Published:Updated:

சகலமும் சாயி! - ‘அந்த பிரசாதத்தை எடுக்காதே’

சகலமும் சாயி! - ‘அந்த பிரசாதத்தை எடுக்காதே’
பிரீமியம் ஸ்டோரி
சகலமும் சாயி! - ‘அந்த பிரசாதத்தை எடுக்காதே’

எஸ்.கிருஷ்ண மூர்த்தி

சகலமும் சாயி! - ‘அந்த பிரசாதத்தை எடுக்காதே’

எஸ்.கிருஷ்ண மூர்த்தி

Published:Updated:
சகலமும் சாயி! - ‘அந்த பிரசாதத்தை எடுக்காதே’
பிரீமியம் ஸ்டோரி
சகலமும் சாயி! - ‘அந்த பிரசாதத்தை எடுக்காதே’

நான் `ஷீர்டி சன்ஸ்தான் டிரஸ்ட்'டின் பெங்களூரு மையத்தில் சேவை செய்து வருகிறேன். ஸ்ரீசாயியின் திருவருளால் எனக்கு ஏற்பட்ட சிலிர்ப்பான அனுபவம் ஒன்றை உங்களோடு பகிர்ந்துகொள்ள விரும்புகிறேன்.

பெங்களூரிலிருந்து ஷீர்டிக்குச் செல்ல விரும்புபவர்களுக்குத் தேவையான முன்பதிவு போன்ற வசதிகளை ஏற்பாடு செய்து தருவது என்னுடைய பணி. அப்படி நான் ஏற்பாடுகள் செய்துகொடுத்து, ஷீர்டிக்குச் சென்று வருபவர்களில் பலரும் என்னை வந்து பார்த்து நன்றி சொல்லிவிட்டு, ஷீர்டி பிரசாதத்தையும் கொடுத்துவிட்டுச் செல்வார்கள். அவர்கள் கொடுக்கும் பிரசாதத்தை மையத்தில் இருக்கும் மற்றவர்களுக்குக் கொடுத்துவிட்டு, நானும் கொஞ்சம் பிரசாதம் எடுத்துக்கொள்வேன்.

ஒரு வியாழக்கிழமையன்று இரவு சுமார் 7 மணிக்கு அன்பர் ஒருவர் வந்து என்னைச் சந்தித்தார். அவர் என்னிடம், ‘`பாபா அருளா லும் உங்களுடைய உதவியாலும் ஷீர்டி யாத்திரை நல்லபடி முடிந்தது. மனம் குளிர பாபாவைப் பலமுறை தரிசிக்கும் வாய்ப்பும் எனக்குக் கிடைத்தது. உங்களுக்கு ஷீர்டியில் இருந்து பிரசாதம் கொண்டுவந்திருக்கிறேன்'’ என்று சொல்லி, உதி மற்றும் இனிப்புகள் அடங்கிய ஒரு பொட்டலத்தை என் கையில் கொடுத்துச் சென்றார்.

சகலமும் சாயி! - ‘அந்த பிரசாதத்தை எடுக்காதே’

ஒட்டுமொத்த விகடனுக்கும் ஒரே ஷார்ட்கட்!

அப்போது கூட்டம் அதிகம் இருந்தபடியால், வேலை மிகுந்துவிட என்னால் எங்கும் நகர முடியவில்லை. இரவு 9 மணியளவில் கூட்டம் சற்றுக் குறைந்த பிறகு, ஷீர்டி பிரசாதத்தை எடுத்துக் கோயிலில் உள்ளவர் களுக்குக் கொடுக்க நினைத்தேன்.

அப்போது, ‘அந்த பிரசாதத்தை எடுக்காதே’ என்று உத்தரவு போல் ஒரு குரல் எனக்குக் கேட்டது. இத்தனைக்கும் அங்கே பாபாவின் திருவுருவப் படத்தைத் தவிர வேறு யாரும் இல்லை.

எனவே, மறுபடியும் நான் அந்த பிரசாதத்தை எடுக்கச் சென்றபோது, ‘அதை எடுக்காதே. அது வேறு ஒருவருக்குச் சேர வேண்டியது’ என்று அழுத்தமாக மீண்டும் அந்தக் குரல் ஒலித்தது. எனவே, நான் அந்த பிரசாதத்தை எடுக்கவில்லை.

சிலிர்ப்பும் தவிப்புமாகக் கழிந்தது பொழுது. சற்றுப் பொறுத்து பெண்மணி ஒருவர் தன் கணவருடன் கவுன்ட்டருக்கு அருகில் வந்தார். அவருடைய முகத்தில் கவலையும் வேதனையும் பிரதிபலிப்பதை என்னால் புரிந்துகொள்ள முடிந்தது.

அவர் என்னிடம், `‘சார், என் வீட்டில் இரண்டு நாளா ஒரே பிரச்னையாக இருக்கிறது. மனதுக்கு மிகவும் வேதனையாக இருக்கிறது. எனக்குத் தெரிந்த ஒருவர்தான் பாபா கோயிலுக்குச் சென்றால் பாபாவின் பிரசாதம் கிடைக்கும் என்று சொன்னார்கள். அதனால்தான் நான் என் கணவருடன் வந்துள்ளேன்’’ என்றார்.

அப்போது, ‘அந்த பிரசாதப் பொட்டலங் களைக் கொடு’ என்று உத்தரவு போல் ஒரு குரல் கேட்டது. நானும் அனிச்சையாக அந்தக் குரலுக்குக் கட்டுப்பட்டு ஷீர்டி பிரசாதப் பொட்டலத்தை எடுத்து அந்தப் பெண்மணியிடம் கொடுத்து, `‘இது ஷீர்டி பிரசாதம். பாபா உங்களுக்காகவே அனுப்பியிருக்கிறார். உங்கள் கவலைகள் விரைவில் தீரும்’' என்று சொன்னேன்.

சகலமும் சாயி! - ‘அந்த பிரசாதத்தை எடுக்காதே’

ஷீர்டியில் இருந்துவந்த பிரசாதம் என்றதுமே அந்தப் பெண்மணியின் கண்களில் நீர் பெருக்கெடுக்க, ‘`நான் இதை எதிர்பார்க்கவே இல்லை. பாபா எனக்காக ஷீர்டியில் இருந்து இனிப்பும் உதி பிரசாதமும் அனுப்பியதை நான் எனது பாக்கியமாகவே நினைக்கிறேன். இனி என் கவலைகள் எல்லாம் தீர்ந்துவிடும்'' என்று நம்பிக்கையுடன் சொல்லிவிட்டு அருகில் இருந்த பாபா கோயிலுக்குச் சென்றார்.  அவருடைய நம்பிக்கை நிச்சயம் வீண் போகாது. ஷீர்டி ஸ்ரீசாயிபாபாவின் திருவருளால் அவருடைய கவலைகள் விரைவில் நீங்கி மறுபடியும் பாபாவுக்கு நன்றி சொல்ல வருவார் என்று நானும் நம்பிக்கையோடு காத்திருக்கிறேன்.

அன்பார்ந்த வாசகர்களே!

ஸ்ரீசாயியின் திருவருளால் உங்கள் வாழ்விலோ, உங்கள் உறவினர்கள் மற்றும் நண்பர்கள் வாழ்விலோ பல அற்புதங்கள் நிகழ்ந்திருக்கலாம். அந்த அற்புத அனுபவங்களை எங்களுக்கு எழுதி அனுப்புங்கள்.  அவற்றில் சிறப்பான அனுபவங்கள் சக்தி விகடன் இதழில் இடம்பெறுவதுடன், அவற்றுக்குச் சிறப்புப் பரிசும் காத்திருக்கிறது. 

அனுப்பவேண்டிய முகவரி:

‘சகலமும் சாயி - அனுபவம் அற்புதம்’ பகுதி,
சக்தி விகடன், 757, அண்ணாசாலை, சென்னை-2
இ.மெயில் முகவரி: sakthi@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism