Published:Updated:

நாரதர் உலா... ‘துலாபார’ காணிக்கைகள் எங்கே செல்கின்றன?

நாரதர் உலா... ‘துலாபார’ காணிக்கைகள் எங்கே செல்கின்றன?
பிரீமியம் ஸ்டோரி
நாரதர் உலா... ‘துலாபார’ காணிக்கைகள் எங்கே செல்கின்றன?

நாரதர் உலா... ‘துலாபார’ காணிக்கைகள் எங்கே செல்கின்றன?

நாரதர் உலா... ‘துலாபார’ காணிக்கைகள் எங்கே செல்கின்றன?

நாரதர் உலா... ‘துலாபார’ காணிக்கைகள் எங்கே செல்கின்றன?

Published:Updated:
நாரதர் உலா... ‘துலாபார’ காணிக்கைகள் எங்கே செல்கின்றன?
பிரீமியம் ஸ்டோரி
நாரதர் உலா... ‘துலாபார’ காணிக்கைகள் எங்கே செல்கின்றன?

‘செந்தூர் முருகன் கோயிலிலே ஒரு சேதியை நான் கேட்டேன்...’ என்று மெள்ளப் பாடியவாறு அறைக்குள் பிரவேசித்தார் நாரதர்.    

நாரதர் உலா... ‘துலாபார’ காணிக்கைகள் எங்கே செல்கின்றன?

சூடான தேநீர் கொடுத்து உபசரித்தபடியே, ``என்ன நாரதரே, துலாபாரம் தொடர்பாக பக்தர் ஒருவர் தகவல் பகிர்ந்துகொண்டாரே... அதுபற்றி விசாரிப்பதற்காகத் திருச்செந்தூர் போய்விட்டு வருகிறீர் களோ? '' என்று கேட்டோம்.

``சரியாகச் சொன்னீர். ஒரு விஷயத்தைச் செவிமடுத்ததும் செயல் படாமல் இருக்கமுடியுமா?'' என்று எதிர்க்கேள்வி கேட்ட நாரதர் தொடர்ந்து கூறினார்...

`` துலாபார காணிக்கை விஷயத்தில் முறைகேடு கள் நடக்கின்றன என்று பக்தர் தெரிவித்த விஷயம் உண்மைதான். துலாபாரத்துக்காக மக்கள் செலுத்தும் காணிக்கைப் பொருள்கள் கோயில் இருப்பு அறைக்குச் சென்று சேர்வதில்லை என்றே சொல்கிறார்கள் விஷயம் அறிந்தவர்கள்'' என்றார்.

``மேலும் சொல்லும்'' 

``முருகப்பெருமானின் அறுபடைவீடுகளில் ஒன்றான திருச்செந் தூரில், பக்தர்கள் வேண்டுதலின் பொருட்டு துலாபாரம் செலுத்துவது வழக்கம். அரிசி, வெல்லம், கருப்பட்டி, கற்கண்டு, பழங்கள்... என வேண்டுதலுக்கு ஏற்ப உரிய பொருள்களை எடைக்கு எடை துலாபாரம் கொடுக்கிறார்கள்.

கோயில் கொடிமரத்துக்கு வலப்புறத்தில் துலாபாரம் செலுத்தும் இடம் உள்ளது. அந்த இடத்துக்குச் சென்று பார்த்ததுமே எனக்கு அதிர்ச்சியாகிவிட்டது. துலாபாரமாக நேர்த்திக்கடன் செலுத்தப்பட்ட அரிசி மூட்டைகள் மீது... அவை ஸ்வாமிக்கு வந்த காணிக்கை என்ற எண்ணமே இல்லாமல், கால்மேல் கால் போட்டு அமர்ந்து கொண்டு பேப்பர் படித்துக்கொண்டிருந்தார் ஒருவர். நேரம் செல்லச் செல்ல அரிசி மூட்டைகள் மீது அமரும் ஊழியர்களின் எண்ணிக்கை அதிகரித்தபடி இருந்தது.'' என்றார். 

நாரதர் உலா... ‘துலாபார’ காணிக்கைகள் எங்கே செல்கின்றன?

``அப்படியானால், துலாபாரம் கொடுக்கும் பொருள்களை உடனுக்குடன் கோயில் இருப்பு அறைக்குக் கொண்டுசெல்வதில்லையா?''

நமது இந்தக் கேள்விக்கு, ``மொத்தமாகத்தான் கொண்டுசெல்வார்கள் போலிருக்கிறது'' என்று பதில் சொன்ன நாரதர், தாம் விசாரித்த விஷயங் களைத் தொடர்ந்து விவரித்தார்.

``துலாபாரம் செலுத்தும் இடத்தருகிலேயே நின்றிருந்த நான், அங்கு வந்த பக்தர்கள் சிலரிடம் விசாரிக்க ஆரம்பித்தேன். அவர்களும் தங்கள் பங்குக்கு ஆதங்கத்தைக் கொட்டித் தீர்த்தார்கள்.

``முதலில் பேசிய அன்பர் ஒருவர், `துலாபார காணிக்கை விஷயத்தில் முறைகேடுகள் நடப்பது உண்மைதான்' என்றே ஆரம்பித்தார். தொடர்ந்து, ‘தினமும் துலாபாரம் கொடுப்பது வழக்கம் என்றாலும் சனி, ஞாயிறு மற்றும் விடுமுறை நாள்களிலும், மாசி, ஆவணி, விசாகம், பூசம் ஆகிய திருவிழா நாள்களிலும் துலாபாரம் கொடுக்க அதிகம் பக்தர்கள் கூடுவார்கள். அவர்கள் வரிசையில் காத்திருந்து காணிக்கை செலுத்து வதுதான் வழக்கம். ஆனால், துலாபாரம் பிரிவில் வேலை பார்க்கும் ஊழியர்களுக்கு நெருக்கமான அர்ச்சகர்கள் சிலர், பக்தர்களை கோயில் வாசலிலேயே மடக்கி, துலாபாரம் செலுத்தும் இடத்துக்கு அழைத்து வந்துவிடுவார்கள்.

ஊழியர்களும் துலாபார வேண்டுதல் செலுத்த வரும் அந்த பக்தர்களிடம் காணிக்கை விவரத்தைச் சேகரித்துக் கொண்டு, துலாபாரம் செலுத்தச் செய்வார்கள். தொடர்ந்து அருகிலேயே உள்ள முருகன் விக்கிரகத்துக்குத் தீபாராதனை செய்வ துடன் அவர்களை அனுப்பிவைத்து விடுகிறார்கள்.

செலுத்திய கட்டணத்துக்குப் பெரும்பாலும் ரசீதுகள் கொடுப்பதில்லை. மீறி பக்தர் எவரேனும் ரசீது  கேட்டாலும்கூட உடனே கொடுக்கப்படுவது இல்லை. தரிசனம் முடிந்து திரும்பும்போது வாங்கிக் கொள்ளுங்கள் என்று கூறி அனுப்பி விடுகிறார்கள். பக்தர்கள் அப்படியே மறந்து சென்றுவிடுவதும் உண்டு. ஒருசிலர், தரிசனம் முடிந்து வந்து கேட்பதும் உண்டு. அப்போதும் அவர்களை சிறிது நேரம்  காத்திருக்க வைத்துதான் ரசீது கொடுக்கிறார்கள்' என்று முழுமூச்சுடன் சொல்லி வருத்தப்பட்டார் அந்த அன்பர்'' என்று நாரதர் சொன்னதும் நாம் கேட்டோம்.

``ஏன் இப்படி அலைக்கழிக்கிறார்கள்?''

``இதையும் நான் அந்தப் பக்தரிடமே கேட்டேன். அதற்கு அவர், ‘ரசீது போட்டுக்கொடுத்தால், பக்தரின் பெயர், அவர் கொடுத்த பொருள்,  காணிக்கைப் பொருளின் அளவு ஆகிய எல்லா விவரங்களும் பதிவேடுகளில் பதிவாகிவிடுமே. அதைத் தவிர்ப்பதற்காகவே இப்படியான அலைக் கழிப்புகள்' என்கிறார் அந்தப் பக்தர்!'' என்றார்.  

நாரதர் உலா... ‘துலாபார’ காணிக்கைகள் எங்கே செல்கின்றன?

``துலாபார காணிக்கைகள் கோயில் இருப்பு அறைக்குச் செல்வதில்லை என்று பக்தர் குறை பட்டுக்கொண்டாரே..?''

``அதுபற்றியும் பக்தர்கள் தரப்பில் விசாரித்தேன். `துலாபாரத்தில் பச்சரிசி, புழுங்கல் அரிசி, உருண்டை வெல்லம், அச்சு வெல்லம், கருப்பட்டி, வாழைப்பழத்தார் ஆகியவை அதிகமாகவும் பருப்பு, காய்கறிகள் எப்போதாவதும்தான் நேர்த்திக்கடனாக வரும். பதிவேட்டில் ஏற்றப்படும் இந்தப் பொருள்கள், கோயில் மடப்பள்ளிக்கு அருகிலிருக்கும் இருப்பு அறைக்குக் கொண்டு செல்லப்பட்டு இருப்பு வைக்கப்படும்.

இதில் பச்சரிசி மற்றும் வெல்லம் ஆகியவை  அவற்றின் தரத்தைப் பொறுத்து மூலவர், உற்சவர் நைவேத்தியத்துக்குப் பயன்படுத்தப்படுகின்றன. புழுங்கல் அரிசி அன்னதானத் திட்டத்துக்கும், திருக்கோயில் கண்காணிப்பில் சரவணப் பொய்கைக்கு அருகில் இயங்கிவரும் கருணை இல்லத்துக்கும் அனுப்பப்படும். மேலும் கூடுதலாக இருக்கும் பொருள்களை ஏலம் விடுவார்கள்.  தற்போது ஏலம் விடுவதிலும் வெளிப்படைத் தன்மை இல்லை. குறிப்பிட்ட சில வியாபாரிகள் மட்டுமே  வழக்கமாக வந்து கலந்துகொள்கிறார்கள்' என்கிறார்கள்'' என்ற நாரதர் தொடர்ந்து வேறொரு விஷயத்தையும் பகிர்ந்துகொண்டார்.

``இப்போது பக்தர்கள் வைக்கும் முக்கியமான குற்றச்சாட்டு என்னவென்றால் காணிக்கைப் பொருள்கள் பெரும்பாலும் கோயில் இருப்பு அறைக்குச் செல்வதில்லை என்பதுதான்'' என்றவர் அதுபற்றி விவரித்தார்.

``பதிவேட்டில் ஏற்றப்படாத பொருள்களை, துலாபாரம் பிரிவில் இருக்கும் ஊழியர்கள் சிலர், வெளியில் விற்றுக் காசு பார்க்கிறார்கள். சுவாமிக் குக் காணிக்கையாக வரும் பொருள்களை இப்படி விற்பனை செய்து காசு பார்ப்பது சரிதானா எனக் கேள்வி எழுப்புகிறார்கள் பக்தர்கள்'' என்றார். அவரிடம் ``இதுபற்றி கோயில் நிர்வாகத்திடம் பேசினீரா?'' நாம் கேட்கவும், அவரது செல்ஃபோன் ஒலிக்கவும் சரியாக இருந்தது. ஃபோனில் பேசி முடித்தவர், ``பேசினேன். அதுபற்றிய விவரங் களோடு, வேறுசில விஷயங்களையும் உம்மிடம் கூறவேண்டும். இப்போது நண்பர் அழைத்ததும் அதற்காகத்தான். அவரையும் பார்த்துவிட்டு வந்து விரிவாகக் கூறுகிறேன்'' என்றபடி விடைபெற்றுக்கொண்டார் நாரதர்.

படங்கள்: ஏ.சிதம்பரம்