Published:Updated:

'கனவில் அழைத்தான் ஹரிஹரசுதன்!'

ஐயனின் அருளன்றி வேறென்ன..?

'கனவில் அழைத்தான் ஹரிஹரசுதன்!'
##~##
'வ

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
யது முதிர்ந்த அந்தணர் ஒருத்தர், தலையில் ஒரு மூட்டையுடன் வந்தார். அவரைப் பார்த்ததும் கும்பிடத் தோன்றியது. 'இந்த மூட்டையை கொஞ்சம் சுமந்துக்கிட்டு வர்றியா?’னு கேட்டார். உடனே வாங்கி மூட்டையைச் சுமந்துக்கிட்டேன். அவ்வளவு தான்... கனவு கலைஞ்சிருச்சு! விடிஞ்சதும், எங்க ஊர்ல இருக்கற பெரியவர் கணேச முதலியார் குருசாமி கிட்ட விவரம் சொல்லிக் கேட்டேன். அவர், 'அந்த ஹரிஹரசுதன், ஐயன் ஐயப்பன், உன்னை சபரி மலைக்குக் கூப்பிடறாம்பா’னு சொன்னார். அன்னிக்கி மலைக்குப் போக ஆரம்பிச்சவன்தான்... வருஷா வருஷம் போயிக்கிட்டே இருக்கேன்'' என்று சிலிர்ப்பு மேலிடச் சொல்கிறார் ராஜமாணிக்கம் குருசாமி.

நாகை மாவட்டம், தரங்கம்பாடியில் இருந்து சுமார் 3 கி.மீ. தொலைவில் உள்ள காட்டுச்சேரி கிராமத்தில் வசிக்கிறார் ராஜமாணிக்கம். மறைந்த நடிகரும் மூத்த குருசாமியுமான நம்பியார் சாமி, இவருக்குக் கொடுத்த தாமரைக்காய் மணிமாலையைப் பொக்கிஷமாக வைத்திருக்கிறார்.

'கனவில் அழைத்தான் ஹரிஹரசுதன்!'

''எங்களோட வந்த எத்தனையோ சாமிமார் களுக்கு, கவர்ன்மென்ட் வேலை, கல்யாணம், குழந்தை பாக்கியம்னு சகலத்தையும் கொடுத்திருக் கார் சாஸ்தா. முப்பத்துமூணு வருஷமா மலைக்குப் போறதை ஒரு தவமா செஞ்சுக்கிட்டு வரேன். என் வாழ்க்கையும் வளர்ச்சியும், அவரருளால் கிடைச்சதுதான்!'' என உணர்ச்சி மேலிடச் சொல்கிறார் ராஜமாணிக்கம் குருசாமி.

''ஒருமுறை, அழுதா மலையில, சுனையிலே ருந்து தவலையில தண்ணீர் எடுத்துட்டு வரும் போது, கால் இடறி விழுந்துட்டேன். என் கட்டை விரல் நகம் பெயர்ந்து, ரத்தம் கொட்டுது.

வலியில துடிச்சுப் போய், அப்படியே உக்கார்ந் துட்டேன். அந்தத் தருணத்துல அங்கே வந்த வயசான ஐயப்ப சாமி ஒருத்தர், கையில வைச்சிருந்த விபூதிப்பையிலேருந்து விபூதியை எடுத்து, நகம் பெயர்ந்த இடத்துல பூசிவிட்டார். கொஞ்சம் வலி குறைஞ்சா மாதிரி இருந்துச்சு. உடனே எந்திரிச்சேன். 'நான் தண்ணிக்குடத்தைத் தூக்கிட்டு வரேன்’னு சொல்லி, அந்த ஐயப்ப சாமி எடுத்துட்டு வந்தார். நாங்க தங்கியிருந்த இடம் வந்தப்ப, 'பார்த்து ஜாக்கிரதையா பயணம் பண்ணுங்க’னு சொல்லிட்டு, குடத்தைக் கொடுத்துட்டுப் போயிட்டார். திரும்பி வந்து விவரம் சொன்னப்ப... இங்கேருந்து சுனைப் பகுதிக்கு யாருமே போகலியே... என்ன சாமி சொல்றீங்க?’னு எல்லாரும் கேட்டாங்க, அதிர்ச்சியும் குழப்பமுமா இருந்துச்சு. 'இதான் ஐயப்பனோட கருணை’னு சொல்லி ஆனந்தப் பட்டார் எங்க குருசாமி!'' என்று சொல்லும் போதே பரவசத்தில் சிலிர்க்கிறார் ராஜமாணிக்கம் குருசாமி.  

கட்டுரை, படங்கள்: மா.நந்தினி