Published:Updated:

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?
பிரீமியம் ஸ்டோரி
News
கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

சேஷாத்ரிநாத சாஸ்திரிகள்

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

? ஒரு வருடத்தில் மொத்தம் எத்தனை தர்ப்பணாதிகள் உண்டு?

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz


- க.செந்தில், கரூர்

! ஒரு வருடத்தில் 96 தர்ப்பணாதிகள் உண்டு என்கிறது தர்மசாஸ்திரம்

அமாவாசை - 12

யுகாதி - 4 : மாக கிருஷ்ண அமாவாசை, பாத்ர கிருஷ்ண திரயோதசி, வைசாக சுக்ல திரிதியை, கார்த்திக சுக்ல நவமி.

மன்வாதி - 14: சைத்ர சுக்ல திரிதியை,

சைத்ர பூர்ணிமா, ஜ்யேஷ்ட பூர்ணிமா, ஆஷாட சுக்ல தசமி, ஆஷாட பூர்ணிமா, சிராவண கிருஷ்ண அஷ்டமி, பாத்ர சுக்ல திரிதியை, ஆச்வின சுக்ல நவமி, கார்த்திக சுக்ல துவாதசி, கார்த்திக பூர்ணிமா, பௌஷ சுக்ல ஏகாதசி, மாக சுக்ல ஸப்தமி, பால்குன பூர்ணிமா, பால்குன அமாவாசை.

சங்கராந்தி - 12,
வைத்ருதி - 13
வ்யதீபாதம் - 13
மஹாளயம் - 16

அஷ்டகா (அஷ்டமி) - 4: மார்க்க கிருஷ்ண அஷ்டமி, பௌஷ கிருஷ்ண அஷ்டமி, மாக கிருஷ்ண அஷ்டமி ,  பாத்ர கிருஷ்ண அஷ்டமி.

அன்வஷ்டகா (அஷ்ட்டம் யந்தர நவமி) - 4: மார்க்க கிருஷ்ண நவமி, பௌஷ கிருஷ்ண நவமி, மாக கிருஷ்ண நவமி, பாத்ர கிருஷ்ண நவமி.

பூர்வேத்யு சிராத்தம் - 4: மாக கிருஷ்ண ஸப்தமி, பௌஷ கிருஷ்ண ஸப்தமி, மார்க்க கிருஷ்ண ஸப்தமி, பாத்ர கிருஷ்ண ஸப்தமி.

ஆக, 12 4 14 12 13 13 16 4 4 4 = 96 (அமா- யுக- மனு-க்ராந்தி -த்ருதி-பாத-மஹாளய -அஷ்டகா- அன்வஷ்டகா- பூர்வேத்யு சிராத்தை: நவதி சஷட்) இப்படி, ஒரு வருடத்தில் 96 தர்ப்பணாதிகள் உண்டு என்கிறது தர்மசாஸ்திரம்.

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

? `தேநீர்-காபி போன்ற பானங்களை அடிக்கடி அருந்துவது தவறு' என்று நண்பனுக்கு அறிவுரை சொன்னேன். ஆனால், அவனோ, `தேவர்களே சோமபானம் அருந்தியதாகப் புராணங் கள் சொல்கின்றன தெரியுமா' என்கிறான் ஏளனத் துடன்! அதென்ன சோம பானம்?

- வே.செல்லையா, இட்டமொழி

! தேவர்களை மகிழ்விப்பதற்காக வேள்வியில், சோமபானம் சமர்ப்பிப்பது உண்டு. சோமபானம் தயாரிப்பதற்கான ‘சோமலதை’, விண்ணுலகில் கிடையாது. மருத்துவ குணம் நிறைந்த - கொடி வகையைச் சார்ந்த சோமலதை, இமயமலைச் சாரலில் கிடைக்கும். மண்ணுலகை வாழவைக்கும் நோக்கத்துடன் தேவர்களுக்கு, வேள்வியின் மூலம் சோமபானத்தை அளித்தனர், வேதம் ஓதும் நம் முன்னோர்கள்.

சோமபானம் என்பது, கள் மற்றும் சாராயம் போன்ற போதைப் பொருளல்ல; திரும்பத் திரும்ப பருகத் தூண்டுவதும் இல்லை. மனதுக்கு மகிழ்ச்சி தரும் இந்த பானம், உடலுக்கும் உள்ளத்துக்கும் எந்தவித பாதிப்பையும் விளைவிக்காது. காபி- டீ போன்ற பானங்கள் உடம்புக்கு நல்லதல்ல. பருகும்போது மகிழ்ச்சியை- உற்சாகத்தைத் தருவது போல் தோன்றினாலும் காலப் போக்கில் இந்த பானங்கள், தீராத வியாதிகளைத் தோற்றுவிக்கும்.

உண்ட உணவு நன்றாக ஜீரணமாக உதவுவது பித்த நீர். ஆயுர்வேதத்தில் இதற்கு, ‘ஜாடராக்னி’ என்ற பெயரும் உண்டு. இதன் செயல்பாட்டுக்கு, காபி-டீ போன்ற பானங்கள் முட்டுக்கட்டை போடும். சாப்பாட்டுக்கு சற்று நேரம் ஆகும் என்று தெரிந்தால், அருந்துவதற்கு காபி தருவர். காபி அருந்தியவரும் பசி சற்று தணிந்ததாக உணர்வர். இதுபோன்ற காரணங்களால் அடிக்கடி காபி அருந்த நேரும்போது, பித்தநீரின் செயல்பாடுகள் தடுக்கப்பட்டு ஒருகட்டத்தில் அது, தனது தகுதியை இழந்து பயனற்றுப் போகும். காபியைப் போன்றே டீயும் பின்விளைவுகளை ஏற்படுத்தும். ஆதலால் அதையும் தவிர்க்க வேண்டும்.

? சொந்த ஊரைவிட்டு வெளியூரில் குடியேறிவிட்ட நிலையில், குலதெய்வக் கோயிலில் இருந்து `பிடி மண்' எடுத்துவந்து  கோயில் அமைத்துள்ளோம். இது சரியா?

- வ.பெரியசாமி, தேனி

! கோயில் சொத்தை தனதாக்கிக் கொள்ள எவருக்கும் உரிமை இல்லை. திருக்கோயிலை நிர்மாணித்து ஆண்டவனுக்கு உரிமையாக்கிய பிறகு, கோயிலில் உள்ள எதையும் நாம் சொந்தம் கொண்டாடக் கூடாது. அடுத்தவர் வீட்டு வளாகத் தில் இருக்கும் மண்ணை, அவரது அனுமதி இல்லாமல் எடுத்து வருவோமா? இல்லையே! ஆகவே நீங்கள், நீர்நிலைகளின் கரையில் இருந்து மண் எடுத்து வந்து வழிபடுங்கள்; நன்மை உண்டு!

கேள்வி - பதில்: மறுஜன்மம் உண்டு எனில், முன்னோர் ஆராதனை அவசியமா?

? மறுஜன்மம் உண்டு என்பது உண்மையெனில், தை அமாவாசை முதலான நாட்களில் முன்னோர் ஆராதனை அவசியமா?

- மு.கோவிந்தசாமி, திருச்சி-2

! இறந்துபோன பெற்றோரது படத்துக்கு பொட்டு வைத்து, மாலை அணிவித்து தினமும் வணங்குகிறோம். அவர்களது நினைவு நாளில் சிறப்பாக வழிபடுகிறோம்.

திருமணச் சடங்கில்... மூன்று தலை முறைகளைச் சொல்லி மணமகளை, மணமகனிடம் ஒப்படைப்பர். சிலர், மணமேடையில் முன்னோர்களது படத்தை அலங்கரித்து வைத்திருப்பர். இதுபோன்ற தருணங்களில் ‘இறந்தவர்கள் வருவார்களா? ஆசீர்வதிப்பார்களா?’ என்று சிந்திப்பது இல்லை. ஆனால் திதி- தர்ப்பண விஷயங்களில் சந்தேகம் தலைதூக்குகிறது! இப்படி, நமது சிந்தனைக்கு ஏற்புடையதை மட்டும் அப்படியே கடைப் பிடிப்பதும் மற்றவற்றைத் தவிர்ப்பதும் தவறு.

‘கர்மம் முற்றிலும் தொலைந்து, பரம்பொருளில் ஒன்றியவர்களைத் தவிர, ஏனைய ஆத்மாக்கள்... மீதமுள்ள கர்மத்தை அனுபவிக்க மறு உடலைத் தேடுவர்’ என்கிறது தர்ம சாஸ்திரம். மறுபிறவி இல்லாதவரோ, மறுபிறவியை ஏற்பவரோ... நம்மைப் பொறுத்தவரை, அவர்கள் நமக்கு பித்ருக்கள்தானே?!

மறுபிறவி இல்லாதவருக்கும் ஆராதனை உண்டு. இறந்த போனவர்(முன்னோர்)களது தொடர்பு நம்மிலும் ஒட்டிக்கொண்டிருக்கும்; நாம் மறையும்போது அந்த தொடர்பு அற்றுப் போகும் என்கிறது வேதம் (ஏதாவத்வை புருஷ ஸ்ய ஸ்வம் யாவத்ப்ராணா).

ஆண்- பெண் என்ற பாகுபாடுகள், உடலோடு உயிருக்குத் தொடர்பு இருக்கும் வரை மட்டுமே. உடல் அழிந்ததும், பாகுபாடுகள் தானாகவே கழன்றுவிடும். எனவேதான் முன்னோர் ஆராதனையில், இறந்தவரின் பெயரைச் சொல்லி அக்னியில் உணவை சேர்க்கிறோம். பொருந்தாத ஒன்றை நம் முன்னோர்கள் பரிந்துரைக்க மாட்டார்கள்!

தேவர்கள், அசுரர்கள், மனிதர்கள் - அனைவருக் கும் பொதுவான பித்ருக்களை, ‘திவ்ய பித்ருக்கள்’ என்பர். இவர்களை, தன் மனதால் படைத்தார் பிரம்மன் (இதில் மரீச்யாதி பித்ருக்களும் உண்டு). எல்லோருக்கும் முன்னதாகத் தோன்றியதால் ரிஷிகள், தேவர்கள், மனிதர்கள் உட்பட அனைவருக்கும் மூதாதையர்கள் இந்த திவ்ய பித்ருக்கள். இவர்களுக்குப் பிறகே ரிஷிகள், தேவர் கள், மனிதர்கள்... என்ற வரிசையில் படைப்பு நிகழ்ந்தது. திவ்ய பித்ருக்களை நாமும் ஆராதனை செய்வதுண்டு (ஸோம பித்ருமான் யமோ...)

வசு, ருத்திரன் மற்றும் ஆதித்யன் ஆகியோர் பித்ருக்களின் அதிஷ்டானமாக விளங்குபவர்கள். இவர்களுள் ஐக்கியமாகி... இறந்துபோன நம் முன்னோர்களும் வழிபாட்டுக்கு உரிய பித்ருக் களாக உயர்வார்கள். இப்படி, ஏற்கெனவே வசுக்களுடன் இணைந்துவிட்ட மூதாதையருடன், புதிதாக இறந்தவரையும் சேர்க்கும் நிகழ்வே, சபிண்டீகரணம். வசு, ருத்ரன், ஆதித்யன் ஆகியோரைத் திருப்திபடுத்தும்போது, நம் பித்ருக்களும் மகிழ்வர்.

மனிதனும் தெய்வமாகலாம் இல்லையா! இறந்தவரின் பூத உடல் மறைந்தாலும், நம் நினைவைவிட்டு அவர் அகல மாட்டார். அடுப்பில் எரியும் நெருப்பின் வெம்மை, வெண்கலப் பானையை ஊடுருவி, அதனுள் இருக்கும் நீரிலும் கலந்து கொதிக்கவைத்து அரிசியை வேகச் செய்யும். அடுப்பின் நெருப்பை அணைத்தாலும் அதன் வெப்பம்... பானை, நீர், மற்றும் சாதம் ஆகியவற்றில் உறைந்திருக்கும். அதுபோல், ஒருவர் இறந்து போனாலும் நம்மில் அவருக்கு உண்டான பந்தம், தொடர்பு முற்றிலுமாக அறுந்துவிடாது. ‘இறந்தவர்- ‘பித்ருத்வம்’ அடைய வேண்டும்’ என்பதற்காக நடத்தப்படும் சடங்கில், அவரின் சூட்சும உருவம் தங்குவதற்கு வாய்ப்பு உண்டு. ‘நான் உடலெடுக்க எந்த பிந்து காரணமானதோ, அந்த பிந்துவின் உரிமையாளனுக்கு (தகப்பனுக்கு), இந்த உணவு சேரட்டும்!’ என்ற (வேதத்தின்) வாசகம், இறந்து போன தகப்பனாரைக் குறிப்பதைக் கவனிக்க வேண்டும்.

பித்ருக்கள், உடலும் உறுப்புகளும் இல்லாதவர் கள். எனவே அவர்கள், உணவை உண்ணுவதில்லை; பார்த்து திருப்திப்படுகிறவர்கள் (த்ருஷ்ட்வா த்ரு ப்யந்தி). எனவே... பித்ருக்களுக்கு உணவு தேவை இல்லை என்றாலும் முன்னோர் ஆராதனையில், பல வகை உணவுகளை நிரம்ப அளிக்கிறோம்.

‘தேவர்கள், பித்ருக்கள், வேதம் ஓதுபவர்கள், அக்னி பகவான் ஆகியோரை ஆராதிப்பவன், பரம் பொருளையே ஆராதித்த பலனை அடைகிறான்’ என்பது தர்ம சாஸ்திரத்தின் அறிவுரை (தேவான் பித்ருன்... விஷ்ணுமே வயஜந்திதே). இதற்கேற்ப, முன்னோர் ஆராதனையில் - முன்னோர் வடிவில் பரம்பொருளையே அழைத்து உணவளிப்பதாகக் கருதி செயல்படுகிறோம் (பித்ரு பிதாமஹ ப்ரபிதாமஹ ஸ்வரூபி...).

வசுக்களுடன் ஐக்கியமான நம் முன்னோர் திதி - தர்ப்பணத்தில் மட்டுமல்ல, நாம் நினைக்கும் போதெல்லாம் நமக்குப் பரிச்சயமான உருவில் நம் மனதில் தோன்றுவர். ஆகவே, அவர்களை அழைக்க வேண்டியதில்லை; நினைத்தாலே போதும். எனினும்... நம் மனம், முன்னோர்களை பூத உடலோடு சேர்த்தே பார்ப்பதால், வேதம் அவர்களை அழைக்கச் சொல்லும் (ஆகந்த பிதர...).

அப்படி நமது அழைப்பை ஏற்று வருபவர்களை வரவேற்று, திதி-தர்ப்பணங்கள் முறைப்படி அளித்து வழிபட வேண்டும். இது, தர்ம சாஸ்திரம் சொல்வதுபோல பரம்பொருளையே வழிபட்டதற்குச் சமமாகும்.

- பதில்கள் தொடரும்...