Published:Updated:

“பிரார்த்தனையை நிறைவேற்றிய விளக்கு பூஜை!”

ஒட்டுமொத்த விகடனுக்கும் ஒரே ஷார்ட்கட்

Use App
“பிரார்த்தனையை நிறைவேற்றிய விளக்கு பூஜை!”
“பிரார்த்தனையை நிறைவேற்றிய விளக்கு பூஜை!”

வாசகியரின் நெகிழ்ச்சி அனுபவம்

பிரீமியம் ஸ்டோரி
“பிரார்த்தனையை நிறைவேற்றிய விளக்கு பூஜை!”

டல்-உள்ளப் பிணிகளைத் தீர்க்கும் திருக்கோயில், ஊட்டத்தூர் ஸ்ரீசுத்தரத்தினேஸ்வரர் திருக்கோயில். புராணப் பெருமைகளும் சரித்திரச் சிறப்பும் மிகுந்த இந்தத் திருக்கோயிலில், சக்தி விகடன் - ஜி.ஆர்.டி. ஜூவல்லர்ஸ் இணைந்து நடத்திய திருவிளக்கு பூஜை, கடந்த 24.1.17 செவ்வாய்க்கிழமை அன்று மாலை வெகுவிமர்சையாக நடைபெற்றது.

“பிரார்த்தனையை நிறைவேற்றிய விளக்கு பூஜை!”

திருச்சி மட்டுமல்லாமல், தஞ்சாவூர், கும்ப கோணம், கோவை என பல ஊர்களில் இருந்தும் திரளான வாசகியர் வந்திருந்து, திருவிளக்குப் பூஜையில் கலந்துகொண்டனர். திருக்கோயிலின் நடராஜ குருக்கள், மிகச் சிறப்பான முறையில் திருவிளக்கு பூஜையை நடத்திவைத்தார்.

விளக்கு பூஜையில் கலந்துகொண்ட மணப்பாறை வாசகி திலகவதி, ‘‘என் கணவர் 20 வருடங்களாக உடல்நிலை சரியில்லாமல் இருந்து வந்தார். நாங்கள் பார்க்காத மருத்துவர் இல்லை.  ஆனாலும் அவர் குணமடையவில்லை. மூன்று வருடங்களுக்குமுன், திருச்சியில் அம்மன் கோயில் ஒன்றில் சக்தி விகடன் நடத்திய திருவிளக்கு பூஜை யில் கலந்துகொண்டு, அம்மனிடம் குறைகளைச் சொல்லி அழுதேன். அப்போதிருந்தே என் கணவரின் உடல்நிலையில் நல்ல முன்னேற்றம் ஏற்பட்டு வருகிறது. எனவே, சக்திவிகடனின் திருவிளக்கு பூஜை எங்கு நடைபெற்றாலும் தவறாமல் கலந்துகொள்வேன்’’ என்று நெகிழ்ச்சி யுடன் குறிப்பிட்டார்.

“பிரார்த்தனையை நிறைவேற்றிய விளக்கு பூஜை!”

கருமண்டபத்தைச் சேர்ந்த மலர்விழி என்ற வாசகி, ‘‘நான் ஆரம்பத்தில் இருந்தே சக்தி விகடனைத் தொடர்ந்து படித்துவருகிறேன். என் பிள்ளை ஐ.பி.எம்.-ல் வேலை பார்த்து வருகிறார். அவருக்கு விரைவில் திருமணம் நடக்கவேண்டும் என்று பிரார்த்தித்துக்கொண்டேன். எனது பிரார்த்தனை நிச்சயம் பலிக்கும்'' என்று பூரண நம்பிக்கையுடன் கூறினார். அதேபோல், சக்தி விகடன் விளக்குபூஜையில் கலந்துகொண்டு வேண்டிக்கொண்டதால், தன் பேத்தி சுவேதா பத்தாம் வகுப்பு பொதுத் தேர்வில் நல்ல மதிப்பெண் எடுத்ததை மகிழ்ச்சியுடன் பகிர்ந்து கொண்டார் தஞ்சை வாசகி சாந்தாகுமாரி,

இவர்களுக்கு மட்டுமல்ல, விளக்குபூஜையில் கலந்துகொண்ட அனைவரது பிரார்த்தனைகளும் இறையருளால் நிச்சயம் நிறைவேறும்.

- எம்.திலீபன், படம்:செ.ராபர்ட்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு