Published:Updated:

சக்தியர் சங்கமம் - வாழை இலை நீர் தெளித்து...

விகடன் விமர்சனக்குழு

ஒட்டுமொத்த விகடனுக்கும் ஒரே ஷார்ட்கட்

Use App
சக்தியர் சங்கமம் - வாழை இலை நீர் தெளித்து...
சக்தியர் சங்கமம் - வாழை இலை நீர் தெளித்து...

சக்தியர் சங்கமம் - வாழை இலை நீர் தெளித்து...

பிரீமியம் ஸ்டோரி
சக்தியர் சங்கமம் - வாழை இலை நீர் தெளித்து...

துன்ப மிலாத நிலையே சக்தி
தூக்க மிலாக்கண் விழிப்பே சக்தி
அன்பு கனிந்த கனிவே சக்தி
ஆண்மை நிறைந்த நிறைவே சக்தி
இன்ப முதிர்ந்த முதிர்வே சக்தி
எண்ணத் திருக்கும் எரியே சக்தி
முன்பு நிற் கின்ற தொழிலே சக்தி
முத்தி நிலையின் முடிவே சக்தி.

- மகாகவி பாரதியார்


அனுதினமும் சக்தியை வழிபடுவோம்;
சந்தோஷ வாழ்வு பெறுவோம்.

சக்தியர் சங்கமம் - வாழை இலை நீர் தெளித்து...

எந்தத் திசையை நோக்கிச் சாப்பிட வேண்டும்?

உணவு உண்ணும்போது எந்தத் திசையை நோக்கி அமர வேண்டும், அதனால் என்ன பலன் கிடைக்கும் என்பது குறித்து வாரியார் சுவாமிகள் மிக எளிமையாக விளக்கியிருக்கிறார்.

கிழக்கு: இந்தத் திசையை நோக்கி அமர்ந்து உணவு உண்பதால் ஆயுள் வளரும்.

மேற்கு: செல்வம் பெருகும்.

தெற்கு: புகழ் பெருகும்.

வடக்கு: இந்தத் திசையை நோக்கி அமர்ந்து உணவு உண்ணக் கூடாது; பிணிகள் உண்டாகும்.

வாழை இலையில் சாப்பிடுவதால் ஏற்படும் நன்மைகள்...


சூடான உணவுகளை வாழை இலையில் பரிமாறும்போது,  ஒருவித வாசனை தோன்றும். அந்த வாசனைக்கு நம்முடைய பசியைத் தூண்டும் சக்தி உண்டு. வாழை இலையில் தொடர்ந்து  சாப்பிட்டு வந்தால் தோல் பளபளப்பாகும். உடல் ஆரோக்கியம் பெருகும். மந்தம், வலிமைக்குறைவு, இளைப்பு போன்ற பாதிப்புகள் நீங்கும். ‘அழல்’ எனப்படும் பித்தம் தணியும். மேலும் வாழை இலையில் சாப்பிடுவதால், இளநரை தோன்றாது; நம் கேசம் நீண்ட நாள்களுக்குக் கருமை மாறாமல் இருக்கும்.

சக்தியர் சங்கமம் - வாழை இலை நீர் தெளித்து...

சாப்பிடும் வகைகள்...

‘சாப்பிட்டாச்சா?’ என்று எவரேனும் கேட்டால், `சாப்பிட்டாச்சு' என்று பொத்தாம் பொதுவாக பதிலைச் சொல்லாமல், இனி கீழ்க்காணும் விவரப்படி பதில் சொல்லுங்கள். நாம் உண்ணும் அளவு, முறைகளுக்கு ஏற்ப நம் முன்னோர் வகுத்துத் தந்திருக்கும் பெயர்கள் அவை!

அருந்துதல்: மிகச் சிறிய அளவே உட்கொள்ளல்.

உண்ணல்: பசி தீர உட்கொள்ளல்.

உறிஞ்சல்: வாயைக் குவித்துக்கொண்டு, நீரியல் பண்டத்தை ஈர்த்து உட்கொள்ளல்.

குடித்தல்: நீரியல் உணவை (கஞ்சி போன்றவை) சிறிது சிறிதாக பசி நீங்க உட்கொள்ளல்.

தின்றல்: தின்பண்டங்களை உட்கொள்ளல்.

துய்த்தல்: சுவைத்து மகிழ்ந்து உட்கொள்ளுதல்.

நக்குதல்:
நாக்கினால் துழாவி உட்கொள்ளுதல்.

நுங்கல்: முழுவதையும் ஒரு வாயில் ஈர்த்துறிஞ்சி உட்கொள்ளுதல்.

பருகல்: நீரியல் பண்டத்தை சிறுகக் குடிப்பது.

மாந்தல்: பெருவேட்கையுடன் மடமடவென்று உட்கொள்ளுதல்.

மெல்லுதல்: கடிமான பண்டத்தைப் பல்லால் கடித்துத் துகைத்து உட்கொள்ளுதல்.

விழுங்கல்:
பல்லுக்கும் நாக்குக்கும் இடையே தொண்டை வழி உட்கொள்ளுதல்.

வாழை இலையில் உணவு பரிமாறும் முறை...

வாழை இலையில் முதலில் இனிப்பு பரிமாற வேண்டும். தொடர்ந்து புளிப்பு, கார்ப்பு, உவர்ப்பு, துவர்ப்பு, கசப்பு ஆகிய முறைப்படி பரிமாற வேண்டும். இந்த அறுசுவைகளும் என்னென்ன பலன்களைத் தரும் தெரியுமா?

இனிப்பு - தசையை வலுப்படுத்தும்

புளிப்பு - நல்ல கொழுப்பை வழங்கும்

கார்ப்பு - எலும்புகளை வலுவாக்கும்

உவர்ப்பு - உமிழ்நீரைச் சுரக்கச் செய்யும்

துவர்ப்பு - ரத்தத்தைப் பெருக்கும்

கசப்பு - நரம்புகளை வலுப்படுத்தும்.

தொகுப்பு: சுபா கண்ணன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு