Published:Updated:

மாதம் முழுவதும் தீபாவளி!

மாதம் முழுவதும் தீபாவளி!
பிரீமியம் ஸ்டோரி
மாதம் முழுவதும் தீபாவளி!

கே.குமார சிவாச்சாரியார்

மாதம் முழுவதும் தீபாவளி!

கே.குமார சிவாச்சாரியார்

Published:Updated:
மாதம் முழுவதும் தீபாவளி!
பிரீமியம் ஸ்டோரி
மாதம் முழுவதும் தீபாவளி!

தீபாவளி என்றாலே தீபங்களின் வரிசையால் நாடும் வீடும் ஒளிபெறும் நாளாகத்தான் எண்ணிக் கொண்டாடி

மாதம் முழுவதும் தீபாவளி!

வருகிறோம். தீபங்களின் வரிசையால் புற இருள் விலகினால் மட்டும் போதாது. நம் மனதை ஆக்கிரமித்திருக்கும் பொறாமை, சூது, வஞ்சகம், தானென்ற கர்வம் போன்ற தீய எண்ணங்களும் விலக வேண்டும்.

கிருஷ்ண பகவானின் திருவுளப்படி சத்யபாமாவால் நரகாசுரன் வதம் செய்யப்பட்ட நாளாக, நரகாசுரனின் விருப்பப்படி தீபாவளியைக் கொண்டாடி வருகிறோம்.

இருள் விலக ஒளி வேண்டும். அந்த ஒளிதான் கிருஷ்ண பரமாத்மா. அவர் அருளால் நாம் மன இருளைப் போக்க வேண்டும் என்பதை உணர்த்துவதே தீபாவளிப் பண்டிகையின் தத்துவம். இதை உணர்ந்து தீபாவளித் திருநாளைக் கொண்டாடுவோம்.

தீபாவளி என்பது ஐப்பசி மாதத்தில் வருவது. இந்த மாதத்தில் சூரியன் துலாம் ராசியில் சஞ்சரிப்பதால், இது துலா மாதம் என்றும் அழைக்கப்படுகிறது. துலாம் என்றால் தராசு முனையைப் போல் நடுநிலை தவறாமல் இருப்பது.

ஒட்டுமொத்த விகடனுக்கும் ஒரே ஷார்ட்கட்!

மாதம் முழுவதும் தீபாவளி!

அப்படி சத்தியபாமா நடுநிலையில் நின்று, மகன் என்றும் பாராமல் நரகாசுரனை வதம் செய்ததால், துலாம் மாதமான ஐப்பசி மாதத்தில் தீபாவளிப் பண்டிகை வருவது மிகவும் பொருத்தம்தான்.
இந்த வருடம் வரும் தீபாவளி மூன்று சிறப்புகளைக் கொண்டதாக அமைந்திருக்கிறது.

மாதம் முழுவதும் பலன் உண்டு

பொதுவாக ஐப்பசி மாதத்தின் மத்தி யில்தான் தீபாவளி வரும். ஆனால், இந்த முறை ஐப்பசி மாத முதல் தேதியிலேயே வருகிறது.

ஒரு நன்னாள் அந்த மாதத்தின் முதல் நாளில் வந்தால், அந்த நன்னாளின் பலன் களை அந்த மாதம் முழுவதுமே பெற்று விடும் என்கின்றன ஞானநூல்கள். அதன்படி இந்த ஐப்பசி மாதம் முழுக்கவே தீபாவளி நாளின்சிறப்பினைப் பெற்றுவிடுகிறது. ஐப்பசி முழுக்கவே செய்யப்படும் பூஜைகள், விரதங்கள் யாவும் தீபாவளி நாளின் பலன்களை நமக்கு அளிக்கும்.

மாதம் முழுவதும் தீபாவளி!

குபேர வேளையில்...

அடுத்ததாக,  தீபாவளிக்கு மறுநாள் அமாவாசை வருகிறது. இந்த நாளில் லட்சுமிகுபேர பூஜை நடைபெறும். இந்த ஆண்டு தீபாவளி புதன்கிழமை வருகிறது. மறுநாள் வியாழக்கிழமை தற்செயலாக குபேர வேளையிலேயே வருகிறது.

அதாவது ஒவ்வொரு வியாழக்கிழமை அன்றும் மாலை ஐந்து முதல் எட்டு மணி வரையிலான நேரம் குபேர வேளை எனப்படுகிறது. இந்த ஆண்டு மிகச் சரியாக குபேர வேளையில் இந்த லட்சுமிகுபேர பூஜை நடைபெற விருப்பதால் மிக விசேஷமாகக் கருதப்படுகிறது.

இந்த பூஜையில் லட்சுமி குபேரரை கலசத்தில் ஆவாஹணம் செய்து வழிபடுவது வழக்கம். இல்லங்கள், தொழிற்கூடங்கள், வணிகத்தலங்களில் செய்யப்படும் இந்த பூஜையால் செல்வவளம் கொழிக்கும் என்பது நம்பிக்கை.

அந்த வகையில் இந்த ஆண்டு வியாழக்கிழமை அன்று வரும் லட்சுமி குபேர பூஜை மிக மிகச் சிறப்பாக அமைந்துவிட்டது.

பித்ரு பூஜை

மூன்றாவதாக, தீபாவளிக்கு அடுத்து வரும் அமாவாசையும் வியாழக் கிழமையில் வருகிறது. வியாழன்

மாதம் முழுவதும் தீபாவளி!

என்றால் குரு. இருளில் இருக்கும் நம்மை வெளிச்சத்துக்குக் கொண்டுவருபவர் குரு. அவருக்கு உகந்த வியாழக்கிழமைகளில் வரும் அமாவாசை நாளில் பித்ருக்களுக்கான பூஜைகளைச் செய்தால் பன்மடங்கு பலன் கிடைக்கும்.

இந்த வருடம் தீபாவளிக்கு மறுநாள் வரும் வியாழக்கிழமையன்று காலையில் பித்ரு வழிபாடு செய்துவிட்டு, மாலையில் லட்சுமிகுபேர பூஜை செய்வது சிறப்பானது.

பித்ருக்களின் பூஜையைத் தவிர்த்துவிட்டு, செய்யப்படும் எந்த தெய்வ பூஜையும் பலன் அளிக்காது என்பது சாஸ்திர விதி. எனவே, தீபாவளிக்கு மறுநாள் வியாழக்கிழமை செய்யும் பித்ரு பூஜை, குரு பூஜை, லட்சுமிகுபேர பூஜை எல்லாமே சிறப்பான பலன்களைத் தரும்.

ஆக, இந்த தீபாவளியன்று காலையில் கங்கா ஸ்நானம் செய்து தீபாவளி கொண்டாடிவிட்டு, அடுத்த நாள் வியாழக்கிழமையன்று வரும் அமாவாசையன்று காலையில் பித்ரு பூஜை, குருபூஜை, லட்சுமிகுபேர பூஜை அனைத்தும் நமக்கு அளவற்ற நன்மைகளைத் தரும் என்பது உறுதி.

தொகுப்பு: மு.ஹரி காமராஜ்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism