பிரீமியம் ஸ்டோரி

ம்மில் பலரும், ஆரூர் தியாகேசரை கண்ணாரத் தரிசித்து மனம் மகிழ்ந்திருப்போம். அந்த மகிழ்ச்சியை, சிலிர்ப்பை பன்மடங்காக்க வல்லவை ஆரூரானின் அலங்கார நுட்பங்கள். இதோ... தியாகராஜ அலங்காரத்தின் சிலிர்ப்பூட்டும் நுட்ப விளக்கங்கள் இங்கே உங்களுக்காக!

சிம்மாசனம்:
பூங்கோயிலில், முத்து விதானத்தின் கீழ் 16 சிம்மங்களால் தாங்கப்படும் சிம்மாசனத்தில் எழுந்தருளியுள்ளார் தியாகராஜர். இதனை ரத்தின சிம்மாசனம், மந்திர சிம்மாசனம், பஞ்சபிரம்ம சிம்மாசனம் என்றும் அழைப்பர். அவரின் இடப்புறம் கொண்டிதேவி அருள்கிறாள்.

வீரகட்கம்:
தியாகேசரின் மறக்கருணையை வெளிப்படுத்துபவை வீரகட்கம் எனப்படும் வாள்கள். இவை, பெருமான் ஆரூரில் அரசனாக வீற்றிருந்து ஆட்சிபுரிந்ததைக் குறிப்பன.

தியாகராஜ அலங்காரம்!

தியாகப் பரிவட்டம்: தியாகேசருக்கு அணிவிக்கப்படும் நீண்ட துணியே தியாகபரிப் வட்டம். இத்தகைய 18 பரிவட்டங்களைக் கொண்டு, உள் அலங்காரம் செய்து, அதன்மீது பட்டுத் துணிகளையும் அவற்றுக்கும் மேலாக ஆபரணங்களும் அணிவிக்கப்படுகின்றன.

லிங்கப்பட்டு: நீலநிறப்பட்டுத் துணியில் சரிகை வேலைப்பாடாக அமைந்த இந்த லிங்க உருவை பூமி தத்துவ லிங்கம் என்பர். இது, சிறப்பு நாள்களில் மட்டுமே அணிவிக்கப்படும்

நறுந்திலகம்: தியாகேசருக்குச் சந்தனத் திலகமிட்டு அதன்மீது, குங்குமப் பூவையும் பச்சைக் கற்பூரத்தையும் சேர்த்து இழைத்தால் வரும் சிவப்பு நிறத் திரவியத்தையே திலகமாக இடுகின்றனர்.

தலைச்சீரா: இது இறைவனின் திரு முடியை அலங்கரிக்கும் ஒருவகை அணி.

தியாகராஜ அலங்காரம்!



செவ்வந்தித் தோடுகள்: திருமுடியின் இருபுறமும் பிறைகளையொட்டி பூவால் தொடுத்து அமைக்கப்படுபவையே செவ்வந்தித் தோடுகள். இதனால் இவரைச் செவ்வந்தித் தோடழகர் என்றும் சிறப்பிப்பார்கள்.

தியாக விநோதம்: பெருமானுக்கு காலையிலும் மாலையிலும் அணிவிக்கப்படும் கருஞ்சாந்து ‘கிருஷ்ணகந்தம்’ எனப்படும். 18 மூலிகைகள், சந்தனம், தூயநெய் ஆகியவற்றைக் கொண்டு தயாரிக்கப்படும் இதனைப் பெருமானின் செவ்வந்தித் தோடுகளில் பூசி அதனை அணிவிப்பர். அத்துடன், மாலைநேரப் பூசையின்போது அன்பர்களுக்கு அளிக்கும் விபூதியிலும் கலந்து தருகின்றனர். இதனைத் `தியாக விநோதம்' என்றும் அழைப்பர்.

சிர மாலை: தியாகராஜரின் மார்பில் தலைமாலைச்சரம் ஒன்று திகழ்கிறது. கோடானு கோடி ஆண்டுகளில் படைத்து அளித்து மாண்டுபோன பிரம்மர்களை நினைவு கூறும் வகையில் அமைந்ததே இந்த மாலையாகும்.

கிண்கிணிக் காலழகர்: பெருமானின் பாதங்களில் கிண்கிணிகள் அணிவிக்கப் பெற்றுள்ளன. எனவே அவர் `கிண்கிணிக் காலழகர் என்று அழைக்கப்படுகின்றார். இந்தத் திருவடியை, அப்பர் பெருமான் `ஆடவரக் கிண்கிணிக்கால் அன்னானோர் சேடனை’ என்று பாடியுள்ளார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு