Published:Updated:

நவராத்திரி நைவேத்தியங்கள்!

நவராத்திரி நைவேத்தியங்கள்!
பிரீமியம் ஸ்டோரி
நவராத்திரி நைவேத்தியங்கள்!

நல்லன எல்லாம் தருவாள்

நவராத்திரி நைவேத்தியங்கள்!

நல்லன எல்லாம் தருவாள்

Published:Updated:
நவராத்திரி நைவேத்தியங்கள்!
பிரீமியம் ஸ்டோரி
நவராத்திரி நைவேத்தியங்கள்!
நவராத்திரி நைவேத்தியங்கள்!
நவராத்திரி நைவேத்தியங்கள்!
நவராத்திரி நைவேத்தியங்கள்!
நவராத்திரி நைவேத்தியங்கள்!

க்தியோடு அழகு உணர்ச்சியும் கைகோத்து இல்லங்களை இன்பத்தில் ஆழ்த்தும் பண்டிகை நவராத்திரி. இந்தப் பண்டிகை கொண்டாடப்படும் தினங்களில் வீட்டில் கொலு வைத்து... அம்மனுக்கு பூஜை செய்து, நைவேத்தியங்களைப் படைத்து பக்திப் பரவசத்தில் திளைப்பது ஒருபக்கம்;  உறவினர்கள், நண்பர்கள், அக்கம்பக்கத்தினருக்கு அழைப்பு விடுத்து... பூ, பழம், நைவேத்தியங்களை வழங்கி, அவர்கள் வீட்டுக்கும் சென்று கூடி மகிழ்வது மறுபக்கம் என்று பெண்களை மகிழ்ச்சியில் ஆழ்த்துவதில் நவராத்திரிக்கு நிகர் நவராத்திரிதான்! அப்படி ஒன்பது நாள்கள் செய்து மகிழக்கூடிய சுவையான நைவேத்தியங்களை வழங்குகிறார் சமையல் கலைஞர் சரஸ்வதி அசோகன்.

தினைப் பாயசம்

தேவையானவை:
தினை அரிசி, வெல்லம்     - தலா 200 கிராம்
பாசிப்பருப்பு        - 100 கிராம்
தேங்காய்         - ஒரு மூடி   (துருவிக்கொள்ளவும்)
ஏலக்காய்த்தூள்     - கால் டீஸ்பூன்
நெய்             -  4 டீஸ்பூன்
முந்திரி, உலர்திராட்சை     -  தேவையான அளவு

நவராத்திரி நைவேத்தியங்கள்!

செய்முறை:
வாணலியில் நெய்விட்டு முந்திரி, திராட்சையை வறுத்து தனியாக எடுத்துவைக்கவும். வெல்லத்துடன் மூழ்கும் அளவு தண்ணீர் ஊற்றி, ஒரு கொதிவிட்டு இறக்கி வடிகட்டவும். தேங்காயை அரைத்துப் பால் எடுக்கவும். தினை அரிசியைக் கழுவவும். வெறும் வாணலியில் பாசிப்பருப்பை லேசாக வறுத்து எடுக்கவும். குக்கரில் தினை அரிசி, பாசிப்பருப்பு, தேவையான அளவு தண்ணீர் சேர்த்து மூடி, 3 விசில்விட்டு இறக்கவும். குக்கரில் ஆவி அடங்கிய பின்னர், மூடியைத் திறந்து வெந்த அரிசி - பருப்பை நன்கு மசிக்கவும். இதனுடன் ஏலக்காய்த்தூள், தேங்காய்ப்பால், வெல்லக்கரைசல் சேர்த்து நன்கு கொதிக்கவிட்டு, முந்திரி, திராட்சை சேர்த்து இறக்கவும்.

அவல் - வாழைப்பழப் பாயசம்

தேவையானவை:
அவல்     - ஒரு  கப்
வாழைப்பழம்     -  ஒன்று     (தோல் உரித்துப் பொடியாக நறுக்கவும்)
பேரீச்சம்     - 6    (விதை நீக்கி, பொடியாக நறுக்கவும்)
வெல்லக் கரைசல் - தேவையான அளவு
தேங்காய்ப்பால்     - ஒரு கப்
உலர்திராட்சை     - 10
ஏலக்காய்த்தூள் - ஒரு சிட்டிகை
நெய்         - 3  டீஸ்பூன்

நவராத்திரி நைவேத்தியங்கள்!

செய்முறை:
வாணலியில் நெய்விட்டு வாழைப்பழத் துண்டுகள், பேரீச்சம் துண்டுகள், உலர் திராட்சை சேர்த்து வறுத்து தனியே எடுத்து வைக்கவும். அதே வாணலியில் அவலைச் சேர்த்து லேசாக வறுத்து, தேவையான அளவு தண்ணீர்விட்டு வேகவிடவும். இதனுடன் வெல்லக் கரைசல், தேங்காய்ப்பால், நெய்யில் வறுத்த பழங்கள், ஏலக்காய்த்தூள் சேர்த்துக் கொதிக்கவைத்து இறக்கவும்.

குறிப்பு:
சிவப்பு அவல், வெள்ளை அவல் இரண்டிலும் செய்யலாம்.

வரகு இனிப்புப் பொங்கல்

தேவையானவை:
வரகரிசி, வெல்லம்    - தலா 200 கிராம்
தேங்காய்த் துருவல்    - ஒரு டேபிள்ஸ்பூன்
முந்திரி, திராட்சை    - தேவையான அளவு
ஏலக்காய்த்தூள்        - ஒரு சிட்டிகை
நெய்            - ஒரு டேபிள்ஸ்பூன்

நவராத்திரி நைவேத்தியங்கள்!

செய்முறை:
வெல்லத்துடன் மூழ்கும் அளவு தண்ணீர் ஊற்றி ஒரு கொதிவிட்டு இறக்கி வடிகட்டவும். வாணலியில் சிறிதளவு நெய்விட்டு முந்திரி, திராட்சை, தேங்காய்த் துருவலைச் சேர்த்து வறுத்து எடுக்கவும். குக்கரில் வரகரிசியுடன் 600 மில்லி  தண்ணீர்விட்டு மூடி, 3 விசில்விட்டு இறக்கவும். குக்கரில் ஆவி அடங்கிய பின்னர் மூடியைத் திறந்து, வெந்த வரகரிசியை நன்கு மசிக்கவும். இதனுடன் வெல்லக் கரைசல், தேங்காய்த் துருவல், நெய் சேர்த்துக் கலந்து சூடாக்கி, அடுப்பை சிறு தீயில் வைத்துக் கிளறி, ஏலக்காய்த்தூள், முந்திரி, திராட்சை சேர்த்து நன்கு கலந்து இறக்கிப் பரிமாறவும்.

அரிசிப் பாயசம்

தேவையானவை:
சீரக சம்பா அரிசி     - 100 கிராம்
பால்             - அரை லிட்டர் (காய்ச்சி ஆறவைத்தது)
சர்க்கரை         - 200 கிராம்
கண்டன்ஸ்டு மில்க்     - ஒரு டேபிள்ஸ்பூன்
சாரைப்பருப்பு         - 2 டீஸ்பூன்
முந்திரி, உலர் திராட்சை     - தேவையான அளவு
நெய்             - ஒரு டேபிள்ஸ்பூன்
ஏலக்காய்த்தூள்     - சிறிதளவு

நவராத்திரி நைவேத்தியங்கள்!

செய்முறை:  
வாணலியில் சிறிதளவு நெய்விட்டு, உடைத்த முந்திரி, சாரைப்பருப்பு, உலர்திராட்சை சேர்த்து வறுத்து தனியாக வைக்கவும். மீதமுள்ள நெய்யை குக்கரில்விட்டு சீரக சம்பா அரிசியைச் சேர்த்து 2 நிமிடங்கள் வறுக்கவும். இதனுடன் தேவையான அளவு தண்ணீர்விட்டு மூடி 5 விசில் விடவும். பிறகு, அடுப்பை சிறு தீயில் வைத்து மீண்டும் ஒரு விசில்விட்டு இறக்கவும். குக்கரில் ஆவி அடங்கிய பின்னர் மூடியைத் திறந்து, வெந்த அரிசியை நன்கு மசிக்கவும். இதனுடன் பால், சர்க்கரை, ஏலக்காய்த்தூள், கண்டன்ஸ்டு மில்க் சேர்த்து நன்கு கொதிக்கவிட்டு முந்திரி, உலர்திராட்சை, சாரைப்பருப்பு சேர்த்து இறக்கிப் பரிமாறவும்.

குறிப்பு:  ஒரு பங்கு அரிசிக்கு 4 பங்கு தண்ணீர்விட்டு குழைய வேகவிடவும்.

கல்கண்டு பாத்

தேவையானவை:
பச்சரிசி        - 200 கிராம்
கல்கண்டு         - 250 கிராம்
பால்             - 200 மில்லி (காய்ச்சி ஆறவைத்தது)
நெய்             - 100 மில்லி
முந்திரி, திராட்சை     - தேவையான அளவு
ஏலக்காய்த்தூள்     - சிறிதளவு
பச்சைக் கற்பூரம்      - ஒரு சிட்டிகை

நவராத்திரி நைவேத்தியங்கள்!

செய்முறை:
வாணலியில் சிறிதளவு நெய்விட்டு முந்திரி, திராட்சை சேர்த்து வறுத்து எடுக்கவும். அரிசியை அரை மணி நேரம் ஊறவைத்துக் களையவும். குக்கரில் அரிசியுடன் 200 மில்லி பால், 200 மில்லி தண்ணீர் சேர்த்து மூடி, 5 விசில்விட்டு இறக்கவும். குக்கரில் ஆவி அடங்கிய பின்னர் மூடியைத் திறந்து சாதத்தை நன்கு மசிக்கவும். இதனுடன் நெய், கல்கண்டு, சேர்த்துக் கலந்து சூடாக்கி, அடுப்பை சிறு தீயில் வைத்துக் கிளறி, ஏலக்காய்த்தூள், பச்சைக் கற்பூரம், வறுத்த முந்திரி, திராட்சை சேர்த்து நன்கு கலந்து இறக்கவும்.

தேங்காய்ப் பொங்கல்

தேவையானவை:
பச்சரிசி, வெல்லம்    - தலா 400 கிராம்
தேங்காய்த் துருவல்     - ஒரு கப்
நெய்             - 100 மில்லி
ஏலக்காய்த்தூள்     - கால் டேபிள்ஸ்பூன்
முந்திரி, உலர்திராட்சை     - தலா 10

நவராத்திரி நைவேத்தியங்கள்!

செய்முறை:
வாணலியில் சிறிதளவு நெய்விட்டு முந்திரி, திராட்சை, தேங்காய்த் துருவலை சேர்த்து வறுத்து எடுக்கவும். பச்சரிசியை ஒரு மணி நேரம் ஊறவைக்கவும். வெல்லத்துடன் மூழ்கும் அளவு தண்ணீர் ஊற்றி ஒரு கொதிவிட்டு இறக்கி வடிகட்டவும். குக்கரில் அரிசியுடன் தேவையான அளவு தண்ணீர் சேர்த்து மூடி 5 விசில்விட்டு இறக்கவும். குக்கரில் ஆவி அடங்கிய பின்னர் மூடியைத் திறந்து சாதத்தை நன்கு மசிக்கவும். இதனுடன் வெல்லக் கரைசல் சேர்த்துச் சூடாக்கி கிளறவும். ஏலக்காய்த்தூள், வறுத்த முந்திரி, திராட்சை, தேங்காய்த் துருவல் சேர்த்து நன்கு கலந்து இறக்கவும்.

காராமணி -  கேரட் சுண்டல்

தேவையானவை:
காராமணி - 250 கிராம்
கேரட் துருவல், தேங்காய்த் துருவல் -  தலா 2  டேபிள்ஸ்பூன்
கடுகு, உளுத்தம்பருப்பு - தலா ஒரு டீஸ்பூன்
மிளகாய்த்தூள் - சிறிதளவு
கரம் மசாலாத்தூள் - 2 சிட்டிகை
பெருங்காயத்தூள் - 2 சிட்டிகை
கறிவேப்பிலை - சிறிதளவு
எண்ணெய், உப்பு - தேவையான அளவு

நவராத்திரி நைவேத்தியங்கள்!

செய்முறை:
வெறும் வாணலியில் காராமணியை லேசாக வறுத்து 2 மணி நேரம் ஊறவைக்கவும். பிறகு, குக்கரில் காராமணியுடன் தேவையான அளவு உப்பு சேர்த்து வேகவைத்து எடுக்கவும்.  வாணலியில்  எண்ணெய்விட்டு கடுகு, உளுத்தம்பருப்பு, பெருங்காயத்தூள் தாளிக்கவும். இதனுடன் கறிவேப்பிலை,  கேரட் துருவல், மிளகாய்த்தூள், கரம் மசாலாத்தூள் சேர்த்து நன்கு வதக்கவும். பிறகு, வேகவைத்த காராமணி, தேங்காய்த் துருவல் சேர்த்துக் கிளறி இறக்கவும்.

வெள்ளை கொண்டைக் கடலை சுண்டல்

தேவையானவை:
வெள்ளை கொண்டைக்கடலை - 250 கிராம்
தேங்காய்த் துருவல் - 2 டேபிள்ஸ்பூன்
தோல் சீவி, துருவிய இஞ்சி - 2 டீஸ்பூன்
பச்சை மிளகாய் - 2 (ஒன்றிரண்டாக நசுக்கவும்)
கடுகு, உளுத்தம்பருப்பு - தலா ஒரு டீஸ்பூன்
பெருங்காயத்தூள் - 2 சிட்டிகை
பொடியாக நறுக்கிய கொத்தமல்லித்தழை - சிறிதளவு
கறிவேப்பிலை, எண்ணெய், உப்பு - தேவையான அளவு

நவராத்திரி நைவேத்தியங்கள்!

செய்முறை:
வெள்ளைக் கொண்டைக்கடலையை முதல் நாள் இரவே ஊறவைக்கவும். மறுநாள் களைந்து உப்பு சேர்த்து வேகவைத்து எடுக்கவும். வாணலியில் எண்ணெய்விட்டு கடுகு, உளுத்தம்பருப்பு, பெருங்காயத்தூள், கறிவேப்பிலை தாளிக்கவும். இதனுடன்  பச்சை மிளகாய், இஞ்சித் துருவல் சேர்த்து வதக்கவும். இறுதியாக வேகவைத்த கொண்டைக்கடலை, தேங்காய்த் துருவல் சேர்த்துக் கிளறவும். கொத்தமல்லித்தழை தூவி இறக்கவும்.

வேர்க்கடலை - மசாலா சுண்டல்

தேவையானவை:
பச்சை வேர்க்கடலை    - 250 கிராம்
தேங்காய்த் துருவல்    - 2 டேபிள்ஸ்பூன்
கடுகு, உளுத்தம்பருப்பு     - தலா ஒரு டீஸ்பூன்
கறிவேப்பிலை         - சிறிதளவு
பெருங்காயத்தூள்     -  ஒரு சிட்டிகை
எண்ணெய், உப்பு     - தேவையான அளவு
வறுத்து அரைக்க:
கடலைப்பருப்பு, உளுத்தம்பருப்பு  - தலா 2 டீஸ்பூன்,
சீரகம்         - கால் டீஸ்பூன்,
எள்             - 2 டீஸ்பூன்.

நவராத்திரி நைவேத்தியங்கள்!

செய்முறை:
வறுத்து அரைக்கக் கொடுத்துள்ள பொருள்களை வெறும் வாணலியில் சேர்த்து, அடுப்பை சிறு தீயில் வைத்து வறுத்து, பொடியாக அரைக்கவும். வேர்க்கடலையை முதல் நாளே ஊறவைக்கவும். மறுநாள் களைந்து உப்பு, தேவையான அளவு தண்ணீர் சேர்த்து வேகவைத்து எடுக்கவும்.  வாணலியில் எண்ணெய்விட்டு கடுகு, உளுத்தம்பருப்பு, கறிவேப்பிலை, பெருங்காயத்தூள் சேர்த்துத் தாளிக்கவும். இதனுடன் வேகவைத்த வேர்க்கடலை, அரைத்த பொடி சேர்த்துக் கிளறவும். இறுதியாக தேங்காய்த் துருவல் சேர்த்துக் கிளறி இறக்கவும்.

 தொகுப்பு: வெ.வித்யா காயத்ரி
படங்கள் - நா.ராஜாமுருகன்