்தர்கள் அனைவரும் கலந்துகொண்டு அம்மனின் திருவருளைப் பெறலாம்.

தொகுப்பு: ரா.வளன்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism