Published:Updated:

அர்ஜுனனைக் காத்த அனுமந்த கொடி!

அர்ஜுனனைக் காத்த அனுமந்த கொடி!
பிரீமியம் ஸ்டோரி
அர்ஜுனனைக் காத்த அனுமந்த கொடி!

அர்ஜுனனைக் காத்த அனுமந்த கொடி!

அர்ஜுனனைக் காத்த அனுமந்த கொடி!

அர்ஜுனனைக் காத்த அனுமந்த கொடி!

Published:Updated:
அர்ஜுனனைக் காத்த அனுமந்த கொடி!
பிரீமியம் ஸ்டோரி
அர்ஜுனனைக் காத்த அனுமந்த கொடி!

காபாரதத்தில் சிறந்த வில்வீரனாகப் புகழ் பெற்றிருந்த அர்ஜுனன் பாரத தேசம் முழுவதும் யாத்திரை மேற்கொண்டான். அப்போது அவன் சேதுக்கரைக்கும் வந்தான்.

அங்கே, வானரங்கள் அமைத்த பாலத்தைக் கண்டதும், `நான் மட்டும் அப்போது இருந்திருந்தால்,  நொடிப்பொழுதில் என் பாணங்களாலேயே பாலம் அமைத்திருப்பேன்' என்று மனதில் எண்ணிக் கொண்டான். தொடர்ந்து, அங்கு தென்பட்ட வானரத்திடம் அனுமன்தான் அவர் என்பதை அறியாமல் போட்டிக்கு இழுத்துத் தோல்வியுற்றான்.

அர்ஜுனனைக் காத்த அனுமந்த கொடி!

ஆம், வானரமான அனுமன் பாதத்தை வைத்ததுமே சரிந்து விழுந்தது பாலம். தோல்வியடைந்த அர்ஜுனன் உயிரை மாய்த்துக்கொள்ளத் துணிந்தபோது, அந்தணராக வந்த கிருஷ்ணர், மீண்டும் போட்டிக்கு ஏற்பாடு செய்து அவனைத் தடுத்தாட்கொண்டதையும், கர்வத்தை விலக்க வேண்டியதன் அவசியத்தை உணர்த்தியதையும் விளக்கும் திருக்கதையை நாமறிவோம். தொடர்ந்து தான் யாரென்பதை வெளிப்படுத்தி கிருஷ்ணரைத் தொழுத அனுமன், அர்ஜுனனுக்கு அருள்செய்தார். மகாபாரதப் போரில் தான் அர்ஜுனனின் தேர்க் கொடியில் இருந்து காப்பதாக வரமும் அளித்தார்.

நாள்கள் நகர்ந்தன. பாரதப் போர் தொடங்கியது. அர்ஜுனனுக்கும் கர்ணனுக்கும் இடையேயான போரின்போது, அர்ஜுனன் தனது கணையால் கர்ணனின் தேரைத் தாக்கி, அதை நூறு கஜ தூரத்துக்குப் பின்னோக்கிச் செல்லும்படி நகர்த்தினான். அதனால் கோபமான கர்ணனும் முன்னேறி வந்து தனது கணையால் அர்ஜுனனின் தேரைத் தாக்கினான். அர்ஜுனனின் தேர், பத்து கஜ தூரத்துக்குப் பின்னால் நகர்ந்தது. இதைக் கண்ட கிருஷ்ணர், ‘சபாஷ் கர்ணா’  என்று பாராட்டினார். இது கேட்டு துக்கமடைந்த அர்ஜுனன், கிருஷ்ணரிடம், ‘நான் நூறு கஜம் போகுமாறு கணையைச் செலுத்தினேன், அப்போது என்னைப் பாராட்டாமல், வெறும் பத்து கஜ தூரம் அளவுக்கு நம்மைப் பின்னோக்கிப் போகச் செய்த கர்ணனைப் பாராட்டுவது நியாயமா’ என்று ஆதங்கத்துடன் கேட்டான்.

கிருஷ்ணன் புன்னகையோடு அவனுக்குப் பதில் சொன்னார்: “அர்ஜுனா, இரு தேர்களும் ஒரே மாதிரியானவை; தேர்கள் ஒவ்வொன்றிலும் இருப்பது இருவர் மட்டுமே என்ற எண்ணத்தில் நீ நூறு கஜம், பத்து கஜம் என்று கணக்கிடுகிறாய்.

ஆனால், நமது தேருக்கு மேலே பறந்துகொண் டிருக்கும் கொடியில் வீற்றிருக்கும் அனுமனின் பலம் என்னவென்று உனக்குத் தெரியுமா? அனுமன் தனது ‘மகிமா’ சக்தியினால் மலை போன்ற வலிமையை இந்தத் தேருக்குச் செலுத்தியுள்ளார். அந்த நிலையிலும் கர்ணன் தன் அஸ்திரத்தால் பத்து கஜ தூரத்துக்கு நமது தேரினைப் பின்னோக் கித் தள்ளியிருக்கிறான் என்றால், அவன் திறமையைப் பாராட்டித்தானே ஆகவேண்டும்?

அவன் சிறந்த வில்லாளி என்பதைப் புரிந்துகொள்’ என்றார். அர்ஜுனனும் புரிந்துகொண்டு தலை வணங்கினான்.

போர் நிறைவடையும் வரையிலும் அர்ஜுனனுக்குக் காப்பாக இருந்தது அனுமனின் அனுக்கிரகம். போரின் நிறைவில்... வழக்கத்துக்கும் நியதிக்கும் மாறாக அர்ஜுனனை முதலில் இறங்கச் சொல்லி விட்டு, பிறகு கிருஷ்ணர் இறங்கினார். தொடர்ந்து, கொடியிலிருந்து அனுமனும் விடை பெற்றுக் கொள்ள, தேர் தீப்பிடித்து எரிந்தது.

அர்ஜுனனை மட்டுமல்ல தம்மை வணங்கும் அடியவர்களையும் அனவரதமும் காத்து நிற்பார் ஆஞ்சநேயர். மலையளவு பெரிதான துன்பங்களும் அவரருளால் கடுகளவாகச் சிறுத்துக் காணாமல் போகும்.

- மு.ஹரி காமராஜ்