Published:Updated:

அர்த்தசாம அழகர்!

விகடன் விமர்சனக்குழு

அர்த்தசாம அழகர்!

பிரீமியம் ஸ்டோரி

சிவாலயங்களில் நாள்தோறும் அர்த்தசாம பூஜை முடிந்ததும் பைரவ மூர்த்திக்கு வழிபாடு நடத்தப்படும். அவருடைய வழிபாட்டுடன் அன்றைய பூஜை முடிந்ததாகக் கருதப்படும். சிதம்பரத்தில் பைரவ வழிபாட்டுக்குப் பிறகு, அர்த்தஜாம அழகர்  எனப்படும் க்ஷேத்திரபாலன் பூஜிக்கப்படுகிறார்.

அர்த்தசாம அழகர்!

ஜோதிடன் ஒருவன் பலரது சாபத்தால் மறுபிறவியில் பல்லி யாகப் பிறந்தான். அப்படி அவன் பிறந்த இடம் சிதம்பரம். இந்தத் தலத்தின் கொடுங்கைகளில் வசித்த பல்லிக்கு புண்ணியவசத்தால் சிவ பக்தி உண்டானது; நடராஜப் பெருமானின் திருவருள் கைகூடியது. அழகிய சிவகணமாகும் பேறு கிடைத்தது. சிற்சபையின் ஈசான பாகத்தில் தேவ சபையின் மேற்குச் சுவரில் அமைந்துள்ள மாடத்தில், சிற்சபையை நோக்கியவாறு அர்த்தசாம அழகர் காட்சி தருகிறார்.

நாள்தோறும் பள்ளியறைபூஜை, பைரவ பூஜையைத் தொடர்ந்து, அர்த்தசாம அழகருக்கு வழிபாடு நடைபெறும். அப்போது மணம் பொருந்திய தாம்பூலத்தை நைவேத்தியம் செய்வார்கள். இவர் பல்லி வடிவில் வழிபட்ட ஈஸ்வரன், பல்லீசர் என்ற பெயரில் இரண்டாம் பிராகாரத்தில் தட்சிணா மூர்த்திக்கு அருகில் எழுந்த ருளியுள்ளார். இவரை வழிபட்டால், பில்லி-சூன்யம் போன்ற தீவினைகள் நீங்கும் என்பது நம்பிக்கை.

- அருணவசந்தன், சென்னை-4

படம்: கே.எம்.பிரசன்னா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு