Published:Updated:

ஆரோக்கியம் அருளும் ஆலய விருட்சங்கள்!

ஆரோக்கியம் அருளும் ஆலய விருட்சங்கள்!

ஆரோக்கியம் அருளும் ஆலய விருட்சங்கள்!

ஆரோக்கியம் அருளும் ஆலய விருட்சங்கள்!

Published:Updated:
ஆரோக்கியம் அருளும் ஆலய விருட்சங்கள்!
ஆரோக்கியம் அருளும் ஆலய விருட்சங்கள்!
##~##

ஒட்டுமொத்த விகடனுக்கும் ஒரே ஷார்ட்கட்!

பொ
றாமை, குறை கூறினால் பொறுக்காத தன்மை ஆகியவை பூரட்டாதி நட்சத்திரத்தில் பிறந்தவர்களின் பெரும்பான்மையான குணங்கள். பூரட்டாதி நட்சத்திரம், கும்ப ராசி மற்றும் சனி கிரகத்துடன் தொடர்பு கொண்டது. சனி, வியாழக்கிழமைகளில் மற்றும் ஜனவரி 20-ம் தேதி முதல் மார்ச் 20-ம் தேதி வரை பிறந்தவர்களை பூரட்டாதி நட்சத்திரம் ஆட்சி செய்கிறது.

இந்தக் காலங்களில், பூரட்டாதி நட்சத்திரத்தின் கதிர்வீச்சுகள், அதிக அளவில் பூமியில் விழும். அதன் நல்ல கதிர்வீச்சுகள், நன்மைகளையும்- கெட்ட கதிர்வீச்சு கள், நோய்களையும் தோஷங்களையும் தரவல்லன. ஆகவே, பூரட்டாதி நட்சத்திரக் காரர்கள், தினமும் ஈச்சை மர நிழலில் அரை மணி நேரம் இளைப்பாறினால், இவற்றில் இருந்து விடுபடலாம்.

ஈச்சங்குடி ஸ்ரீகாருண்யவல்லி அம்பிகை சமேத ஸ்ரீகர்ஜபுரீஸ்வரர் கோயிலின் ஸ்தல விருட்சம்- ஈச்சை மரம். தஞ்சை மாவட்டம் பாபநாசம் வட்டத்தில் அமைந் துள்ளது ஈச்சங்குடி. 'கர்ஜுரம்’ என்றால் ஈச்சை என்று அர்த்தம். காவிரியின் வடகரையில் உள்ளது இந்தத் தலம்.

ஆரோக்கியம் அருளும் ஆலய விருட்சங்கள்!

இந்தத் தலத்து இறைவன், அர்ஜுனனுக்கு திருக்கயிலாயக் காட்சியைக் காட்டி அருளியதாக, பாடல் ஒன்று உண்டு. தேவர்கள் பாற்கடலைக் கடையும் தருணத்தில், ஸ்ரீகர்ஜபுரீஸ்வரரை வணங்கி வழிபட்டதாகச் சொல்கிறது ஸ்தல புராணம். இங்கேயுள்ள சிவனாரை, கூர்மாவதாரத்தின்போது மகாவிஷ்ணு வழிபட்டார். எனவே, இங்கு வந்து வணங்கினால், வாஸ்து தோஷம் நீங்கும் என்பது ஐதீகம்! ஸ்ரீவிநாயகர், ஸ்ரீமுருகன் மற்றும் நவக்கிரகங்களுக்கும் சந்நிதிகள் உள்ளன. அம்பிகை ஸ்ரீகாருண்யவல்லியின் இடுப்பில், சிம்ம உருவம் தாங்கிய ஒட்டியாணம் உள்ளது சிறப்பு என்பர்.

ஈச்சங்குடியில், கோயில் இருக்கிற தெருவில் வசித்து வந்த மகாலட்சுமி அம்மாள் என்பவர், ஞானம் நிறைந்த குழந்தையை வரமாகக் கேட்டு, தினமும் கோயிலுக்கு வந்து மனமுருகிப் பிரார்த்தனை செய்து வந்தாராம். அதன்படியே, அவருக்கு அழகும் ஞானமும் கொண்ட குழந்தை பிறந்தது. அந்தக் குழந்தை, காஞ்சி மகா பெரியவா என்று அழைக்கப்படும் ஸ்ரீசந்திரசேகரேந்திர சரஸ்வதி சுவாமிகள். அவர் பிறந்த இல்லம், தற்போது வேத பாடசாலையாக இயங்கிக் கொண்டிருக்கிறது.

ஆரோக்கியம் அருளும் ஆலய விருட்சங்கள்!

ஈச்சை மரத்தில் சிற்றீச்சை, பேரீச்சை என இரண்டு வகை உண்டு. சிற்றீச்சை மரத்தின் பிசினை, நீரில் கலந்து சிறிதளவு சாப்பிட்டால், அஜீரணம், பேதி மற்றும் சிறுநீரகம் சம்பந்தமான நோய்கள் நீங்கும். ஈச்சங்

கொட்டையைப் பால் அல்லது தண்ணீரில் தேய்த்து, சிறிது கண்ணில் தீற்றினால், கண்ணில் விழும் பூ குணமாகும். ஈச்சங் குருத்தைத் தின்பதால், பெண்கள் மாதவிலக்குப் பிரச்னைகளில் இருந்து விடுபடுவார்கள். ஈச்சம் பாயில் உறங்கினால் உஷ்ணம் உண்டாகும்; பித்தம் நீங்கும்; கபம் அகலும் என்பர்.

பேரீச்சம்பழச் சதையில் இரும்புச் சத்து நிறையவே உள்ளது. இதைச் சாப்பிட, ஆண்மைக் குறைபாடும், நரம்புத் தளர்ச்சியும் நீங்கும். பேரீச்சம் பழத்தில் சர்க்கரைச் சத்து அதிகம் உண்டு; எனினும், சர்க்கரை வியாதி உள்ளவர்கள் இதைப் பயன்படுத்தினால், ரத்தத்தில் சர்க்கரையின் அளவு அதிகரிப்பதில்லை! காய்ச்சல், அம்மை நோயால் பாதிக்கப்பட்டவர்களுக்குப் பாலுடன் பேரீச்சம்பழத்தையும் சேர்த்துக் கொடுப்பது ஆரோக்கியத்தைத் தரும்.

ஆரோக்கியம் அருளும் ஆலய விருட்சங்கள்!

டுத்தவரைப் புண்படுத்தாதவர்கள், தானும் மகிழ்ச்சியாக இருந்து, அடுத்தவரையும் மகிழ்ச்சியடையச் செய்பவர்கள், பெற்றோருக்கும் பெரியோருக்கும் மரியாதை தருபவர்கள், அறிவுக் கூர்மையுடன் செயல்படுபவர்கள்... உத்திரட்டாதி நட்சத்திரக்காரர்கள். வியாழக் கிரகம் மற்றும் மீன ராசியுடன் தொடர்பு கொண்டது உத்திரட்டாதி. வியாழக்கிழமை மற்றும் பிப்ரவரி 19-ஆம் தேதி முதல் மார்ச் 20-ஆம் தேதி வரை பிறந்தவர்களை உத்திரட்டாதி நட்சத்திரம் ஆட்சி செய்கிறது.

இந்த நட்சத்திரத்தின் நல்ல கதிர்வீச்சுகளை உள் வாங்கி, நன்மை தரும் வேலையைச் செய்கிறது முல்லை (மல்லிகை மற்றும் வேம்புகூட இதே பலன்களைத் தருபவை!). நாகை மாவட்டம் சீர்காழி- பூம்புகாருக்கு அருகில் உள்ள திருப் பல்லவனேஸ்வரம் கோயிலின் ஸ்தல விருட்சம்- முல்லை. இறைவன்- ஸ்ரீபல்லவனேஸ்வர ஸ்வாமி; அம்பாள்- ஸ்ரீசௌந்தரநாயகி.

ஆரோக்கியம் அருளும் ஆலய விருட்சங்கள்!
ஆரோக்கியம் அருளும் ஆலய விருட்சங்கள்!

'காதற்ற ஊசியும் வாராது காண் கடை வழிக்கே...’ என்று பட்டினத்தாருக்கு சிவபெருமான் அருளிய தலம் இது! இங்கு இவருக்குத் தனிச் சந்நிதி உள்ளது. காலவ மகரிஷியும் காசிப முனிவரும் பூஜித்துப் பேறுபெற்ற தலம் என்கிறது ஸ்தல புராணம். கோயிலுக்கு எதிரில் ஜானவி தீர்த்தம்; உள்ளே சூரியன், பட்டினத்தார், தல விநாயகர், ஸ்ரீசுப்ரமணியர், அகத்தியர், சம்பந்தர், பைரவர் ஆகியோருக்குச் சந்நிதிகள் என அழகுறத் திகழ்கிறது ஆலயம். ஞானசம்பந்தர் பாடிப் பரவிய தலம் என்கிற பெருமையும் உண்டு, இந்தக் கோயிலுக்கு.  

இங்கு, ஸ்ரீபாலமுருகன் அருகில் அமர்ந் திருக்க, குகாம்பிகையாக உமையவள் காட்சி தரும் விக்கிரகத் திருமேனி அற்புதம். இந்தத் தலத்தின் விருட்சமான முல்லை, வாயுத் தொல்லை, சளியை அகற்றும்; சிறந்த வலி நிவாரணியும்கூட! இந்தப் பூக்களை முகர்ந்தால், மூளை சுறுசுறுப்பாகும். முல்லை இலைக் கஷாயத்தில் வாய் கொப்புளித்தால், பல் வலி தீரும்; வாய் துர்நாற்றம் நீங்கும். முல்லை வேரினை நீரில் வேகவைத்துக் குடித்தால், தடைப்பட்ட மாதவிலக்கு சீராகும். பூக்களுடன் எள் கலந்து எடுத்த எண்ணெயைக் கொண்டு, உடலில் மசாஜ் போல் தடவிக் கொண்டால், நரம்புத் தளர்ச்சி பிரச்னை நீங்கும்.

திருக்கருகாவூர், திருக்கருப்பறியலூர், வடதிருமுல்லைவாயில் ஆகிய ஊர்களின் ஆலயத்தில் முல்லைக் கொடியும், திருவுசாத்தா னம், திருஇலம்பையங்கோட்டூர் ஆகிய ஆலயங் களில்  மல்லிகையும், திருக்கடவூரில் பிஞ்சிலம் எனும் பெருமல்லிகையும் தல விருட்சங்கள்!

ஆரோக்கியம் அருளும் ஆலய விருட்சங்கள்!

திறமை, வீரம் மற்றும் அன்பு உள்ளம் கொண்டவர்கள், புகழ் மற்றும் செல்வத்துடன் வாழ்பவர்கள், ரேவதி நட்சத்திரத்தில் பிறந்தவர்களாக இருப்பார்கள். இந்த நட்சத்திரம், வியாழக் கிரகத் துடனும், மீன ராசியுடனும் தொடர்பு கொண்டது. வியாழக்கிழமை மற்றும் பிப்ரவரி 19-ஆம் தேதி முதல் மார்ச் 20-ஆம் தேதி வரை பிறந்தவர்களை ஆட்சி செய்கிறது ரேவதி நட்சத்திரம். இந்தக் காலங்களில், ரேவதி நட்சத்திரத்தின் நல்ல கதிர்வீச்சுகள் பூமியில் அதிக அளவில் படும். இவற்றை, இலுப்பை மரம் தன் உடலுக்குள் சேமித்து வைத்து, உதவுகிறது.

ரேவதி நட்சத்திரத்துக் கெட்ட கதிர்வீச்சுகளால் உண்டாகும் தோஷமும் நோய்களும் நீங்க, இலுப்பை மர நிழலில் தினமும் அரை மணி நேரம் அமர்ந்திருப்பது நன்மை தரும். மண்ணிப்படிக்கரை என்கிற இலுப்பைப்பட்டில் உள்ள கோயிலின் தல விருட்சம், இலுப்பை மரம். வைத்தீஸ்வரன்கோவிலில் இருந்து சுமார் 13 கி.மீ. தொலைவில் உள்ளது இந்தத் தலம்.

ஆரோக்கியம் அருளும் ஆலய விருட்சங்கள்!

''மதுகாவனம் (இலுப்பை வனம்) சென்று, அங்கேயுள்ள சிவலிங்க மூர்த்தங்களை வழிபட்டால், விரைவில் வெற்றி கிடைக்கும்'' என்று உரோமச முனிவர் அருள... பஞ்சபாண்டவர் கள் அப்படியே வழிபட்டு, வரம் பெற்றனர். அந்தத் திருத்தலம், இதுவே! இந்தத் தலத்து நாயகன்- ஸ்ரீநீலகண்டேஸ்வரரை தருமர் வழிபட்டார்; அம்பாள்- ஸ்ரீஅமிர்தகரவல்லி. திருக்கரத்தில் அமிர்த கலசத்துடன் காட்சி தரும் அழகே அழகு!

ஸ்ரீமங்களநாயகி சமேத ஸ்ரீபடிக்கரைநாதரை அர்ஜுனன் வழிபட்டான். ஷோடஸ லிங்கமான ஸ்ரீமகதீஸ்வரரை பீமன் வழிபட்டான். இந்த சிவலிங்கத்தை வணங்கினால், அமாவாசை, பௌர்ணமி முதலான 16 திதிகள் கொடுத்த புண்ணியம் கிடைப் பதுடன், தோஷங்களும் விலகும்; 16 செல்வங்களும் வந்துசேரும். நகுலன் வழிபட்ட ஸ்ரீபரமேஸ்வர லிங்கத்தை வழிபட்டால், வாகன யோகம் கிட்டும்; சகாதேவன் வழிபட்ட ஸ்ரீமுக்தீஸ்வரரை வணங்கினால், கல்வி, திருமணம், குழந்தை பாக்கியம் ஆகியன கிடைக்கும்; திரௌபதி வழி பட்ட ஸ்ரீவலம்புரி விநாயகருக் கும் இங்கு சந்நிதி உண்டு.  

ஆரோக்கியம் அருளும் ஆலய விருட்சங்கள்!
ஆரோக்கியம் அருளும் ஆலய விருட்சங்கள்!

இங்கு பஞ்சபாண்டவர்கள் பூஜை கள் செய்துவிட்டு, போருக்குச் சென்று வென்றதாகச் சொல்கிறது ஸ்தல புராணம். இந்தக் கோயிலின் விருட்சம் இலுப்பை மரம். இதன் எண்ணெய் மற்றும் நெய்யில் விளக்கேற்றி வழிபடுவது சிறப்பு. இலுப்பை பூவைச் சாப்பிடவும் செய்வார்கள். சொறி, சிரங்கு, புண்கள், காக்கைவலிப்பு, சொட்டுச் சொட்டாக சிறுநீர் பிரிதல், வயிற்றில் வளரும் நாக்குப் பூச்சி, கல்லீரல் மற்றும் நுரையீரல் நோய்கள் ஆகியவற்றுக்கு இலுப்பை மரத்தண்டு, பூக்கள், விதைகள் ஆகியவற்றைப் பயன்படுத்துவதாகத் தெரிவிக்கின்றன, ஆங்கில மருத்துவ நூல்கள். இலுப்பைப் பழம் வயிற்றைச் சுத்தம் செய்கிறது; மலச்சிக்கலைப் போக்குகிறது. மூட்டு வலி, இடுப்பு வலி, வாயுத் தொல்லை ஆகியவற்றைப் போக்குகிறது. பூக்களைப் பால் விட்டு அரைத்துக் கொடுத்தால், உடல் இளைப்பு போகும். சர்க்கரை நோய்க்கு மருந்தாகவும் பயன்படுத்தலாம்.

ஈரோட்டிலிருந்து 18 கி.மீ. தொலைவில் உள்ள திருக்கொடி மாடச் செங்குன்றூர், ராமநாதபுரம்- இலுப்பைக்குடி ஆகிய ஊர்களின் கோயில்களிலும், இலுப்பையே தலவிருட்சம்!

(நிறைவுற்றது)
படங்கள்: கே.குணசீலன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism