திருத்தலங்கள்
தொடர்கள்
Published:Updated:

கேள்வி பதில் - மதியப் பொழுதில் விளக்கேற்றலாமா?

கேள்வி பதில் - மதியப் பொழுதில் விளக்கேற்றலாமா?
பிரீமியம் ஸ்டோரி
News
கேள்வி பதில் - மதியப் பொழுதில் விளக்கேற்றலாமா?

சேஷாத்ரிநாத சாஸ்திரிகள்

? மதுரையில் அருளும் பாண்டி முனீஸ்வரரையே குலதெய்வமாக வணங்கி வருகிறோம் நாங்கள். ஆனால், சமீபத்தில் ஜோதிடர் ஒருவர் ஒரு பெண் தெய்வமே எங்களின் குலதெய்வம் என்கி றார். இந்த நிலையில் நாங்கள் என்ன செய்வது?

- க.இசக்கிமுத்து, சென்னை-44

கேள்வி பதில் - மதியப் பொழுதில் விளக்கேற்றலாமா?



குலதெய்வத்தை நிர்ணயம் செய்வது ஜோதிடம் அல்ல. ஆராதனை செய்ய வேண்டிய வேளையை வரையறுப்பதோடு அதன் வேலை முடிந்துவிடும். இதற்கு, ‘கால விதான சாஸ்திரம்’ என்று பெயர். மனம் விரும்பிய இறை உருவத்தை நம் முன்னோர் குலதெய்வமாக ஏற்று வழிபட்டனர். அவர்கள், ஜோதிடரை அணுகி குலதெய்வத்தைத் தேர்ந்தெடுக்கவில்லை.

முன்னோர் வணங்கிய தெய்வம் தங்களுக்குத் தெரியவில்லை. தாங்களாக ஒரு குலதெய்வத்தை ஏற்றுப் பணிவிடை செய் கிறீர்கள் என்று வைத்துக்கொள்வோம். தெரியாத குலதெய்வத்தை வணங்காதது தவறாகாது.

தாங்கள் வணங்கும் குலதெய்வம், எல்லா தவறுகளிலிருந்தும் உங்களைக் காப்பாற்றும். எல்லா தெய்வங்களிலும் உறைந்திருக்கும் சக்தி ஒன்றுதான். விருப்பத்துக்கேற்ப தேர்ந்தெடுப்பது தவறில்லை.

கேள்வி பதில் - மதியப் பொழுதில் விளக்கேற்றலாமா?

? வீட்டில் மதியப் பொழுதில் விளக்கேற்றி வழிபடலாமா?

- எஸ்.அபர்ணா, ஆத்தூர்

மருந்து சாப்பிடுவதற்கான காலத்தை மருத்துவர் சுட்டிக் காட்டுவார். அலுவலகம் வருவதற்குக் குறிப்பிட்ட நேரம் உண்டு. காபி அருந்துவது மற்றும் உணவு உட்கொள்வது ஆகியவற்றுக்கும் நேரம் காலம் ஒதுக்குகிறோம். அதிகாலையில் எழுந்து உடலைச் சுத்தம் செய்து விட்டு (நீராடுதல்) விளக்கேற்ற வேண் டும். இந்த விளக்கு, வெளிச்சத்துக்காகவா? வாழ்க்கை ஒளிமயமானதாக விளங்க வேண்டும் என்பதற்காகத்தானே? ஆதவன் தனது கதிர்களால் உணர்த்தி, நம்மை வேலையில் ஈடுபடத் தூண்டுகிறான். நமது அன்றாடப் பணிகள், விளக்கொளியுடன் ஆரம்பமாக வேண்டும் அல்லவா? வாழ்வின் துவக்கம் இருளாக இருக்க வேண்டுமா என்ன? சிந்தியுங்கள்!

? உப்பிலியப்பன் கோயிலில் மட்டும்தான் ஸ்வாமிக்கு உப்பு இல்லாத நைவேத்தியம் என்று அறிந்திருக்கிறேன். ஆனால், எல்லா கோயில் களிலுமே மகா நைவேத்தியத்தில் உப்பு சேர்க்க மாட்டார்கள் என்கிறார் பெரியவர் ஒருவர். ஏன் அப்படி?

கேள்வி பதில் - மதியப் பொழுதில் விளக்கேற்றலாமா?


- டி.கே.விசுவநாதன், தூத்துக்குடி

மகா நைவேத்தியம் - உப்பு கலக்காமல் இருக்க வேண்டும். அதில் பருப்பைச் சேர்த்தால் அதிலும் உப்பு இருக்கக் கூடாது. உப்பு இருந்தால், அது மகா நைவேத்தியம் என்ற தகுதியை இழந்துவிடும். சர்க்கரைப் பொங்கலில் உப்பு இருக்காது. அது மகா நைவேத்தியம்.

மகா நைவேத்தியம் என உப்பு இல்லாமல் செய்து, பிறகு அதனுடன் உப்புப் பண்டங்களைச் சேர்த்தால், அவற்றுக்கு மகா நைவேத்திய தகுதி கிடையாது. கோயில்களின் அன்றாட பூஜைகளில் உப்பில்லா அன்னமே நிவேதனம் செய்யப்படுகிறது. சுகாதாரத்தைத் திரும்பப் பெற, உப்பில்லா பத்தியம் இருந்து மருந்து உட்கொள்வது உண்டு. ஆண்டவன் ஆராதனையில் ஈடுபடுபவன் உப்பில்லாப் பண்டத்தை ஏற்றுச் செயல்படுவான். விரதங்களை ஏற்பவர், உப்பில்லாப் பண்டத்தை, அதாவது இனிப்பை மட்டும் ஏற்பார்கள்.

பூணூலை ஏற்கத் தயாராகும் சிறுவன், இனிப்பை உண்டு, உப்பைத் தவிர்க்கிறான். குழந்தையின் முதல் உணவூட்டல் நிகழ்வில் (அன்ன ப்ராசனம்) உப்பைத் தவிர்த்து இனிப்பை மட்டும் அளிப்பார்கள். பித்ருக்களுக்கு அளிக்கும் பிண்டத்தில் உப்பு இருக்காது. பத்தாம் நாள் பிரபூதபலி தின்பண்டங்களில் உப்பு இருக்காது. உப்பு உணவுப் பொருள் அன்று. உணவுக்குச் சுவை கூட்ட சேர்க்கப்படும் பொருள். சமாராதனையில் உணவருந்தும் அந்தணர்கள் முதலில் உப்பில்லா அன்னத்தை உட்கொள்வார்கள். உடல்நலனுக்கு அறுசுவை தேவைப் படுவதால், பிறகு உப்புப் பண்டங்களைச் சேர்த்துக்கொள்வார்கள்.

உடலுக்குள் உறைந்திருக்கும் பிராணனுக்கு உப்பில்லா அன்னம் சேர வேண்டும். பிராணன்தான் கடவுள். அவருக்கு உப்பு தேவை இல்லை. நைவேத்தியத்தின் தூய்மை இழக்காமல் இருக்க உப்பைத் தவிர்க்கலாம். அதன் தரத்தை உயர்த்த சர்க்கரைப் பொங்கலாக மாற்றி உப்பைக் கலக்க முடியாமல் செய்யலாம்.

கேள்வி பதில் - மதியப் பொழுதில் விளக்கேற்றலாமா?

? வீட்டில் மகா மேருவை வைத்து வழிபடலாமா?

- எம்.பார்வதிநாதன், திருப்பூர்-2

ஸனாதன மதத்துக்குட்படாத வழிபாட்டு முறையும் உண்டு. இதற்கு தந்திர சாஸ்திரம் என்று சிறப்புப் பெயரே இருக்கிறது. இந்த தந்திர சாஸ்திரத்தின்படிதான் அம்பாளை பரம்பொருளாகப் பாவித்து வழிபடுகிறோம்.

ஸ்ரீயந்திரம் மற்றும் மகா மேரு ஆகியன தந்திர சாஸ்திர வழிபாட்டின் அடையாளங்கள். இவற்றை வீடுகளில் வைத்து பூஜிப்பதும் வழிபடுவதும் தவறில்லை.

கேள்வி பதில் - மதியப் பொழுதில் விளக்கேற்றலாமா?

? வீட்டில் வழிபாட்டின்போது ஸ்வாமிக்கு வாழைப்பழம், வெற்றிலைப் பாக்கு வைத்து வணங்குவோம். அதில், வெற்றிலையின் காம்பு நம்மை நோக்கி இருக்கும்படி வைக்க வேண்டும் என்கிறார் மூதாட்டி ஒருவர். அது ஏன்?

- சி.சங்கரி லிங்கம், கருங்குளம்

அவர் சொல்வது சரிதான். வெற்றிலையின் காம்பு நம்மைப் பார்த்து... அதாவது பூஜை செய்பவரைப் பார்த்து இருக்க வேண்டும். உபயோகமற்ற - கிள்ளி எறியப்படும் பாகம் காம்பு. அது நம்மை நோக்கியும், உட்கொள்ளப்படும் பாகம் ஸ்வாமியை நோக்கியும் இருக்க வேண்டும்.

? ஒருமுறை, சாப்பிட்ட பிறகு தட்டிலேயே கை கழுவியதற்காகக் கடிந்துகொண்டார் என் தந்தை. அதன் பிறகு அந்தப் பழக்கத்தை விட்டு விட்டேன். எனினும், அதற்கான காரணத்தை அறிந்துகொண்டால், என் குழந்தைகளுக்கு வழிகாட்ட உதவியாக இருக்கும். இதுகுறித்து விளக்குங்களேன்.

- கே.முருகேசன், தாழையூத்து


காகம், உணவு உட்கொண்ட இடத்திலேயே எச்சம் இடும். பசு, வைக்கோலை மென்று கொண்டே, தரையில் உள்ள வைக்கோலில் சாணமிடும். இவை, ஆறறிவு இல்லாத உயிரினங்கள். ஆறாம் அறிவு பயனுள்ளதாக இருக்க சில நடைமுறைகள் தேவைதானே? ஆகவே, சுகாதார நோக்கிலும் சாஸ்திரக் கண்ணோட்டத்திலும் தட்டில் கைகழுவுவது தவறு எனப் பெரியோர்கள் வலியுறுத்தினர். எச்சில் நீரில் கண்ணுக்குப் புலப்படாத கிருமிகள் இருக்கலாம். இவற்றால் பலருக்கு விபரீத விளைவுகள் நேரலாம். காற்று, தொடு பலன், நீர் ஆகியவை மூலம் பிணிகள் இடம் மாறுவதாகச் சொல்கிறது ஆயுர்வேதம். நாகரிகமாக நடப்பதும் சுகாதாரத்தைப் பேணிக் காப்பதும் மிக மிக அவசியம்!

- பதில்கள் தொடரும்...