Published:Updated:

சப்த ராம திருத்தலங்கள் - திருவள்ளூர்

சப்த ராம திருத்தலங்கள் - திருவள்ளூர்
பிரீமியம் ஸ்டோரி
சப்த ராம திருத்தலங்கள் - திருவள்ளூர்

கல்யாண வரம் அருளும் வில்லும் அம்பும்!தொகுப்பு: இரா.தேவேந்திரன் - படம்: அனுதினம்.காம்

சப்த ராம திருத்தலங்கள் - திருவள்ளூர்

கல்யாண வரம் அருளும் வில்லும் அம்பும்!தொகுப்பு: இரா.தேவேந்திரன் - படம்: அனுதினம்.காம்

Published:Updated:
சப்த ராம திருத்தலங்கள் - திருவள்ளூர்
பிரீமியம் ஸ்டோரி
சப்த ராம திருத்தலங்கள் - திருவள்ளூர்

யோத்தி- ராமபிரானின் அவதார திருத்தலம். திரேதா யுகத்தில் கோசல தேசத்தின் தலைநகராகத் திகழ்ந்த ஊர். ராம பக்தர்கள் வாழ்வில் ஒருமுறையாவது தரிசிக்கத் துடிக்கும் க்ஷேத்திரம்.

உத்திரபிரதேச மாநிலம், பைசாபாத் மாவட்டத்தில் அமைந்துள்ள அயோத்தி முதலாக தமிழகத்தின் ஆறு தலங்களைச் சேர்த்து சப்தராம திருத்தலங்களாகச் சிறப்பிக்கின்றன ஞானநூல்கள். ராமநவமி சிறப்பு தரிசனமாக, தமிழகத்தின் அந்தத் திருத்தல மகிமைகள் இந்த இதழில்... 

சப்த ராம திருத்தலங்கள் - திருவள்ளூர்

திருவள்ளூர் - பல்லாயிரம் ஆண்டுகளுக்குமுன் ஸ்ரீராமன் இங்கு ஸ்ரீகோதண்டராமராக எழுந்தருளியதால், இந்தத் தலம், ‘ஸ்ரீராம க்ஷேத்திரம்’ என்ற பெயரில் அழைக் கப்பட்டது. பிற்காலத்தில்தான் வீரராகவப் பெருமாள் இந்தத் தலத்தில் எழுந்தருளினார் என்றும், ஸ்ரீவீரராகவரே ஸ்ரீராமரின் அம்சம்தான் என்றும் விவரிக்கிறார்கள் உள்ளூர் பக்தர்கள்.

`ராகவன்' என்றாலே அது ரகுவம்சத்தில் வந்த ராம பிரானைத்தான் குறிக்கும் என்பார்கள். ஆக, மேற்காணும் பக்தர்களது கருத்தும் சரிதான் இல்லையா? 

சப்த ராம திருத்தலங்கள் - திருவள்ளூர்

இங்குள்ள கோயிலில், திருக்கரங்களில் வில், அம்பு ஏந்தியபடி வீரம் மிக்க அகன்ற திருமார்புடன் எழில்கோலத்தில் அருள்கிறார் ஸ்ரீகோதண்டராமர். பெரும்பாலான ஆலயங்களில் சீதாப்பிராட்டி, ராமனுக்கு இடப்புறத்தில்தான் காட்சி தருவார். ஆனால், இங்கு ஸ்வாமிக்கு வலப்புறத்தில் அவர் காட்சி தருவதை, ‘கல்யாணத் திருக்கோலம்’ என்று சிறப்பிக்கிறார்கள்.

லட்சுமணன், சத்ருக்னன், வசிஷ்டர், விஸ்வாமித்திரர், ஆஞ்சநேயர், சுக்ரீவன், அங்கதன் ஆகியோரின் தூண் சிற்பங்கள் கோயிலின் அழகுக்கு அழகு சேர்க்கின்றன.

சித்திரை மாதம் புனர்பூசம் நட்சத்திரத்தில் இந்தக் கோயிலில் ஸ்ரீராமநவமி மிகவும் கோலாகலமாகக் கொண்டாடப்படுகிறது. அன்று கோயிலுக்கு வரும் பக்தர்கள், ஸ்ரீராம ஸ்லோகம் - ஸ்ரீராம நாம பாராயணம் செய்து வழிபடுகிறார்கள். அன்று வீரராகவப் பெருமாள் கோதண்டராமர் சந்நிதிக்குச் சென்று, கோதண்டராமரின் திருக்கரங்களில் இருக்கும் வில் மற்றும் அம்புகளை எடுத்துக்கொண்டு வீதியுலா வருவார்.

வீதியுலா நிறைவுற்றுக் கோயிலுக்குத் திரும்பும் வீரராகவ பெருமாள், வில் மற்றும் அம்புகளை கோதண்டராமரிடம் சேர்ப்பித்துவிட்டு, தன் சந்நிதிக்கு எழுந்தருளுவார். அதன் பிறகு கோதண்டராமருக்கு திருமஞ்சனமும் சிறப்பு ஆராதனைகளும் நடைபெறும். இந்த ராமபிரானுக்கு வாசனை மலர்கள் மட்டுமே அணிவிப்பார்கள். பச்சை நிறத்திலான மலர்களைச் சூட்ட மாட்டார்கள்.

வாரம்தோறும் சனி மற்றும் ஞாயிற்றுக்கிழமைகளில் சிறப்பு பூஜைகள் நடைபெறுகின்றன. திருமணம் ஆகாதவர் கள் ராமபிரானின் திருக்கரத்திலிருக்கும் வில், அம்பில் மலர்களைச் சூடி வணங்கினால், அவர்களுக்கு விரைவில் திருமணம் நடக்கும் என்பது பக்தர்களின் நம்பிக்கை.

எப்படிச் செல்வது?: திருவள்ளூர் பேருந்து நிலையத் திலிருந்து சுமார் 1 கி.மீ. தொலைவில் ஆலயம் அமைந் திருக்கிறது. சென்னை, காஞ்சிபுரத்திலிருந்து ரயில் மற்றும் பேருந்து வசதிகள் உண்டு.

நடை திறக்கும் நேரம்: காலை 7 முதல் பகல் 12 மணி வரை; மாலை 4 முதல் இரவு 9 மணி வரை.