Published:Updated:

சங்கடம் தீர்க்கும் சந்நிதிகள்!

சங்கடம் தீர்க்கும் சந்நிதிகள்!
பிரீமியம் ஸ்டோரி
சங்கடம் தீர்க்கும் சந்நிதிகள்!

தோஷங்கள் போக்கும் ராமேஸ்வரம்!

சங்கடம் தீர்க்கும் சந்நிதிகள்!

தோஷங்கள் போக்கும் ராமேஸ்வரம்!

Published:Updated:
சங்கடம் தீர்க்கும் சந்நிதிகள்!
பிரீமியம் ஸ்டோரி
சங்கடம் தீர்க்கும் சந்நிதிகள்!
சங்கடம் தீர்க்கும் சந்நிதிகள்!

ராவணன் பூஜை செய்ததால் ராவணேஸ்வரம் என்றும், ஸ்வேத மாதவர் பூஜித்ததால் ஸ்வேத மாதவபுரம் என்றும், 12 மாதமும் சூரியர்கள் பூஜித்ததால் பாஸ்கரபுரம் என்றும், ராவணனைக் கொன்றதால் ஏற்பட்ட பிரம்மஹத்தி தோஷம் நீங்க லிங்க பிரதிஷ்டை செய்து ராமனால் வணங்கப்பட்டதால் ராமேஸ்வரம் என்றும் பல பெயர்களில் அழைக்கப்படும் ராமேஸ்வரத்தில் அமைந்திருக்கும் திருக்கோயில், ஸ்ரீராமநாதசுவாமி ஆலயம்.

12-ம் நூற்றாண்டின் துவக்கம் வரை சிறிய கோயிலாக இருந்த இத்திருக்கோயில் இலங்கை மன்னன் நிஸங்கமல்லனால் திருப்பணிகள் செய்யப்பட்டு சீரமைக்கப்பட்டது. பின்னர் பாண்டியர்களுடன் போர் நடத்திய இலங்கை மன்னன் பராக்கிரமபாகு அந்தப் போரில் வெற்றி பெற்றதன் நினைவாகவும், போரின் வெற்றிக்கு ராமநாதசுவாமியின் கருணை காரணம் என நம்பியதாலும் கி.பி.1173-ம் ஆண்டில் கோயிலின் கர்ப்பகிரகத்தை கருங்கல்லினால் எழுப்பினான்.

சங்கடம் தீர்க்கும் சந்நிதிகள்!

ஒட்டுமொத்த விகடனுக்கும் ஒரே ஷார்ட்கட்!

இவர்களைத் தொடர்ந்து 1434-ல் சேது சீமையை ஆண்ட முதல் அரசரான உடையான் சேதுபதி துவங்கி 1770-ல் ஆட்சிக்கு வந்த முத்துராமலிங்க சேதுபதி வரையிலும் இக்கோயிலின் திருப்பணிகளை மேற் கொண்டனர். கோயிலின் கிழக்கு ராஜகோபுரம் மற்றும் மேற்கு கோபுரம் என இரு கோபுரங்கள் மட்டும் இருந்து வந்த நிலையில், வடக்கு மற்றும் தெற்குப் பகுதிகளில் புதிய கோபுரங்கள் கட்டப்பட்டு கடந்த ஜனவரி மாதத்தில் கும்பாபிஷேகம் நடத்தப்பட்டது.

நாடு முழுவதிலும் இருந்து நாள்தோறும் பல்லாயிரக்கணக்கான பக்தர்கள் வந்து செல்லும் ராமேஸ்வரம் கோயிலின் சிறப்புகள் குறித்து விளக்குகிறார், ராமேஸ்வரம் காஞ்சி சங்கரமட மேலாளர் சுந்தரவாத்தியார்.

‘‘தலம், மூர்த்தி, தீர்த்தம் என மூன்று விதமான புண்ணியங்கள் கிடைக்கக் கூடிய ஊர் ராமேஸ்வரம் (தலம் - இடம், மூர்த்தி - ராமநாதசுவாமி, தீர்த்தம் - கோயிலுக்குள் உள்ள 22 கிணறுகள்)  அதுமட்டுமல்லாது, நற்கதி அடையாத முன்னோர்கள் அதனை அடைய பூஜை செய்யும் கர்மபூமி இது. நற்கதி கிடைக்காத நிலையில் வாழ்ந்து மறைந்த முன்னோர்கள் பலர் அதே நிலையிலேயே இருந்து வருவர். இதனால் அவர்களின் வாரிசுகளுக்கு துர்

சங்கடம் தீர்க்கும் சந்நிதிகள்!

நிகழ்வுகள், பாவங்கள், தோஷங்கள், புத்திர பாக்கியம் இல்லாமை போன்றவை ஏற்படும். இவற்றை எல்லாம் ராமேஸ்வரத்தில் செய்யப் படும் பரிகாரங்கள் மூலம் தீர்க்கலாம். அந்த

நம்பிக்கையின் அடிப்படையில் திலஹோமம், திதி என சிறப்பு பூஜைகள் செய்து முன்னோர் களை வழிபடுவது சிறப்பு. அதிலும் அமாவாசை தினங்களில் இவற்றை மேற்கொள்வது இன்னும் கூடுதலான பலனைத் தரும்.

ராவணனைக் கொன்றதால் உருவான பிரம்மஹத்தி தோஷத்தை போக்க ஸ்ரீராமன் ராமேஸ்வரம் மண்ணில் மணல் லிங்கம் செய்து வழிபாடு செய்தார். இதன் மூலம் தோஷம் தீர்ந்தது மட்டுமல்ல, வைணவமும் சைவமும் இணைந்து நின்ற தலமாகவும் இந்த ஆலயம் விளங்குகிறது.

சங்கடம் தீர்க்கும் சந்நிதிகள்!

முன்னோர்களின் கர்ம காரியங்களால் அவர்களின் வாரிசுகள் புத்திர பாக்கியத்தை இழந்து தவிப்பார்கள். அப்படிப்பட்டவர்கள் சேதுபந்தன் என அழைக்கப்படும் தனுஷ்கோடி கடலில் 36 முறை மூழ்கி நீராட வேண்டும். இதன் மூலம் நம் உடலில் உருவாகியுள்ள கர்ப்பத்தை கெடுக்கக்கூடிய கிருமிகளை அழிக்கவல்ல சக்தியைப் பெற முடியும். தொடர்ந்து ராமநாதசுவாமி ஆலயத்தில் உள்ள 22 தீர்த்தங்களில் தீர்த்தமாடிய பின் ஆலயத்தின் 3-ம் பிராகாரத்தில் அமைந்துள்ள நடராஜர் சந்நிதியின் பின்புறம் உள்ள 18 சித்தர்களில் ஒருவரான பதஞ்சலி முனிவரின் சமாதியில் நாகபிரதிஷ்டை செய்ய வேண்டும். அதன் பின் மூலவரான ராமநாதசுவாமியை தரிசிப்பதன் மூலம் புத்திர பாக்கியம் அடைய முடியும். இத்தகைய சக்தியை இந்த ஆலயம் பெற்றிருப்பதால்தான் நாடு முழுவதிலும் உள்ள இந்துக்கள் தங்கள் வாழ்நாள் கடமைகளில் ஒன்றாக ராமேஸ்வரம் யாத்திரையை மேற்கொள்கின்றனர்’’ என்றார் சுந்தரவாத்தியார்.

சங்கடம் தீர்க்கும் சந்நிதிகள்!

ராமநாதபுரம் மாவட்டம் வாலாந்தரவை கிராமத்தைச் சேர்ந்த சேதுராஜன் - அம்பிகா தம்பதிக்கு திருமணம் முடிந்து இரண்டரை வருடங்களாக குழந்தை பாக்கியம் இல்லை. பின் இத்தலம் வந்து வேண்டி, கோயிலில் நாகபிரதிஷ்டை செய்து பிள்ளைப்பேறு பெற்றதைச் சொன்னபோது, அவர்கள் குரலில் பக்தியும் நன்றியும். ‘‘நாங்க போகாத கோயில் இல்லை, வேண்டாத தெய்வம் இல்லை. அப்போதான் ராமேஸ்வரத்தில் உள்ள புரோகிதர் ஒருவரைப் பார்த்தப்போ, ராமநாதசுவாமியை வேண்டி புருஷசுத்த ஜபம் நடத்தினா குழந்தைப் பேறு கிடைக்கும்னு நம்பிக்கை கொடுத்தார். அதன்படி வெள்ளியில் நாகம் செய்து, அந்த நாகத்துக்கு பால் அபிஷேகம் செய்து நாக பிரதிஷ்டை செஞ்சோம். அப்படியே கர்ப்ப காயத்திரி மந்திரம் சொல்லி, அருள்மிகு ராமநாதசுவாமிக்கு பால் அபிஷேகம் நடத்தி வழிபாடு செஞ்சோம். எங்க வேண்டுதல் சீக்கிரமே பலிச்சிடுச்சு. விஷாக நட்சத்திரத்துல அழகான ஆண் குழந்தை பிறந்தது. ‘விஷாக்’னு அந்த நட்சத்திரப் பெயரையே அவனுக்கு வெச்சு ஆசையா கொஞ்சுறோம். எல்லாம் ஆண்டவனோட அருள்’’ என்றார் சேதுராஜன் மெய்சிலிர்த்து.

இரா.மோகன், படங்கள்:உ.பாண்டி

எப்படிச் செல்வது?

சங்கடம் தீர்க்கும் சந்நிதிகள்!

ராமேஸ்வரம் செல்ல சென்னை, மதுரை, திருச்சி, கோவை, கன்னியாகுமரி திருப்பதி மட்டுமல்லாது வட மாநிலங்களில் உள்ள புவனேஸ்வர், வாரணாசி போன்ற இடங்களில் இருந்து ரயில் போக்குவரத்து வசதியும், மாநிலத்தின் பல்வேறு பகுதிகளில் இருந்து பேருந்து வசதியும் உள்ளது. அருகில் உள்ள விமான நிலையம்... மதுரை.

கோயில் நடை திறக்கும் நேரம்: காலை 4 மணி முதல் பகல் 12.30, மாலை 4 மணி முதல் இரவு 8.30 வரை.

திருக்கோயில் அலுவலக தொடர்பு எண்: 04573 - 221223

திருக்கோயில் தங்கும் விடுதி தொடர்பு எண்: 04573 - 221292

சுற்றுலா அலுவலக தொடர்பு எண்: 04573 - 221371

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism