Published:Updated:

பிள்ளையார்பட்டியில் கும்பாபிஷேகம்!

ஒட்டுமொத்த விகடனுக்கும் ஒரே ஷார்ட்கட்

Use App
பிள்ளையார்பட்டியில் கும்பாபிஷேகம்!
பிள்ளையார்பட்டியில் கும்பாபிஷேகம்!

பிள்ளையார்பட்டியில் கும்பாபிஷேகம்!

பிரீமியம் ஸ்டோரி

காரைக்குடி - திருப்பத்தூர் சாலையில் காரைக்குடியில் இருந்து சுமார் 12 கி.மீ தொலைவில் உள்ளது பிள்ளையார்பட்டி.

பிள்ளையார்பட்டிக்கு எருக்காட்டூர், மருதங்குடி, திருவீங்கைக்குடி, திருவீங்கைச்வரம், ராச நாராயணபுரம், மருதங்கூர், தென்மருதூர், கணேசபுரம், கணேச மாநகரம், பிள்ளை நகர் ஆகிய திருப்பெயர்களும் உண்டு. பிள்ளையார்பட்டி கற்பக விநாயகர் திருக்கோயில்தான் முதல் குடைவரைக் கோயில் ஆகும். மகேந்திரவர்ம பல்லவர் காலத்துக்கு சுமார் இரண்டு நூற்றாண்டுகளுக்கு முன்பே பெருபரணன் என்ற பாண்டிய மன்னரால் கட்டப்பட்டது. இக்கோயில், குடைவரை, கற்றளி என்று இரு பகுதிகளாக அமைந்துள்ளது.

பிள்ளையார்பட்டியில் கும்பாபிஷேகம்!

குடைவரைக் கோயிலில் சுமார் 2 மீட்டர் உயரத்தில்  வடக்கு நோக்கி அருள்புரிகிறார் ஸ்ரீகற்பக விநாயகர். கஜமுகாசுரனைக் கொன்ற தோஷம் நீங்குவதற்காக விநாயகர் சிவபெருமானைக் குறித்து தவம் இயற்றிய தலம் இது. அதனால்தான் விநாயகரின் திருக்கரத்தில் சிறிய சிவலிங்கம் அமைந்துள்ளது. இது அபூர்வ திருக்கோலமாகும்.

கற்பக விநாயகரின் குடைவரைக் கோயிலின் மையத்தில் கிழக்கு நோக்கி திருவீசர், திருவீங்கைக்குடி மகாதேவர் என்ற திருப் பெயர்களுடன் சிவபெருமான் லிங்க வடிவில் காட்சி தருகிறார். மருதீசர் கோயிலின் மேல் பிராகாரத்தில் வடகிழக்கில் வாடாமலர் மங்கை என்னும் திருப்பெயருடன் அம்பிகை இரண்டு திருக்கரங்களுடன், பத்மபீடத்தில் நின்ற கோலத்தில் அற்புத தரிசனம் தருகிறாள்.

பிள்ளையார்பட்டியில் கும்பாபிஷேகம்!

இத்தகு மகத்துவம் மிக்க பிள்ளையார்பட்டி ஸ்ரீகற்பக விநாயகர் கோயிலின் கும்பாபிஷேகம் மே 1-ம் தேதி காலை 9 மணி முதல் 10.30 மணிக்குள் நடைபெற இருக்கிறது. ஏப்ரல் 24-ம் தேதி கணபதி ஹோமம், நவகிரக பூஜைகளுடன் கும்பாபிஷேக வைபவம் தொடங்க இருக்கிறது. கும்பாபிஷேகத்துக்கான ஏற்பாடுகளை கோயில் நிர்வாகத்தினர் முன்னின்று செய்து வருகின்றனர். பக்தர்கள் இந்தப் புண்ணிய வைபவத்தில் கலந்துகொண்டு, ஆனைமுகனின் அருளைப் பெற்றுச் சிறக்கலாம்.

- எஸ்.கே

படம்: சாய்தர்மராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு