Published:Updated:

வாழ்வில் நிறைந்திருக்கும் கன்னியம்மன்! - இருளர் வழிபாடு!

வாழ்வில் நிறைந்திருக்கும் கன்னியம்மன்! - இருளர் வழிபாடு!
பிரீமியம் ஸ்டோரி
வாழ்வில் நிறைந்திருக்கும் கன்னியம்மன்! - இருளர் வழிபாடு!

இரா.செந்தில் குமார் - படங்கள்: சொ.பாலசுப்ரமணியன்

வாழ்வில் நிறைந்திருக்கும் கன்னியம்மன்! - இருளர் வழிபாடு!

இரா.செந்தில் குமார் - படங்கள்: சொ.பாலசுப்ரமணியன்

Published:Updated:
வாழ்வில் நிறைந்திருக்கும் கன்னியம்மன்! - இருளர் வழிபாடு!
பிரீமியம் ஸ்டோரி
வாழ்வில் நிறைந்திருக்கும் கன்னியம்மன்! - இருளர் வழிபாடு!

‘தை பிறந்தால் வழி பிறக்கும்' என்பது தமிழர்களின் நம்பிக்கைமொழி. ஆனால், தமிழ்ப் பழங்குடியான இருளர்கள் வாழ்க்கையில் மாசி பிறந்தால்தான் மகத்துவமான மாற்றம் ஏற்படுகிறது!  

வாழ்வில் நிறைந்திருக்கும் கன்னியம்மன்! - இருளர் வழிபாடு!

ஆம், இருளர்களின் குலதெய்வமான கன்னியம்மா, கார்த்திகை  மாத இறுதியில் அவர்களிடம் கோபித்துக்கொண்டு, மகாபலிபுரம் கடற்கரையில் தஞ்சமடைந்துவிடுகிறாள். கன்னியம்மனை மீண்டும் மாசி மகத்தில்தான் வீட்டுக்கு அழைத்துவர முடியும். இதற்கு இடைப்பட்ட நாள்களில், தங்களுக்கு ஏற்படும் சோதனைகளும் பிரச்னைகளும் நீங்க கன்னியம்மனிடம் வேண்டிக்கொள்கிறார்கள்!

கன்னியம்மா யார்? அவள் ஏன் கோபித்துக் கொண்டு செல்ல வேண்டும்?

ஆதிகாலத்தில் இருளர் குலத்தில் பிறந்த ஒரு பெண்தான் கன்னியம்மா. காடுகளில் வாழ்ந்த காலத்தில், வேட்டையாடிய ஆண்களுக்கு முன் சென்று வழிகாட்டியாக இருந்தவள்.  வேட்டைக்கு மட்டுமல்ல இருளர்களின் ஒட்டுமொத்த வாழ்க்கைக்குமே வழிகாட்டியாக, ஆலோசகராகத் திகழ்ந்த கன்னியம்மா, அவர்களின் குலதெய்வ மாகவே மாறிப்போனாள்.

அப்போதிருந்து இப்போது வரை கன்னியம்ம னின் அருளும் அனுக்கிரகமும் இல்லாமல், இருளர் மக்கள் எந்தச் செயலிலும் ஈடுபடுவதில்லை. கன்னியம்மன் கோபித்துக்கொண்டு வருவதுகூட இருளர் மக்களின் மீதிருக்கும் அன்பினாலும், அக்கறையினாலும்தான். எதைப்பற்றியும் பெரிதாகக் கவலைகொள்ளாமல், எதிர்காலம் குறித்த அக்கறை இல்லாமல் வாழும் தம் மக்களிடம் செல்லமாகக் கோபித்துக்கொண்டுதான் மகாபலி புரம் சென்று தங்கிவிடுகிறாளாம் கன்னியம்மா! 

வாழ்வில் நிறைந்திருக்கும் கன்னியம்மன்! - இருளர் வழிபாடு!

மாசிமாதம் பிறந்ததும் தங்கள் கன்னியம்மனை மீண்டும் அழைத்துவருவது எப்படி என்று இருளர் மக்கள் திட்டமிடுகிறார்கள். சரியாக பௌர் ணமிக்கு இரண்டு, மூன்று நாள்களுக்கு முன்பாகவே தமிழ்நாட்டின் பல பகுதிகளில் இருந்தும் மகாபலி புரம் கடற்கரையில் குவிந்துவிடுகிறார்கள். சிலர் பௌர்ணமி தினத்தன்றும் வருகிறார்கள். சேலை யால் ஆன கூடாரம் அமைத்துத் தங்குகிறார்கள்.

பௌர்ணமியன்று, இரவு 8 மணிக்கெல்லாம் ஆரம்பித்துவிடுகிறது அவர்களின் ‘மாசிமகப் பெருவிழா’. கடற்கரை முழுவதும் குடும்பம் குடும்பமாக அமர்ந்திருக்கிறார்கள். நடுவில் ஒரு மேடை. அதில் அவர்களின் கலாசாரத்தைப் பிரதிபலிக்கும் நாட்டுப்புறப்பாடல்கள் பாடுகிறார் கள். இடையிடையே தற்காலத் தேவைக்கேற்ப விழிப்பு உணர்வுப் பாடல்களும் ஒலிக்கின்றன. விடிய, விடிய ஆட்டமும், பாட்டமும் கொண்டாட் டமுமாகக் கழிகிறது பொழுது.

விடியற்காலை நான்கு மணிக்கு, அலைபடும் இடத்தில் கூடிவிடுகிறார்கள். அந்தச் சூழலே பக்திமயமாக இருக்கிறது. ஒவ்வொரு குடும்பத்திலும் ஒரு சாமியாடி இருக்கிறார். பெரும்பாலும் ஆண்களே சாமியாடிகளாக இருக்கிறார்கள். அந்த அடர் இருட்டிலும், நடுங்கும் குளிரிலும் அந்தச் சாமியாடிகள் கடலில் நீராடுகிறார்கள்.

ஈரத்துணியுடன் இருப்பவர்களுக்கு, அவர் களின் சகோதர உறவில் உள்ளவர்கள், சந்தனம் பூசி மாலை அணிவிக்கிறார்கள்.  

வாழ்வில் நிறைந்திருக்கும் கன்னியம்மன்! - இருளர் வழிபாடு!

இது ஒருபுறம் நடந்துகொண்டிருக்கும்போதே, கடற்கரை மணலில் சப்த கன்னிகளுக்காக ஏழு படிக்கட்டுகள் அமைத்து, ஒவ்வொரு படிக் கட்டிலும் பூ, வாழைப்பழம், தேங்காய், அரிசி மாவு படைத்து சூடம் ஏற்றுகிறார்கள்.  படிக்கட்டுக்கு மேற்புறத்தில் சேலை, ரவிக்கைத் துணி ஆகியவற்றை வைத்து தங்களின் வேண்டுதலை நிறைவேற்றுகிறார்கள். இப்படிச் சமர்ப்பிக்கப்படும் சேலை, ரவிக்கைத் துணி சாமியாடுபவரின் சகோதரிகளுக்கோ அல்லது மகள்களுக்கோ வழங்கப்படுகிறது.

கழுத்தில் மாலை, கன்னத்தில் சந்தனம் பூசப் பட்ட சாமியாடுபவரைச் சுற்றி அவரின் உறவினர்கள் நின்றுகொள்கிறார்கள். சாமியாடி யின் தலையில் சூடத்தட்டை வைத்து  ‘ஓக’  ‘ஓக’ என்று உரத்துக் குரல் கொடுக்கிறார்கள்.

அவரின் மனைவி,  இருளர்களின் நாட்டுப்புறப் பாடல்களைப் பாடி சாமியை அழைக்கிறார். அழைத்த சிறிதுநேரத்திலேயே அருள் வந்து ஆடத் தொடங்கிவிடுகிறார் சாமியாடி. இத்தனை நாள்களுக்குப் பிறகு கன்னியம்மன் வந்துவிட்ட சந்தோஷம் அனைவரது முகத்திலும்! அதற்குப் பிறகு அடுத்த  கார்த்திகை மாதம்வரை கன்னியம் மன் தங்களுக்குத் துணையிருப்பாள் என்ற நம்பிக்கையில் வெளிப்படும் சந்தோஷம் அது.

சாமியாடியிடம் அவருடைய மனைவி மட்டுமே குறி கேட்பார். அவருக்கு மட்டுமே புரியும் சங்கேத மொழியில் குறி சொல்கிறார் சாமியாடி. எல்லாம் முடிந்த பிறகு, கடலை நோக்கி ஓடி தண்ணீரில் தாவிக் குதிக்கிறார் சாமியாடி. சுற்றியிருக்கும் அவரின் உறவினர்கள், விரட்டிப் பிடித்துச் சமாதானம் பேசி அழைத்து வருகிறார்கள்.

இதையடுத்து, மொட்டையடிப்பது, காது குத்துவது, திருமணம், நிச்சயதார்த்தம் போன்ற சுப நிகழ்ச்சிகளும் நடக்கின்றன. இப்படி, அனைத்து வைபவங்களும் பூர்த்தியானதும் கன்னியம்மா மீண்டும் தங்களுடன் வந்துவிட்ட மகிழ்ச்சியில் நிம்மதியாக ஊருக்குப் புறப்படு கிறார்கள் அந்த மக்கள்.

இன்றளவும் இந்த மக்கள் கன்னியம்மாவின் உத்தரவு இல்லாமல் எதையும் செய்வதில்லை. உடம்பு நோவுக்காக மருத்துவம் பார்ப்பதற்கும், அவளின் உத்தரவைப் பெற்றபிறகே செல்வார் களாம். அந்த அளவுக்கு இருளர் மக்களின் வழிபாட்டில் மட்டுமல்லாமல், அவர்களின் வாழ்க்கையிலும் நீக்கமற நிறைந்திருக்கிறாள் கன்னியம்மன்.