Published:Updated:

கல்யாண வரம் அருளும் மஞ்சள் மாலை!

கல்யாண வரம் அருளும் மஞ்சள் மாலை!
பிரீமியம் ஸ்டோரி
கல்யாண வரம் அருளும் மஞ்சள் மாலை!

வடபழநி ஆதிமூலப் பெருமாள் திருக்கோயில்மு.வ.சம்பத்

கல்யாண வரம் அருளும் மஞ்சள் மாலை!

வடபழநி ஆதிமூலப் பெருமாள் திருக்கோயில்மு.வ.சம்பத்

Published:Updated:
கல்யாண வரம் அருளும் மஞ்சள் மாலை!
பிரீமியம் ஸ்டோரி
கல்யாண வரம் அருளும் மஞ்சள் மாலை!

முற்காலத்தில், புலியூர்க்கோட்டத்தின் ஒரு பகுதியாகத் திகழ்ந்த இன்றைய வடபழநியில் அமைந்திருக்கும் அருள்மிகு ஆதிமூலப் பெருமாள் கோயிலில், பரிவார தெய்வங்களே பரிகார தெய்வங்களாகவும் அருள்கின்றனர். இது, அபூர்வமான அமைப்பு என்கிறார்கள் பக்தர்கள். 

கல்யாண வரம் அருளும் மஞ்சள் மாலை!

சென்னை வடபழநி முருகன் கோயிலுக்கு அருகில் அமைந்திருக்கும் இந்த ஆலயம், சிறியதாக இருந்தாலும், சாந்நித்தியம் மிகுந்து காணப்படுகிறது.

கோயில் கருவறையில், மேலிரு கரங்களில் சங்கு, சக்கரம் ஏந்தியும், கீழிரு கரங்களில் அபய, ஆஹ்வான ஹஸ்த முத்திரைகளைக் காட்டியும், ஒரு காலை மடித்துக்கொண்டு, மற்றொரு காலை தாமரை மலரின்மேல் வைத்தபடி அமர்ந்த நிலையில் காட்சி தருகிறார், மூலவர் ஆதிமூலப் பெருமாள்.

புராணக் காலத்தில் ‘ஆதிமூலமே, அநாத ரட்சகா’ என்ற கஜேந்திர யானையின் அபயக் குரலைக் கேட்டு ஓடோடி வந்து அருள்புரிந்த பெருமாள், சகலத்துக்கும் மூலமான அந்தப் பரம் பொருள், இந்தக் கோயிலில் ஆதிமூலப் பெருமாள் என்ற திருப்பெயருடன் அருள்வது விசேஷம். மூலவருக்கு முன்பாக உற்சவர் ஸ்ரீவரதராஜ பெருமாள்  ஸ்ரீதேவி, பூதேவி சமேதராகக் காட்சி தருகிறார்.

எதிரிகளின் தொல்லைகள் விலகவும், நோய் மற்றும் கடன்களிலிருந்து நிவாரணம் பெறவும், வெளிநாடு செல்லும் யோகம் ஏற்படவும் அருள் செய்பவர் ஆதிமூலப் பெருமாள். புதன்கிழமை களில் பெருமாளுக்குத் துளசி மாலை சாத்தி, துளசி தளம் கொண்டு அர்ச்சனை செய்தால், மேற்கண்ட பலன்கள் கிடைக்கும் என்பது ஐதீகம். 

விரலி மஞ்சள் மாலை!

பிராகாரத்தில் பெருமாளுக்கு இடப் புறத்தில் அருள்மிகு ஆதிலட்சுமித் தாயார் சந்நிதி அமைந்திருக்கிறது. மேலிரு திருக்கரங்களில்  மலர் களை ஏந்தி, மற்ற இரு கரங்களில் அபய, வரதம் காட்டி, அமர்ந்த நிலையில் காட்சி தருகிறார் பிராட்டி. உற்சவர் பெருந்தேவித் தாயாரும் அமர்ந்த நிலையிலேயே காட்சி தருகிறார்.

திருமணத் தடை உள்ள ஆண், பெண் யாராக இருந்தாலும், 16 செவ்வாய்க்கிழமைகள் கோயிலுக்கு வந்து வழிபடவேண்டும். முதல் வாரம் மட்டும் மூன்று மாலைகள் கொண்டு வரவேண்டும். மூன்று மாலைகளையும் அர்ச்சகரிடம் கொடுத்து பெருமாளுக்குச் சமர்ப்பிக்கவேண்டும். பிறகு ஒரு மாலையை பெருமாளின் பிரசாதமாகப் பெற்று, கழுத்தில் அணிந்துகொண்டு 12 முறை ஆலயத்தை வலம் வரவேண்டும். தாயார் சந்நிதியில் சங்கல்பம் செய்துகொண்ட பிறகு, விரலி மஞ்சள்களைக் கோத்து (எண்ணிக்கை கூடாது) மாலை  தொடுத்து தாயாருக்கு அணிவிக்கவேண்டும்.  

ஒட்டுமொத்த விகடனுக்கும் ஒரே ஷார்ட்கட்!

கல்யாண வரம் அருளும் மஞ்சள் மாலை!

16-வது வாரம், மூன்று மாலைகள் வாங்கி வந்து பெருமாளுக்குச் சாத்தி, சங்கல்பத்தை பூர்த்தி செய்துகொள்ள வேண்டும். இப்படி, மனப்பூர்வ மாக வேண்டிக்கொள்பவர்களுக்கு விரைவிலேயே திருமணம் நடைபெறுவதாக பக்தர்கள் நம்பிக்கை யுடன் கூறுகிறார்கள். திருமணம் நடைபெற்றதும், தம்பதி சமேதராக ஆலயத்துக்கு வந்து, பெருமாளை யும் தாயாரையும் வழிபட வேண்டும்.

கரு காக்கும் கற்பக ஸ்வரூபிணி

இந்த ஆலயத்தின் தலவிருட்சம் அரசமரம். இந்த விருட்சத்தின் கீழ் கற்பக ஸ்வரூபிணித் தாயார், நான்கு திருக்கரங்களுடன் அமர்ந்த கோலத்தில், கருக் காக்கும் தாயாராக அருள்புரிகிறார். கருவுற்ற பெண்கள், தங்களுக்கு சுகப் பிரசவம் நடைபெறவேண்டும் என்பதற்காக, இந்தத் தாயாரைப் பிரார்த்தித்துக் கொள்கின்றனர். தாயாரின் அருளால் சுகப் பிரசவம் ஆனதும் கோயிலுக்கு வந்து நன்றி செலுத்திச் செல்கின்றனர்.

குழந்தை வரமருளும் சந்தான கண்ணன்

குழந்தை பாக்கியம் வேண்டுபவர்கள், கோயிலில் ரோகிணி நட்சத்திரத்தன்று சந்தான பாக்கியம் வேண்டி நடைபெறும் சங்கல்ப பூஜையில் கலந்து கொள்ளலாம். தம்பதிகள் விரதமிருந்து, தொட்டில் கண்ணன், பழங்கள், பூக்கள், அவல், வெண்ணெய், இரண்டு செவ்வாழைகள், சர்க்கரை, வெற்றிலைப் பாக்கு ஆகியவற்றை வாங்கி வந்து அர்ச்சகரிடம் கொடுக்க வேண்டும். அர்ச்சகர் தொட்டில் கண்ணன் மற்றும் அர்ச்சனைப் பொருள் களை சந்தான கண்ணன் திருவடிகளில் வைத்து அர்ச்சனை செய்வார்.

அர்ச்சனை முடிந்ததும் அவர் தரும் தொட்டில் கண்ணனை வாங்கி மடியில் கட்டிக்கொண்டு, அரச மரத்தடியில்  உள்ள சந்தான கண்ணனை 27 முறை வலம் வரவேண்டும். பின்னர் தொட்டில் கண்ணனை மரத்தில் கட்டிவிட்டு, பால் பாயசம் நைவேத்தியம் செய்து, கோயிலுக்கு வரும் பக்தர்களுக்குப் பிரசாதமாகக் கொடுக்கவேண்டும். இங்ஙனம், தொடர்ந்து 12 ரோகிணி நட்சத்திர திருநாள்களில் இங்கு வந்து வழிபட்டால், குழந்தை பாக்கியம் கிடைக்கும் என்பது நம்பிக்கை.

ஸ்ரீராமாநுஜர் தரிசனம்


கோயில் பிராகாரத்தில் சந்நிதி கொண்டிருக்கும் ஸ்ரீராமாநுஜருக்கு வியாழக்கிழமைகளில் ஏலக்காய் மாலை சாத்தி வேண்டிக்கொண்டால், ஞாபக சக்தி அதிகரிப்பதுடன், கல்வியில் சிறப்பான முறையில் தேர்ச்சி கிடைக்கும் என்பது ஐதீகம். ஒவ்வொரு திருவாதிரையன்றும் உடையவருக்கு திருமஞ்சனம் நடைபெறுகிறது. கோயிலில் வேணுகோபாலன், ஆஞ்சநேயர், ஆண்டாள், விஷ்வக்சேனர், கலியன், மணவாள மாமுனிகள் ஆகியோருக்கும் சந்நிதிகள் அமைந்திருக்கின்றன.

படங்கள்: செ.விவேகானந்தன்

கல்யாண வரம் அருளும் மஞ்சள் மாலை!

எங்கிருக்கிறது?

சுமார் 600 வருடங்கள் பழைமையான ஆதிமூலப் பெருமாள் கோயில், சென்னை வடபழநி ஆதிமூலப் பெருமாள் கோயில் தெருவில் அமைந்திருக்கிறது. வடபழநி முருகன் கோயிலுக்கு அருகிலுள்ளது.

கோயில் நடை திறந்திருக்கும் நேரம்  காலை 6.30 மணி முதல் 11.30 வரை.மாலை 4.30 முதல் 8.15 வரை.