Published:Updated:

சப்த ராம திருத்தலங்கள் - திருப்புள்ளம்பூதங்குடி

சப்த ராம திருத்தலங்கள் - திருப்புள்ளம்பூதங்குடி
பிரீமியம் ஸ்டோரி
சப்த ராம திருத்தலங்கள் - திருப்புள்ளம்பூதங்குடி

மலர்களால் மலர்வான் திருப்புள்ளம்பூதங்குடி ராமன்!தொகுப்பு, படங்கள்: கே.குணசீலன்

சப்த ராம திருத்தலங்கள் - திருப்புள்ளம்பூதங்குடி

மலர்களால் மலர்வான் திருப்புள்ளம்பூதங்குடி ராமன்!தொகுப்பு, படங்கள்: கே.குணசீலன்

Published:Updated:
சப்த ராம திருத்தலங்கள் - திருப்புள்ளம்பூதங்குடி
பிரீமியம் ஸ்டோரி
சப்த ராம திருத்தலங்கள் - திருப்புள்ளம்பூதங்குடி

யோத்தி- ராமபிரானின் அவதார திருத்தலம். திரேதா யுகத்தில் கோசல தேசத்தின் தலைநகராகத் திகழ்ந்த ஊர். ராம பக்தர்கள் வாழ்வில் ஒருமுறையாவது தரிசிக்கத் துடிக்கும் க்ஷேத்திரம்.

உத்திரபிரதேச மாநிலம், பைசாபாத் மாவட்டத்தில் அமைந்துள்ள அயோத்தி முதலாக தமிழகத்தின் ஆறு தலங்களைச் சேர்த்து சப்தராம திருத்தலங்களாகச் சிறப்பிக்கின்றன ஞானநூல்கள். ராமநவமி சிறப்பு தரிசனமாக, தமிழகத்தின் அந்தத் திருத்தல மகிமைகள் இந்த இதழில்... 

சப்த ராம திருத்தலங்கள் - திருப்புள்ளம்பூதங்குடி

ஸ்ரீராமபிரான் ‘சக்கரவர்த்தித் திருமகன்’ என்ற பெயரில் மூலவராகவும், ‘வல்வில் ராமன்’ என்ற பெயரில் உற்சவராகவும் காட்சி தரும் திருத்தலம் திருப்புள்ளம்பூதங்குடி திருத்தலம். பித்ரு வழிபாட்டுக்கு மிகவும் விசேஷமான திருத்தலம்.

முன்னோர்களை நாம் முறைப்படி தர்ப்பணம் கொடுத்து வழிபட வேண்டும். இல்லையென்றால், ‘பித்ரு சாபம்’ ஏற்படும். அதன் காரணமாக வாழ்க்கையில் பல பிரச்னை களை நாம் சந்திக்க நேரிடும்.

சூழ்நிலைகளின் காரணமாக, முன்னோர்களுக்குச் செய்யவேண்டிய தர்ப்பணம் கொடுக்கத் தவறினாலோ, மறந்துவிட்டாலோ இந்தத் தலத்துக்கு வந்து தர்ப்பணம் கொடுப்பதன் மூலம் பித்ரு சாபத்திலிருந்து நிவர்த்தி பெறலாம். பித்ரு சாபத்தைப் போக்குவது மட்டுமின்றி, தீர்க்காயுள் பெறவும் அருள்புரிகிறார், இங்குள்ள ஸ்வாமி. 

சப்த ராம திருத்தலங்கள் - திருப்புள்ளம்பூதங்குடி

கருவறையில் ஸ்ரீராமர் ஆதிசேஷன் மீது சயனத் திருக்கோலத்தில் காட்சி தருகிறார். அவருடைய நாபிக் கமலத்தில் பிரம்மா, திருவடியில் லட்சுமணன், ஆஞ்சநேயர், ஜடாயு ஆகியோர் காட்சி தருகின்றனர். உற்சவர் ஸ்ரீவல்வில் ராமன் சங்கு சக்கரம் ஏந்தியவராக நான்கு திருக்கரங்களுடன் காட்சி தருகிறார்.

திருப்புட்குழியில் ஜடாயுவுக்கு இறுதிச் சடங்குகள் செய்த ராமபிரான், இந்தத் தலத்தில் ஜடாயுவுக்கு தர்ப்பணம் கொடுத்ததாக ஐதீகம். திதி கொடுக்கும்போது சீதை அருகில் இல்லாத காரணத்தால், இங்கிருக்கும் பொற்றாமரைக் குளத்திலிருந்து மகாலட்சுமி தாயாரை வரவழைத்து, ஜடாயுவுக்கு தர்ப்பணம் கொடுத்ததுடன், மோட்சமும் அருளினார். 

தாயார் ஹேமாம்புஜவல்லி தாயார் என்ற பெயரில் தனிச் சந்நிதியில் காட்சி தருகிறார்.

வேலை கிடைக்காமல் கஷ்டப்படுபவர்களும், கல்வியில் முன்னேற விரும்புபவர்களும் இங்கு வந்து வேண்டிக் கொண்டாலே போதும், அவர்களுடைய பிரார்த்தனை நிறைவேறும் என்பது ஐதீகம். மேலும், திருமணத் தடையும் நீங்குவதாக பக்தர்கள் நம்பிக்கையுடன் சொல்கிறார்கள்.

வேண்டுதல் நிறைவேறிய பக்தர்கள், நறுமணமுள்ள மலர்களை வாங்கி வந்து சமர்ப்பிப்பார்கள். அந்த மலர்களைக் கொண்டு பூச்சட்டை செய்து சுவாமியை அலங்கரிப்பார்கள். அதனால், ராமபிரானின் மனம் குளிர்ந்து, நம் வாழ்க்கையிலும் மணம் வீசச் செய்வார் என்பது பக்தர்களின் நம்பிக்கை.

இந்தக் கோயில் அகோபிலம் மடத்தின் நிர்வாகத்தில் உள்ளது. இங்கு வைகாநச ஆகம முறைப்படி நித்திய பூஜைகள் நடைபெற்று வருகின்றன.

எப்படிச் செல்வது? கும்பகோணம் அருகிலுள்ள சுவாமி மலையில் இருந்து திருவைகாவூர் செல்லும் சாலையில் 5 கி.மீ. தொலைவில் உள்ளது திருப்புள்ளம்பூதங்குடி.