Published:Updated:

கயிலை காலடி காஞ்சி... - 27

கயிலை காலடி காஞ்சி... - 27
பிரீமியம் ஸ்டோரி
News
கயிலை காலடி காஞ்சி... - 27

ராம பிள்ளையாரும் துக்கிரிப் பாட்டியும்!நிவேதிதா - ஓவியங்கள்: ம.செ

மாதர் ஜயந்தி மமதாக்ரஹ மோக்ஷணானி
   மாஹேந்த்ர நீல ருசி ஸிக்ஷண தக்ஷிணானி
காமாக்ஷி கல்பித ஜகத்த்ரய ரக்ஷணானி
   த்வத் வீக்ஷணானி வரதான விசக்ஷணானி


கருத்து: தேவி காமாட்சி... இந்திர நீலக் கல்லின் ஒளிக்கு நீல நிறம் குறித்துப் போதிக்கக் கூடிய திறமை பெற்றிருக்கும் உனது நீல நிற நயனங்களின் அருள்பார்வையானது, எனது, எனது என்று எல்லாவற்றையும் பற்றுகிற மமதை யின் பிடியில் இருந்து என்னை விடுவிப்பவை. மூவுலகங்களையும் காக்கும் வல்லமை பெற்றவை. விரும்பியதை அருளும் திறம் கொண்டவை.

- மூகபஞ்சசதீ    

கயிலை காலடி காஞ்சி... - 27

யிலையில் ஒருநாள் அம்பிகையும் ஈசனும் ஏகாந்தமாக இருந்த வேளையில்,  அம்பிகைக்கு ஒரு சந்தேகம் ஏற்பட்டது. பகவானின் திருநாமங்களிலேயே உயர்வான நாமம் எது என்பதுதான் அந்தச் சந்தேகம். அதுகுறித்து ஐயனிடம் கேட்டாள். 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

‘‘தேவி, பகவானின் திருநாமங்களிலேயே ராம நாமம்தான் உயர்வான நாமம்’’ என்ற சிவபெருமான், தேவிக்கு அந்த திவ்ய மந்திரத்தை உபதேசித்தார். விஷ்ணு சகஸ்ரநாமம் முழுவதும் பாராயணம் செய்ய இயலாதவர்கள்கூட, ‘ஸ்ரீராம ராம ராமேதி’ என்று தொடங்கும் ஸ்லோகத்தை மூன்று முறை பாராயணம் செய்தாலே போதும், விஷ்ணு சஹஸ்ரநாமம் பாராயணம் செய்த பலன் கிடைத்துவிடும்.

கயிலை நாயகனின் அவதாரமாகப் போற்றப் பெறும் மகா பெரியாவாளும் ஒருமுறை தம்மைத் தரிசிக்க வந்த பக்தருக்கு, ராம நாமத்தின் மகிமையை உணர்த்திய சம்பவம் இது...

ஒருமுறை காஞ்சிபுரத்துக்கு அருகில் இருக்கும் கிராமத்தில் இருந்து ஒரு பக்தர் மகா பெரியவாளைத் தரிசிக்க வந்திருந்தார். அந்தப் பக்தர் எந்த ஊரில் இருந்து வந்திருக்கிறார் என்பதை விசாரித்துத் தெரிந்துகொண்ட மகா பெரியவா, ‘‘ஒன்னோட ஊர்ல ராம பிள்ளையார் கோயில்ங்கற பேர்ல ஒரு பிள்ளையார் கோயில் இருக்கோன்னோ?’’ என்று கேட்டார்.

கயிலை காலடி காஞ்சி... - 27



பக்தருக்கு ஆச்சர்யம் தாங்கவில்லை. காரணம், அவருக்குத் தெரிந்து மகா பெரியவா அந்த ஊருக்கு விஜயம் செய்திருப்பதாக நினைவில்லை. ஆச்சர்யம் அடங்காமலே, ``ஆமாம் பெரியவா, நீங்க சொல்றாப்போல ராம பிள்ளையார் கோயில்ங்கற பேர்ல ஒரு பிள்ளையார் கோயில் இருக்கு’’ என்று சொன்னார்.

‘‘அந்தக் கோயில் பிள்ளையாருக்கு ஏன் ராம பிள்ளையார்ன்னு பேர் வந்ததுன்னு நோக்குத் தெரியுமோ?’’ மகானின் அடுத்தக் கேள்வி.பெரியவாளே சொல்லட்டும் என்று அந்தப் பக்தர் அமைதியாக இருந்தார்.

பெரியவாளே தொடர்ந்து, ‘‘சரி, ஒன்னோட ஊர்ல துக்கிரிப் பாட்டிங்கற பேர்ல ஒரு பாட்டி இருந்தது நோக்கு தெரியுமோ?’’ என்று அடுத்த கேள்வியையும் கேட்டார்.

அந்தப் பக்தர், ‘‘அப்படி ஒரு பாட்டி இருந்ததா கேள்வி’’ என்றார்.

‘‘ஒன்னோட ஊர்ல இருக்கற பிள்ளையார் கோயில்லதான் அப்பல்லாம் ராம நாமப் பாராயணம் நடக்கும். அதனாலதான் அந்தப் பிள்ளையாருக்கு ராம பிள்ளையார்ங்கற பேர் வழக்கத்துல வந்துடுத்து. இப்ப துக்கிரிப் பாட்டியைப் பத்தி சொல்றேன் கேட்டுக்க’’ என்ற பெரியவா தொடர்ந்து துக்கிரிப் பாட்டியைப் பற்றிச் சொல்லத் தொடங்கினார்.

‘‘ஒன்னோட ஊர்ல ஒரு பாட்டி இருந்தா. அவளோட சின்ன வயசுலயே புருஷன் காலகதியாயிட்டதால, ஊரெல்லாம் அவளை, ‘துக்கிரி, துக்கிரி’ என்று ஏசியது. கடைசியில துக்கிரிங்கற பேரே அந்தப் பொண்ணுக்கு நெலைச்சுடுத்து. அவளும் தன்னோட விதியை நொந்தபடி சதா காலமும் ராம நாம ஜபம் செய்து பகவானின் நெனைப் பாகவே இருந்தா. காலப்போக்கில அந்தப் பொண்ணுக்கும் வயசாகி, பாட்டியாகிட்டா. அப்பவும் ஊர்ல இருக்கறவங்க அவளைத் துக்கிரிப் பாட்டின்னுதான் தூத்திக்கிட்டிருந்தாங்க.

இப்படி இருக்கறச்சே, ஒருநாள் அந்த ஊர்ல இருக்கற முக்கிய பிரமுகரோட பையனுக்கு திடீர்னு வயத்து வலி வந்துடுச்சு. எத்தனையோ வைத்தியம் பார்த்தும் குணமாகலை. அந்தப் பிரமுகருக்கோ ஒரே கவலையா போயிடுத்து.விஷயத்தைக் கேள்விப்பட்ட அந்தப் பாட்டி, மத்தவங்க என்ன சொல்வாங்களோன்னெல்லாம் கவலைப்படாம, கையில் விபூதி சம்புடத்தை எடுத்துண்டு நேரா அந்தப் பிரமுகரோட வீட்டுக்குப் போயிட்டா.

அந்தப் பையனோட பக்கத்துல உட்கார்ந்துண்டு ராம நாமத்தை ஜபித்தபடி இருந்தா. ஜபம் முடிஞ்சதும், தான் கொண்டுபோயிருந்த விபூதி சம்புடத்துல இருந்து விபூதியை எடுத்து அந்தப் பையனோட நெத்தியிலயும் வயத்துலயும் பூசிவிட்டா. விபூதியைப் பூசிவிட்ட கொஞ்ச நேரத்துக்கெல்லாம் அந்தப் பையனோட வயத்து வலி கொறைஞ்சு, அதுவரை வலியால துடிச்சுட்டிருந்த பையன், வலி கொறைஞ்சு மெள்ளச் சிரிக்க ஆரம்பிச்சான். அந்தப் பிரமுகர் மட்டுமில்லாம, ஊர் ஜனங்க எல்லோருக்கும் ஆச்சர்யமா போயிடுத்து. ராம நாமம் ஜபிக்கும் அந்தப் பாட்டியைப் போய் துக்கிரிப் பாட்டின்னு சொல்லிட்டிருந்தோ மேன்னு எல்லோரும் ரொம்பவே வருத்தப்பட்டாங்க.  

கயிலை காலடி காஞ்சி... - 27

அதுக்கப்புறம் ஊர்ல இருக்கற அத்தனை பேரும் அந்தப் பாட்டியைத் தாங்கு தாங்குன்னு தாங்குனாங்க. புருஷங்காரன் போனதுக்கப்பறம் மனசை அலைபாயவிடாமல் ராம நாமத்தை ஜபம் செய்துண்டு இருந்ததுனாலதான், பிரமுகர் பையனோட வியாதியைச் சொஸ்தப் படுத்தவும், அதனால ஊர் மக்களோட மதிப்பையும் அன்பையும் பெற முடிஞ்சுது. நீயும் தொடர்ந்து ராம நாமத்தை ஜபம் பண்ணிக்கிட்டே இரு’’ என்று சொல்லி ஆசீர்வதித்துப் பிரசாதம் கொடுத்து அனுப்பினார்.

- திருவருள் தொடரும்

கா பெரியவா உலக நன்மைக்காக நீண்ட தவம் மேற்கொண்ட தேனம்பாக்கம் திருத்தலம் பற்றியும், அங்கே பிரம்ம தேவரின் தவத்துக்கும் யாகத்துக்கும் இரங்கி காட்சி தந்த கயிலை நாயகன், அந்தத் தலத்திலேயே பிரம்மபுரீஸ்வரர் என்ற திருப்பெயருடன் எழுந்தருளியிருப்பது பற்றியும் இந்தத் தொடரின் தொடக்கத்திலேயே நாம் குறிப்பிட்டிருந்தோம்.

இப்போது பிரம்மபுரீஸ்வரர் திருக்கோயிலைப் புதுப்பிக்க விரும்பி, திருப்பணிகளைத் தொடங்கியுள்ளனர். பிரம்மபுரீஸ்வரர் சந்நிதி யுடன் பரிவாரத் தெய்வங்களின் சந்நிதிகளும் புதுப்பிக்கப்படுவதுடன், மகா பெரியவா தியான மண்டபமும் புதுப்பிக்கப்பட்டு, வைகாசி மாதம் 25-ம் தேதி 8.6.17 அன்று காலை 10.30 மணி யளவில் கும்பாபிஷேகம் நடைபெற உள்ளது.

நம் பொருட்டு மகா பெரியவா நெடிய தவம் மேற்கொண்ட அந்தப் பவித்திரமான திருத்தலத்தில் நடைபெற்றுவரும் திருப்பணி களுக்கு நாமும் நம்மால் இயன்ற பொருளுதவி செய்து, பிரம்மபுரீஸ்வரரின் அருளுடன் மகா பெரியவா அனுக்கிரஹமும் சேர்த்துப் பெறலாம்.

நன்கொடைகள் அனுப்ப வேண்டிய விவரம்:


SRI SIVASTHANAM NITHYA POOJA TRUST

INDIAN BANK, SHANKARA MUTT, KANCHIPURAM,

A/C No. 774698810

IFSC CODE: IDIB000S085

தொடர்புக்கு: எஸ்.சைலேஷ் - 09380872790