Published:Updated:

ஆஞ்சநேய ரக்ஷமாம்!

ஆஞ்சநேய ரக்ஷமாம்!
பிரீமியம் ஸ்டோரி
ஆஞ்சநேய ரக்ஷமாம்!

மு.ஹரி காமராஜ் - படம்: உ.பாண்டி

ஆஞ்சநேய ரக்ஷமாம்!

மு.ஹரி காமராஜ் - படம்: உ.பாண்டி

Published:Updated:
ஆஞ்சநேய ரக்ஷமாம்!
பிரீமியம் ஸ்டோரி
ஆஞ்சநேய ரக்ஷமாம்!

அனுமன் பாடிய ராகம்!

எந்நேரமும் ஸ்ரீராம நாமத்தை ஜபித்துக்கொண்டிருக்கும் அனுமன் சிறந்த இசைவாணரும்கூட. அனுமனின் சிறு வயதில் அவர் செய்த சுட்டித்தனங்களைப் பொறுக்கமுடியாத அகத்திய மகரிஷி, அனுமனை சாந்தப்படுத்தி அவரின் மனதை ஒருமுகப்படுத்துவதற்காக, அவருக்கு வீணை வாசிக்கக் கற்றுக்கொடுத்தாராம். இசைஞானம் கைவந்ததும் குண்டக்ரியை எனும் ராகத்தைக் கண்டறிந்து முதன்முதலில் பாடினார் அனுமன். இசை மேதை என்று கர்வம் கொண்டிருந்த நாரதரை அடக்கவே இந்த ராகத்தை இசைத்தாராம் அனுமன்.

ரோமமும் ஜபிக்கும் ராம நாமத்தை...

‘ரோம ரோமமு ராம நாமமே’ என்று சிறப்பிப்பார்கள் சான்றோர்கள். அதாவது ராமபக்தியில் அனுமனை மிஞ்சக்கூடிய எவரும் இல்லையாம். அனுமனின் உடலில் இருக்கும் ஒவ்வொரு முடியும் கூட ராமநாமத்தை ஜபித்தபடியே இருக்கும் என்ற பொருளில் இந்த வாக்கியம் அமைந்தது.

ஆஞ்சநேய ரக்ஷமாம்!

சுந்தர காண்டம்

ராமாயணத்தில் முழுக்க முழுக்க அனுமனின் சிறப்பைச் சொல்லும் பகுதி சுந்தரகாண்டம். சுந்தரன் என்றால் ஆஞ்சநேயர் என்று ராமாயணம் குறிப்பிடுகிறது. சுந்தரகாண்டத்தைப் படித்தால் வாழ்வின் எல்லாத் துயரங்களும் நீங்கும் என்றும், அதன் பாடல் ஒவ்வொன்றும் சர்வரோக நிவாரணி என்றும் போற்றப்படுகிறது.

ரகுவம்ச ரட்சகன்!

ஆஞ்சநேயரை ரகுவம்ச ரட்சகன் எனப் போற்றுவோம். ஏன் தெரியுமா? அசோகவனத்தில் இருந்த சீதாதேவிக்குத் தக்க தருணத்தில் ராமனின் கணையாழியைக் காட்டிக் காப்பாற்றியவர் அனுமன். போர்க்களத்தில் லட்சுமணன் மூர்ச்சையாகி விழ, அதனால் ஏற்பட்ட துக்கத்தில் ராமனும் சாகத் துணிந்தார். அப்போது சஞ்சீவி மலையைக் கொண்டு வந்து இருவரையுமே காத்தார் அனுமன். ராமபிரான் அயோத்தி வருவதற்குத் தாமதமானதால் தீப்புகுவதற்குத் தயாரான பரதனை, தக்க தருணத்தில் சென்று ராமனின் வருகையை அறிவித்துக் காத்ததும் அனுமனே.  

அதுமட்டுமா? தன் பிள்ளைகள் என்றறியாமல், லவ குசரை ராமன் அழிக்கத் துணிந்தபோது, சீதாபிராட்டியை அழைத்துவந்து உண்மையை உணர்த்தி அவர்களைக் காத்ததும் அனுமன்தான். எனில், ரகுவம்ச ரட்சகன் என்ற சிறப்பு அனுமனுக்கு முற்றிலும் பொருந்தும்தானே?!

ஆஞ்சநேய ரக்ஷமாம்!

ஆஞ்சநேய ஜயந்தி

மார்கழி மாத அமாவாசை அன்று, மூல நட்சத்திரம் கூடிய வேளையில் ஆஞ்சநேயர் பிறந்ததால் அன்றைய தினத்தையே அனுமன் ஜயந்தியாகக் கொண்டாடுகிறோம். ஆனால், ஆந்திராவில் சித்திரை மாதப் பௌர்ணமி தினத்தையே   கொண்டாடுகிறார்கள். வடமாநிலங்கள் சிலவற்றில், வைகாசி பௌர்ணமிக்கு அடுத்துவரும் செவ்வாய்க் கிழமையில் அனுமனைச் சிறப்பிக்கிறார்கள்.கர்நாடக மாநிலத்தில் அனுமன் ஜயந்தியை ஒரு வார காலத்துக்குக் கொண்டாடுகிறார்கள். அங்கே ஸ்ரீமத்வாச்சார்யரை அனுமனின் அம்சமாகவே சிறப்பிக்கிறார்கள். 15-ம் நூற்றாண்டில் வாழ்ந்த ஸ்ரீவியாசராய தீர்த்தருக்கு அனுமன் 14 முறை காட்சி தந்து வேதங்களை விளக்கினாராம். சுமார் 732 இடங்களில் அனுமனைப் பிரதிஷ்டை செய்து ஆலயம் எழுப்பியுள்ளார் ஸ்ரீவியாசராயர்.

சிலம்பக்கழி

அனுமனின் வாலை ‘சிலம்பக்கழி’ என்று சித்திரிக்கின்றன ஞான நூல்கள். எவராலும் வெல்ல முடியாத அற்புதம் அனுமனின் வால் என்று இலக்கியங்கள் ஆராதிக்கின்றன.இலங்கையைத் தீயூட்ட, அனுமன் அமர்ந்து கொள்வதற்கு ஓர் ஆசனமாக, அரக்கர்களைக் கட்டிப்போட, ஆகாசத்தை எட்டித்தொட, சனி பகவானின் செருக்கினை வெட்டித்தள்ள என்று அனுமனின் வால் செய்த லீலைகளைச் சொல்லிக்கொண்டே போகலாம். அதனால் அனுமனை வணங்கும்போது வாலையும் தரிசித்து வணங்குவது விசேஷம் என்பார்கள்.