Published:Updated:

சப்த ராம திருத்தலங்கள் - திருப்புட்குழி

சப்த ராம திருத்தலங்கள் - திருப்புட்குழி
பிரீமியம் ஸ்டோரி
சப்த ராம திருத்தலங்கள் - திருப்புட்குழி

வறுத்த பயறு முளைக்கும் அதிசயம்!தொகுப்பு: பா.ஜெயவேல் - படம்: சி.ரவிக்குமார்

சப்த ராம திருத்தலங்கள் - திருப்புட்குழி

வறுத்த பயறு முளைக்கும் அதிசயம்!தொகுப்பு: பா.ஜெயவேல் - படம்: சி.ரவிக்குமார்

Published:Updated:
சப்த ராம திருத்தலங்கள் - திருப்புட்குழி
பிரீமியம் ஸ்டோரி
சப்த ராம திருத்தலங்கள் - திருப்புட்குழி

யோத்தி- ராமபிரானின் அவதார திருத்தலம். திரேதா யுகத்தில் கோசல தேசத்தின் தலைநகராகத் திகழ்ந்த ஊர். ராம பக்தர்கள் வாழ்வில் ஒருமுறையாவது தரிசிக்கத் துடிக்கும் க்ஷேத்திரம்.

உத்திரபிரதேச மாநிலம், பைசாபாத் மாவட்டத்தில் அமைந்துள்ள அயோத்தி முதலாக தமிழகத்தின் ஆறு தலங்களைச் சேர்த்து சப்தராம திருத்தலங்களாகச் சிறப்பிக்கின்றன ஞானநூல்கள். ராமநவமி சிறப்பு தரிசனமாக, தமிழகத்தின் அந்தத் திருத்தல மகிமைகள் இந்த இதழில்... 

சப்த ராம திருத்தலங்கள் - திருப்புட்குழி

திருப்புட்குழி- ஸ்ரீதேவி, பூமிதேவி பிராட்டிமார்களுடன்  அருள்மிகு விஜய ராகவ பெருமாள் சேவை சாதிக்கும் அற்புத க்ஷேத்திரம்.

சீதையைக் கவர்ந்து சென்ற ராவணனுடன் கடுமையாகப் போரிட்டு, உயிர்த் தியாகம் செய்த ஜடாயுவுக்கு, ஸ்ரீராம பிரான் இறுதிச் சடங்குகளைச் செய்து, ஸ்ரீதேவி, பூமிதேவி பிராட்டிமார்களுடன் காட்சி தந்த திருத்தலம்.

கோயில் திருக்குளத்தின் கிழக்குப் புறத்தில் ஜடாயுவுக்கு தனிச் சந்நிதி அமைந்திருக்கிறது. கருவறையில் பெருமாளுக்கு இடப் புறத்தில் ஸ்ரீதேவி தாயாரும், வலப் புறத்தில் பூமிதேவி தாயார் தலையைச் சற்றே சாய்த்தபடி நின்ற கோலத்தில் அருள்பாலிக்கிறார்கள். பிராகாரத்தில் பெருமாளுக்கு வலப் புறத்தில் ஆண்டாள் சந்நிதியும், மரகதவல்லித் தாயார் சந்நிதியும் அமைந்திருக்கின்றன. 

சப்த ராம திருத்தலங்கள் - திருப்புட்குழி

மரகதவல்லித் தாயார் மிகவும் வரப்பிரசாதி என்கிறார்கள் பக்தர்கள். திருமணமாகி பல வருடங்கள் கடந்தும் குழந்தை பாக்கியம் இல்லாதவர்கள், அமாவாசையன்று வறுத்த பயறை மடியில் கட்டிக்கொண்டு விரதமிருந்து, மறுநாள் காலையில் மடியில் கட்டிய பயறுடனே குளத்தில் மூழ்கிக் குளித்து, மரகதவல்லித் தாயார் சந்நிதியில் கோலம் போட்டு, அந்தக் கோலத்தில் கொட்டி வழிபடவேண்டும். கோலத்தில் கொட்டிய பயறு முளைவிட்டிருந்தால், குழந்தை பாக்கியம் உண்டாகும் என்பது ஐதீகம். இதன் காரணமாகவே தாயாருக்கு, ‘வறுத்த பயறை முளைவிடச் செய்யும் தாயார்’ என்ற பெயர் ஏற்பட்டதாகவும் சொல்லப்படுகிறது.

அதேபோல், திருமணத் தடையால் வருந்தும் அன்பர்கள், இந்தக் கோயிலுக்கு வந்து, நெய்யால் மெழுகி சர்க்கரையால் கோலம் போட்டு வழிபட்டால் திருமணத் தடை நீங்கும் என்கிறார்கள். பேச்சு வராத குழந்தைகளுக்கு விரைவில் பேச்சு வர வேண்டும் என்றும் இங்கு வந்து பிரார்த்திக்கிறார்கள் பக்தர்கள். பிரார்த்தனை பலித்ததும், ஆலயத்துக்கு வந்து மணி வாங்கிக் கட்டுகிறார்கள்.

ஸ்ரீராமபிரான் ஜடாயுவுக்கு இறுதிச் சடங்கு செய்த தலம் என்பதால், ஓவ்வோர் அமாவாசையன்றும் இங்குள்ள குளத்தில் தர்ப்பணம் கொடுப்பது மிகவும் சிறப்பு. பலரும் இங்கு வந்து தங்கள் முன்னோர்களுக்கு தர்ப்பணம் கொடுக்கிறார்கள். கோயிலில் சுந்தரபாண்டியன் காலத்துக் கல்வெட்டுகள் இருப்பதால், இந்தக் கோயில் சுமார் 13-ம் நூற்றாண்டுக்கு முற்பட்ட காலத்தைச் சேர்ந்ததாகக் கருதப்படுகிறது. இங்கே, மாசி மாதம் பிரம்மோற்சவமும், ஆவணி மாதம் பவித்ரோற்சவமும் மிகவும் விமர்சையாக நடைபெறுகின்றன.

எப்படிச் செல்வது?: சென்னையிலிருந்து வேலூர் செல் லும் வழியில் சுமார் 80 கி.மீ. தொலைவில் உள்ளது. பாலுரெட்டி சத்திரத்தில் இறங்கி கோயிலுக்குச் செல்லலாம்.

நடை திறக்கும் நேரம்: காலை 7 முதல் 12  மணி வரை. மாலை 4 முதல் இரவு 8 மணி வரை.