Published:Updated:

வரம் கொடுக்கும் வழிபாடுகள்!

வரம் கொடுக்கும் வழிபாடுகள்!

வரம் கொடுக்கும் வழிபாடுகள்!

வரம் கொடுக்கும் வழிபாடுகள்!

Published:Updated:
வரம் கொடுக்கும் வழிபாடுகள்!
வரம் கொடுக்கும் வழிபாடுகள்!
வரம் கொடுக்கும் வழிபாடுகள்!

ஒட்டுமொத்த விகடனுக்கும் ஒரே ஷார்ட்கட்!

வரம் கொடுக்கும் வழிபாடுகள்!

மிருகசீரிஷ நட்சத்திரத்தின் தேவதை சோமன் (மிருகசீர்ஷம் நக்ஷத்திரம் ஸோமோ தேவதா). சோமன் என்று சந்திரனுக்குப் பெயர் உண்டு. மிருகசீரிஷ நட்சத்திரத்தை, 'இன்வகா’ என்று குறிப் பிடுகிறது வேதம் (இன்வகா சப்தோ மிருகசிரஸி). மிருகசீர்ஷ நட்சத்திரத்துடன் இணைந்த மாதம் மார்கசீர்ஷம். அதை நாம் 'மார்கழி’ என்று சொல்வோம். ஸ்ரீகண்ணன், மார்கழியை உயர்வாகச் சொல்வான் (மாஸானாம் மார்கசீர்ஷோஸ்மி).

மிருகசீர்ஷம்- மூன்று தாரைகளை உள்ளடக்கியது. 'சீர்ஷம்’ என்றால், சீரஸ்ஸு(தலை); மிருகம் என்றால் மான். இது, மானின் சிரஸு போல் ஆகாசத்தில் தென்படும். அதாவது, வரிசையான மூன்று தாரைகளுக்குக் கீழே, நான்கு தாரைகளுடன் விண்வெளியில் காணப்படும். அந்த நான்கு தாரைகளும், மானின் நான்கு கால்கள் போல் அமைந்திருக்கும். உச்சியில் மூன்று தாரைகள், சிரஸு போல் தென்படுவதால், 'மிருகசீர்ஷம்’ என்ற பெயர் அர்த்தமுள்ளதாக மாறியது.

மிருகசீரஸ்ஸு என்று இருப்பதால், பிற்பாடு வந்த ஜோதிட அறிஞர்கள், இதை சிரோ ரஜ்ஜுவில் சேர்த்தனர். சரி பாதியாக இரண்டு ராசிகளில் பரவியிருக்கும் நட்சத்திரம் இது (ரிஷபம், மிதுனம்). இதை 'அர்த்தபம்’ என்று சிறப்பிப்பர். இதன் 10-வது நட்சத்திரம் சித்திரை; அதன் (சித்திரையின்) 10-வது நட்சத்திரம் அவிட்டம். இந்த இரண்டு நட்சத்திரங்களும் ஐந்து, ஒன்பது (பூர்வ புண்ணியம், பாக்கியம்) என்கிற ஸ்தானத்தில் அமைந்திருப்பவை. இவையும் சரிபாதியாக இரண்டு ராசிகளில் அமர்ந்தவை. சித்திரை நட்சத்திரமானது கன்னி மற்றும் துலாம் ராசியிலும், அவிட்ட நட்சத்திரம் மகரம் மற்றும் கும்ப ராசியிலும் பரவியிருப்பவை.

ஆக, இவையும் சிரோ ரஜ்ஜுவில் சேரும் தகுதியுடையன.

##~##
ஒன்றுக்கொன்று முக்கோண (த்ரிகோண 1, 5, 9) ராசிகளில் தென்படும் நட்சத்திரங்களுக்கு, 'ரஜ்ஜு’ என்ற பெயர் பொருத்தமாக அமைந்திருக்கிறது. மிருகசீரிஷத்துக்கு முன்னும் பின்னும் அமைந்த நான்கு நட்சத்திரங்கள், கழுத்து முதலிய ரஜ்ஜுவாக மாறியிருக்கின்றன. ரஜ்ஜுவை உடலுறுப்புகளில் அதாவது நட்சத்திர புருஷனில் நிர்ணயம் செய்தது, மிருகசீரிஷ நட்சத்திரம்.

காலும் முக்காலுமாக இரண்டு ராசிகளில் இடம்பிடித்த கிருத்திகை, உத்திரம், உத்திராடம் போன்றவை, நட்சத்திரப் புருஷனின் மையப் பகுதியில் (இடையில்) இடம்பிடித்திருப்பது கவனத்துக்கு உரியது.

'நட்சத்திரங்களுக்கு அரசன் ஸோமன். அவன், அடிக்கடி எங்களில் தென்படும் சோர்வை அகற்றி, சுறுசுறுப்பை அளிக்க வேண்டும். நீ எங்களுக்கு மங்களத்தை அளிப்பதால், விருப்பமுள்ளவனாக மாறி விட்டாய். இரண்டு கால் பிராணிகளான மனித இனத்தையும், நான்கு கால் பிராணிகளான விலங்கினத்தையும் மகிழ்ச்சியுடன் வாழ அருள வேண்டும்’ என்கிற வேண்டு கோள் வேதத்தில் உண்டு (ஸோமோ ராஜா மிருகசீர்ஷேண...). மிருகசீரிஷ நட்சத்திரத்துக்கு சுக்கிரனும் புதனும் ராசிநாதனாக இருந்தாலும், அம்சகத்தில் சூரியன், செவ்வாய் ஆகியோரின் தொடர்பு இருப்பதால், அதில் பிறந்தவனில் செல்வாக்கும் செயல்திறனும் தென்பட வாய்ப்பு உண்டு.

அதேநேரம், ராசி மாற்றத்தில் செயல்திறன் குன்றியவனாகவும் இருப்பான். கையில் கிடைத்த செல்வம், அசட்டையின் காரணமாக களவாடப்படலாம். தேவைப்படும் போது, உதவாமல் போகலாம். செல்வந்தனாக இருந்தும், அனுபவத்தில் ஏழ்மையைத் தழுவலாம். வாழ்க்கையின் இருகூறு களில்... அதாவது உலகவியல் - ஆன்மிகம் ஆகியவற்றில், ஒன்று உயர்ந்த நிலையை எட்டினால், மற்றொன்று மங்கிவிடும். இரண்டில் ஏதேனும் ஒன்றில் உயர்ந்த வாழ்க்கை அமைந்திருக்கும். இரண்டும் ஒருசேரக் கிடைக்கவில்லையே என்ற ஏக்கம் இல்லாமல், கிடைத்ததில் மனநிறைவு பெற்று மகிழ்வான்.

வரம் கொடுக்கும் வழிபாடுகள்!

கால புருஷனின் முகம், தொண்டை (கழுத்து) ஆகிய பகுதியில் அமைந்திருப்பதால், சொல் சுத்தம், சொற்பொழிவில் தெளிவு, பிறரை எடைபோடும் திறன் தென்படும் என்கிறது ஜோதிடம். கால புருஷன் இரண்டுக்கும் மூன்றுக்கும் உடையவனாக இருப்பதால்... சகோதரர்கள், நண்பர்கள், நல்லோர்கள் ஆகியோரின் ஒத்துழைப்பு வாழ்க்கைத் தரத்தை உயர்த்த உதவும். அடக்கம், பணிவு, அளவு கடந்த பெண்ணாசை, ஊர் சுற்றுவதில் சுறுசுறுப்பு, கண் களில் ஏற்படும் பிணிகள் போன்றன மிருகசீரிஷ நட்சத்திரத்தில் பிறந்தவனிடம் தென்படும் என ஜாதக பாரிஜாதம் சொல்லும்.

சிறு வயதில் துயரம் வாட்டும். இளம் பருவத்தில் உடல் வலிமையும் செல்வமும் சேரும். செயலில் சுறுசுறுப்பு, திறமை வெளிப்படும் என்ற மாறுபட்ட பலனும் உண்டு என்கிறது ஜோதிடம்.

பதற்றம் நிறைந்த மனம், திறமையில் நிறைவு, தவறு செய்வதில் பயம், சுறுசுறுப்பு, செல்வச் சீமான், உலகவியலில் ஆர்வம் ஆகியவற்றை மிருகசீரிஷ நட்சத்திரத்தில் பிறந்தவனில் காணலாம் என்கிறார் வராஹமிஹிரர்.

பல நாள் பழக்கப்பட்டவற்றைத் துறக்கத் துணிய மாட்டான், மென்மையான அணுகுமுறை, நல்ல முயற்சிகளில் பற்றுதல், பண்பாடு, கலாசாரம், வேதம், புராணம் போன்றவற்றில் பிடிப்பு, சபல புத்தியிருந்தாலும் அடக்கத்துடன் தென்படுதல் ஆகியவற்றை மிருகசீரிஷ நட்சத்திரத்தில் பிறந்தவனில் காணலாம் என்கிறார் பராசரர்.

முதல் பாதத்தில் பிறந்தவன் அரசன் அல்லது கலைஞனாகத்  திகழ்வான். இரண்டில்- பிறர் பொருளை தனதாக்கிக் கொள்வான். மூன்றில்- ஆடம்பரப் பொருட்களை அடைந்து மகிழ்வான். நான்கில் அன்ன வஸ்திரங்களுக்குக் குறைவில்லாமல் வாழ்வான் என்று பிரஹத்சம்ஹிதை விளக்கும்.

மிருகசீரிஷம் மென்மையான நட்சத்திரம். பூணூல் கல்யாணம், திருமணம், வேள்வி, வாகனங்கள், கல்வி, முதலீடு ஆகியவற்றில் இந்த நட்சத்திரம் இணைந் தால் வெற்றி பெறும். பாட்டு, பக்கவாத்தியம், நடனம் போன்றவற்றை இதில் ஆரம்பித்தால் மேன்மை உண்டு. தங்கம், வைரம் போன்ற பொருள் களை வாங்கவும், அணியவும் சிறந்தது. உடல் அலங்காரம், சிகை அலங்காரம் போன்றவை சிறப்பு பெறும் என்கிறார் பராசரர்.

இந்த நட்சத்திரத்தின் ஆரம்ப தசை செவ்வாய்; 7 வருடங்கள் நீடித்திருக்கும். சித்திரைக்கும் அவிட்டத்துக்கும் இது பொருந்தும். தசாநாதன் செவ்வாயாக இருந்தாலும் புக்திநாதன், அந்தரநாதன் மாறுபட்டிருப்பதால், பலனில் மாறுபாடு தென்படும். தசையில் 9 கிரகங்களும், தங்களது கால அளவுக்கு ஏற்றபடி- விகிதாசாரப்படி இடம்பிடித்துவிடும். ஒவ்வொரு புக்தியிலும் 9 கிரகங்களின் பங்கு இருக்கும். தசை, புக்தி, அந்தரம் - இவற்றில் வலுவான கிரகத்தின் பலன் தென்படும். எல்லா கிரகங்களுடைய சேர்க்கையில் விளையும் பலன், தசாபலனில் இருக்கும்.

மிருகசீரிஷ நட்சத்திரத்தி லிருந்து 3-வது நட்சத்திரத்தின் குரு தசை, 5-வது நட்சத்திரத் தின் புதன் தசை, 7-வது நட்சத் திரத்தின் சுக்கிர தசை... அந்த மூவரும் பலம் இழந்த நிலையில் துயரம் கலந்த தசையாக மாறும். அல்பாயுஸை 3-வது நட்சத்திரத்தின் தசையின் தரம் வரையறுக்கும். மத்தியாயுஸை 5-வதும், தீர்க்காயுஸை 7-வதும் சுட்டிக்காட்டும். ராசிநாதனான சுக்கிரனும் புதனும் (ரிஷபம், மிதுனம்) மாரகனாகவும் செயல்படுவதைக் கவனிக்க வேண்டும்.

வரம் கொடுக்கும் வழிபாடுகள்!

சுக்கிர தசையை எட்டுபவர்கள் இருப்பார் கள். ஆனால் சூரியன், சந்திரன் இவர்களின் தசாகாலங்களை எட்டுவது அரிது. வாழ்நாளில், அவ்விருவர்கள் தசைகளை எட்டா விட்டா லும், மற்ற தசைகளில் புக்திநாதனாகவும் அந்தர நாதனாகவும் இருந்து பலனை அளித்து விடுவர்; அவர்களின் தசாபலன் வீண் போகாது.

சுக்கிரனும் புதனும் சூரியன் இருக்கும் வீட்டி லிருந்து முன்பின் 4 வீடுகளுக்குள் தென்படுவர். சூரியனின் சேர்க்கையில் இரண்டும் பலம் இழக்கலாம். சிலநேரம் ஒன்று பலமிழந்து விடும். ஆகையால், அறிஞனாகவும் திகழலாம்; செல்வந்தனாகவும் திகழலாம். இரண்டும் சேர்ந்து வருவது அரிதாகிவிடும்.

முதிர்ந்த வயதில் சுக்கிர தசைக்கு வாய்ப்பு இருக்கும். சுக்கிரன் பலவானாகத் திகழும் வேளையில், புதன் பலமிழக்க நேரிடும். புதன் பலவானாக இருக்கும்போது சுக்கிரனுக்குப் போதுமான பலம் இருக்காது. சுக்கிரன், மீனத்தில் உச்சனாக இருக்கும் தறுவாயில், புதன் 6 வீடுகளைத் தாண்டி கன்னியில் உச்சனாக வர இயலாது. அப்படியே, கன்னியில் புதன் உச்சனாக இருக்கும்போது, மீனத்தில் சுக்கிரன் தென்படமாட்டான். அதேநேரம்... கிரக நிலையில் நீசனாகத் தென்படும் இருவரும், அம்சகத்தில் உச்சனாகத் திகழ்வது உண்டு. மிருகசீரிஷ நட்சத்திரத்தில் பிறந்தவர்கள்- ஒன்று, செல்வந்தனாகத் திகழ்வர்; அல்லது, அறிவாளியாகத் திகழ்வர்.அதிர்ஷ்டவசமாக, இருவரும் அம்சகத்தில் உச்சபலத்தை அடைந் தால், இரண்டும் தென்படும்.

மீனத்தில், குரு வீட்டில் உச்சம் பெறுவான் சுக்கிரன். கன்னியில், புதன் வீட்டில் நீசம் பெறுவான். பகுத்தறிவை வளர்க்கவேண்டிய புதன் வீட்டில் சுக்கிரன் பலமிழப்பதால், பகுத்தறிவு இருக்கும் இடத்தில் உலகவியல் சுகம் இழக்கப்படுவது நியதியாக மாறி விடுகிறது. சுக்கிரனும் புதனும் மிருகசீரிஷ நட்சத்திரத்தின் ராசிநாதனாக இருப்பதால், அவர்களின் ஏற்றத்தாழ்வு அவன் வாழ்க்கையில் முக்கியப் பங்கு அளிக்கிறது.

'ஸம் ஸோமாய நம:’ என்று சொல்லி வழிபட வேண்டும். மனத் தெளிவை சந்திரன் அளிப்பான். பிறைச் சந்திரனுக்கும் பெருமை உண்டு. உடல்சிறுத்துக் காணப் பட்டாலும், பலன் அளிக்கும் திறன் குறையாது. மூன்றாம் பிறையைப் பார்க்கச் சொல்கிறது தர்ம சாஸ்திரம். 'நவோ நவோ பவதி’ என்கிற மந்திரத்தைச் சொல்லி வணங்கலாம். வேதம் தெரியாதவர்கள்...

சோமம் சதுர்புஜம் ச்வேதம்
கேயூர மகுடோஜ்வலம்
அபயம் வரதோ பேதம்
குமுத த்வய ஹஸ்தகம்
ஜடாதர சிரோரத்னம்
ச்வேத வர்ணம் நிசாகரம்
த்யாயேத் அமிருத ஸம்பூதம்
ஸர்வகாம பலப்ரதம்

- இந்த செய்யுளைச் சொல்லி, 16 உபசாரங்களைச் செய்து வழிபடலாம். ஒளி வடிவில் தென்படும் அவன் வழிபாடு, இதய இருளை அகற்றி ஒளிமயமாக்கும்; இன்பமயமான வாழ்க்கைக்கு வழி வகுக்கும்.

- வழிபடுவோம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism