Published:Updated:

ஞாயிறு போற்றுதும்... ஞாயிறு போற்றுதும்!

ஒட்டுமொத்த விகடனுக்கும் ஒரே ஷார்ட்கட்

Use App
ஞாயிறு போற்றுதும்... ஞாயிறு போற்றுதும்!
ஞாயிறு போற்றுதும்... ஞாயிறு போற்றுதும்!

மு.ஹரி காமராஜ்

பிரீமியம் ஸ்டோரி

ஆதவனுக்கு அருள் வழங்கும் கெளரிதேவி!

சூரியனின் ஆதார சக்தியானவள், `தீப்தா கௌரி' என்ற திருப் பெயரில் வணங்கப்படுகிறாள். இந்த தேவி, ஆதிபராசக்தியின் அனல் வடிவமாவாள் என்கின்றன ஞானநூல்கள்.

சூரியனின் அந்தராத்மாவில் வாழும் தீப்தா கௌரியை `சவிதா' என்று போற்றுகின்றன வேதங்கள். தீப்தா கௌரியே சூரியபகவானுக்கு வெப்பத்தையும், வெளிச்சத்தையும், நிறங்களையும், சத்துகளையும் தருகிறாள். ஆயிரம் திருமுகங்கள் கொண்ட தீப்தாகெளரியின் கண்களின் தீட்சண்யமே சூரியனின் கிரணங்களாக வெளிப்பட்டு, மற்ற கிரகங்களை வாழ்விக்கிறது என்கின்றன புராணங்கள்.

உன்னதமான உத்தராயனம்

சூரியன், தனது பாதையில் மகர ராசியில் ‘மகர ரவி’யாகப் பிரவேசிக்கும் காலம் உத்தராயன புண்ணிய காலம் ஆகும். உத்தர அயனம் என்றால், `வடக்குப்புற வழி' என்று பொருள்.

தை முதல் ஆனி வரையிலான ஆறு மாதங்களும் உத்தராயன புண்ணிய காலம் ஆகும். மங்களகரமான காரியங்களைச் செய்ய உத்தராயணமே சிறந்தது. இறப்பதும்கூட உத்தராயனத்தில் நிகழ்ந்தால் நற்கதி கிடைக்கும். எனவேதான், தட்சிணாயன காலத்தில் (பாரதப்போர் நிகழ்ந்தபோது) அம்புப் படுக்கையில் வீழ்ந்த பீஷ்மர், உத்தராயன புண்ணிய காலம் வரும் வரை காத்திருந்து உயிர்நீத்தார்.

ஞாயிறு போற்றுதும்... ஞாயிறு போற்றுதும்!

எகிப்தின் ‘ஆமன் - ரா’

 உலகின் பல நாடுகளில் தொன்றுதொட்டு திகழ்வது சூரிய வழிபாடு. எகிப்தில், சூரியதேவனை `ஆரோக்கியம் அளிப்பவர்’ எனும் பொருள் வரும்படி ‘ஆம்ன் - ரா’ என்று அழைத்தார்கள். கி.மு. 14-ஆம் நூற்றாண்டிலேயே எகிப்து நாகரிகத்தில் சூரிய வழிபாடு இருந்து வந்துள்ளது என்பர். கிரேக்கர்கள் `அப்பல்லோ' என்றும், ஈரான் தேசத்தவர் `மித்ரா' என்றும் கதிரோனை வழிபட்டனர். இங்கிலாந்தில், குறிப்பிட்ட பழங்குடி இனத்தவர் சூரியனே உலகைப் படைத்தவர் என்று அவருக்கு விழா கொண்டாடு கிறார்களாம்.

மூன்று வேளை... மூன்று வடிவங்கள்

ஞாயிறு போற்றுதும்... ஞாயிறு போற்றுதும்!



சூரியபகவான் அதிகாலையில் ரிக் வேதத்தின் வடிவமாகவும், மதிய வேளையில் யஜுர் வேத வடிவமாகவும், அந்தி நேரத்தில் சாம வேத வடிவமா கவும் அருள் செய்கிறார் என்கிறது சூரிய அஷ்டகம்.

அவதார ரகசியம்!

ஸ்ரீநாராயணர் ஸ்வேத வராக அவதாரம் கொண்ட கல்பகாலத்தின் தொடக்கத்தில், விராட புருஷனின் கண்களிலிருந்து சூரியன் தோன்றினார் என்று வைவஸ்வதமனு நூல் கூறுகிறது.

நான்முகன் உலகைப் படைத்ததும் ‘ஓம்’ என்ற ஆதாரச் சத்தம் எழுந்தது. அந்த ஒலியிலிருந்துதான் சூரியதேவன் உருவானார் என்கிறது சூரியபுராணம்.

ஒரு யுகத்தில், பிரபவ ஆண்டு மகா சுக்ல சப்தமி நாளில் விசாக நட்சத்திரத்தில் காஸ்யப முனிவரின் மனைவியான அதிதியிடம் உருவான கருவில் பன்னிரண்டு புதல்வர்கள் தோன்றினார்கள். காஸ்யப முனிவரால் அவர்கள் ஒன்றாக, சூரியபகவான் தோன்றினார் என்றும் புராணங்கள் கூறும்.

ஞாயிறு போற்றுதும்... ஞாயிறு போற்றுதும்!

அஷ்ட சூரியதேவர்கள்

‘நானே சூரியனாக இருக்கிறேன்’ என்று கீதையில் பகவான் கிருஷ்ணர் கூறுவதால், நாராயணனின் அம்சமாக சூரியன் போற்றப்படுகிறார். மேலும் பதங்கன், ஸ்வர்னரன், ஜோதிஷ்மான், லிபாசன், காஸ்யபன், ஆரோகன், பிராஜன், படான் ஆகிய எட்டு சூரியன்கள் 14 உலகங்களில் உலவுவதாகக் கூறும் முண்டக உபநிடதம், இவர்களில், `காஸ்யப' சூரியனே மற்றவர்களை இயக்குகிறார் என்றும் சொல்கிறது.

பாகிஸ்தானில் சூரிய கோயில்


கிருஷ்ணபகவானால் சபிக்கப்பட்ட அவரின் மகன் சாம்பன், தொழு நோயிலிருந்து மீள, சந்திரபாகா நதிக்கரையில் சூரியபகவானுக்கு ஒரு கோயில் கட்டி வணங்கினார். அதுவே சூரியனுக்கு உரிய முதல் கோயில் எனப்படுகிறது. இது, பாகிஸ்தானில் சந்திரபாகா என்றழைக்கப்பட்ட செனாப் நதிக் கரையில், முல்தான் என்ற நகரில் இருந்ததாகப் புராணங்கள் கூறுகின்றன.

எப்படி வழிபட வேண்டும்?

தை மாதத்தின் முதல் நாள் சூரியனுக்கு உகந்தது. அதேபோல் ஒவ்வொரு நாளும் காலை, மதியம் மற்றும் அந்தி சாயும் வேளைகளில் சூரியனை ஆராதிக்கச் சொல்கிறது வேதம்; ஞாயிற்றுக் கிழமை விசேஷம்! ஆராதனையின்போது, `ஸூம் ஸூர்யாயநம:’ என்று சொல்லி 16 உபசாரங்களை நடைமுறைப்படுத்தி ஆதவனை வழிபடவேண்டும். அதேபோல், சூரிய நமஸ்காரம் 12 முறை செய்ய வேண்டும். 

மித்ராய நம: ரவய நம: ஸூர்யாய நம: பானவே நம: ககாய நம: பூஷ்ணெ நம: ஹிரண்யகர்பாய நம: மரீசயே நம: ஆதித்யாய நம: ஸவித்ரேநம: அர்க்காய நம: பாஸ்க ராய நம: என்று சொல்லி புஷ்பத்தை அள்ளி, அவரது திருவுருவத்துக்கு அளிக்க வேண்டும். 'பானோ பாஸ்கர மார்த்தாண்ட சண்ரச்மேதிவாகர...’ என்ற செய்யுளைச் சொல்லி வழிபட்டால், நினைத்தது நிறைவேறும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு