Published:Updated:

‘நல்லதே நடக்கும்!’

‘நல்லதே நடக்கும்!’
பிரீமியம் ஸ்டோரி
‘நல்லதே நடக்கும்!’

‘நல்லதே நடக்கும்!’

‘நல்லதே நடக்கும்!’

‘நல்லதே நடக்கும்!’

Published:Updated:
‘நல்லதே நடக்கும்!’
பிரீமியம் ஸ்டோரி
‘நல்லதே நடக்கும்!’
‘நல்லதே நடக்கும்!’

க்தி விகடன் - தீபம் விளக்கேற்றும் எண்ணெய் நிறுவனம் மற்றும் ஜி.ஆர்.டி  ஜுவல்லர்ஸ் இணைந்து நடத்திய திருவிளக்கு பூஜை, திருச்சி உறையூர் ஸ்ரீகமலவல்லி நாச்சியார் சந்நிதியில், கடந்த டிசம்பர் 18-ம் தேதி மாலை, சிறப்பாக நடைபெற்றது.

“பெரும்புண்ணியம் தரும் ஸ்ரீரங்கம் ரங்கநாதர் கோயிலின் உபகோயிலாக விளங்கும் இத்தலத்தில், சக்திவிகடன் சார்பில் திருவிளக்கு பூஜை நடத்து வது, அதுவும் தாயாரின் ஆயில்ய நட்சத்திரம் அமைந்த நன்னாளில் திருவிளக்கு பூஜையை மேற்கொள்வது ரொம்ப சிரேஷ்டமான விஷயம்.

கல்யாணத் தடையால் வருந்துவோர் இங்கு வந்து தாயாரை தரிசனம் செய்துவிட்டுப் போனால் தடைகள் நீங்கி, விரைவில் திருமணம் கூடிவரும். அற்புதமான இந்த தலத்தில், இப்படியொரு நன்னாளில்  இங்கே தாயாரின் அம்சமாக பெண்கள் எல்லோரும் சேர்ந்து கூட்டுப்பிரார்த் தனையுடன் திருவிளக்கு பூஜைசெய்வதால், சகல நன்மைகளும் ஏற்படும்’’ என்று திருவிளக்கு பூஜையின் மகிமைகள் பற்றி விளக்கிய அர்ச்சகர்கள் பத்ரி மற்றும் சுதர்சன் ஆகியோர் தொடர்ந்து விளக்குபூஜையை நடத்திவைத்தார்கள்.

“எல்லோருக்கும் நிறைய பிரச்னைகள் இருக்கும்.  ஆனால், அந்தக் கஷ்டங்களை எல்லாம் மறக்க வைத்து, ஒன்றாக பிரார்த்திக்க வைக்கும் பெரிய காரியத்தை செய்துவரும் சக்திவிகடனுக்கு நன்றி. ‘எல்லாரும் நல்லா இருக்கணும்’ என நானும் வேண்டிக்கொள்ள திருவிளக்குப் பூஜையில் வாய்ப்பு கிடைத்தது எனது பாக்கியம்” என நெகிழ்ந்தார் மயிலாடுதுறை வாசகி கீர்த்தி.

‘‘சக்திவிகடன் விளக்குபூஜை நடத்தத் துவங்கிய நாளில் இருந்தே, அதில் கலந்துகொள்வதில் அதீத ஆர்வத்துடன் இருப்பேன். இன்று என்னைப் போல 300-க்கும் மேற்பட்ட பெண்கள் பக்தியோடு இந்தப் பூஜையில் கலந்துகொண்டு கூட்டுப் பிரார்த்தனை செய்வது சிலிர்ப்பூட்டுவதாக இருக்கிறது. இனிமேல் எல்லோர் வாழ்க்கையிலும் நல்லது நடக்கும் என்ற நம்பிக்கை எனக்கு ஏற்பட்டுள்ளது’’ என்று நெகிழ்ச்சியுடன் கூறினார் திருச்சி புத்தூரைச் சேர்ந்த வாசகி சித்ரா.அவரைப்போன்றே, விளக்குப் பூஜையில் கலந்துகொண்ட வாசகியர் அனைவரது முகங்களிலும் ‘கமலவல்லி நாச்சியார் திருவருளால் வேண்டியது யாவும் நிறைவேறும்’ என்கிற நம்பிக்கையும் மனமகிழ்ச்சியும் பளிச்சிட்டன. அவர்களின் நம்பிக்கை பலிக்கும்; வேண்டுதல்கள் யாவும் விரைவில் நிறைவேறும்.

- சி.ய.ஆனந்தகுமார்

 படங்கள்: என்.ஜி.மணிகண்டன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism