Election bannerElection banner
Published:Updated:

ஊர்த்தவ தாண்டவனை பார்த்தாலே புண்ணியம்தான்!

திருவாதிரை தரிசனம்!

ஊர்த்தவ தாண்டவனை பார்த்தாலே புண்ணியம்தான்!

ற்றைக் காலில் நின்று, மற்றொரு திருப்பாதத்தை தோள் பகுதி வரைக்கும் தூக்கியபடி திருநடனம் புரியும் திருக்கோலத்தில் நடராஜரைத் தரிசித்திருக்கிறீர் களா? திருவாலங்காட்டுக்கு வாருங்கள்; திவ்வியமாகத் தரிசிக்கலாம்!

சென்னை சென்ட்ரலில் இருந்து அரக்கோணம் செல்லும் மின்சார ரயிலில் பயணித்தால், திருவாலங்காடு ரயில் நிலையத்தை அடையலாம். இங்கிருந்து சுமார் 4 கி.மீ. தொலைவில் உள்ளது வடாரண்யேஸ்வரர் திருக்கோயில். ஆலமரங்கள் கொண்ட வனப்பகுதியில், இறைவன் திருநடனம் புரிந்ததால் இந்தத் தலம் ஆலங்காடு எனப்பெயர் பெற்றது. இந்தத் தலத்தில் லிங்கத் திருமேனியாக மூலவர் அருள்புரிந்தாலும், ஊர்த்துவ தாண்டவமாடும் ஸ்ரீநடராஜ பெருமானே முதன்மையானவர்.  

##~##
தொண்டை நாட்டின் பாடல்பெற்ற தலங்களில், 15-வது தலமாகப் போற்றப்படுகிறது இந்தத் தலம். அம்பிகையின் திருநாமம்- ஸ்ரீவண்டார் குழலியம்மை. இங்கு, சனீஸ்வர பகவானின் மைந்தனான மாந்திக்கும் தனிச் சந்நிதி உள்ளது. எனவே, இங்கு வந்து சிறப்புப் பரிகார பூஜைகள் செய்து வழிபட்டால், சனி தோஷங்கள் யாவும் விலகும் என்பது நம்பிக்கை!

இங்கு, மார்கழித் திருவாதிரை நாளில், ஸ்ரீநடராஜருக்கு அபிஷேகம் மற்றும் சிறப்பு அலங்காரம் செய்யப்பட்டு, திருவீதியுலா வருவார். அதனைக் காண, பக்தர்கள் திரள்வர்.  

இந்த நாளில் சிவ- பார்வதியை வணங்கி, ஆடல்வல்லானின் அற்புதக் கோலத்தையும் தரிசித்தால், அனைத்து யோகங்களும் கிடைக்கப் பெறுவர் என்பது ஐதீகம்!

திருவாதிரைக்கு மிஞ்சிய விழாவும் இல்லை; திருவாதிரைக் களிக்கு இணையான நைவேத்தியமும் இல்லை என்பார்கள்!

இந்த திருவாதிரை நன்னாளில், திருவாலங்காட்டு நடராஜப் பெருமானை வணங்குங்கள்; வளம் பெறுங்கள்!

      - பொ.ச.கீதன்
படங்கள்: ச.இரா.ஸ்ரீதர்

Election bannerElection banner
அடுத்த கட்டுரைக்கு